WhatsApp ​ಬಳಕೆದಾರರಿಗೆ ಸಿಹಿ ಸುದ್ದಿ: ಇನ್ನಮುಂದೆ ಡೆಸ್ಕ್​ಟಾಪ್​​ನಲ್ಲಿ ವಾಟ್ಸಾಪ್​ ಬಳಕೆ!

ಬಳಕೆದಾರರ ಬೇಡಿಕೆಯಂತೆಯೇ ವಾಟ್ಸಾಪ್​ ಕೊನೆಗೂ ಡೆಸ್ಕ್​ಟಾಪ್​​ನಲ್ಲಿ ವಾಟ್ಸಾಪ್​ ಬಳಕೆ ಮಾಡುವವರಿಗೆ ವಿಡಿಯೋ ಕಾಲ್​ ಹಾಗೂ ವಾಯ್ಸ್ ಕಾಲ್​​ ಸೌಲಭ್ಯವನ್ನ ನೀಡಿದೆ. ಇದರಿಂದಾಗಿ ದಿನದ ಬಹುತೇಕ ಅವಧಿಯನ್ನ ಕಂಪ್ಯೂಟರ್​ ಪರದೆಯ ಮುಂದೆ ಕಳೆಯುವವರಿಗೆ ದೊಡ್ಡ ಲಾಭ ಸಿಕ್ಕಂತಾಗಿದೆ.

ಈ ಸಂಬಂಧ ಟ್ವೀಟ್​ ಮಾಡಿರುವ ವಾಟ್ಸಾಪ್(Whatsapp)​​​, ಎಂಡ್​ ಟು ಎಂಡ್​ ಎನ್​ಕ್ರಿಪ್ಟೆಡ್​​ ವಾಯ್ಸ್ ಕಾಲ್​​ ಹಾಗೂ ವಿಡಿಯೋ ಕಾಲ್​​ ಸೌಲಭ್ಯವನ್ನ ಡೆಸ್ಕ್​ಟಾಪ್​​ನಲ್ಲಿ ಅಪ್ಲಿಕೇಶನ್​ ಬಳಕೆ ಮಾಡುವವರಿಗೂ ನೀಡುತ್ತಿದ್ದೇವೆ ಎಂದು ಹೇಳಿದೆ. ಅಲ್ಲದೇ ಕಂಪ್ಯೂಟರ್​ನಲ್ಲಿ ಅಪ್ಲಿಕೇಶನ್​ ಡೌನ್​ಲೋಡ್​ ಮಾಡಲು ಬೇಕಾದ ಲಿಂಕ್​ನ್ನೂ ಶೇರ್ ಮಾಡಿದೆ.

ವರ್ಕ್ ಫ್ರಂ ಹೋಂನಿಂದಾಗಿ ವಿಡಿಯೋ ಕಾಲ್​ ಹಾಗೂ ವಾಯ್ಸ್ ಕಾಲ್(Voice Call)​​ ಮಾಡುವವರ ಸಂಖ್ಯೆ ಏರಿಕೆಯಾಗಿತ್ತು. ಇದೀಗ ಕಂಪ್ಯೂಟರ್​ನಲ್ಲೂ ಈ ಅವಕಾಶ ಸಿಕ್ಕಿರೋದು ಮನೆಯಲ್ಲೇ ಕೆಲಸ ಮಾಡುವವರಿಗೆ ಇನ್ನಷ್ಟು ಖುಷಿ ಕೊಟ್ಟಿದೆ.