ಮೋದಿ ಜೊತೆ ಮೆಲೋನಿ ಕ್ಯೂಟ್‌ ಪೋಸ್ಟ್‌: ಟ್ವೀಟ್‌ ಆದ ಕೆಲವೇ ನಿಮಿಷಗಳಲ್ಲಿ ವಿಡಿಯೋ ಫುಲ್‌ ವೈರಲ್‌

Modi: ಇಟಲಿ ದೇಶದ ಪ್ರಧಾನಿ ಮೆಲೋನಿ ಹಾಗೂ ನರೇಂದ್ರ ಮೋದಿ ಬಹಳ ಒಳ್ಳೆ ಗೆಳತನ ಹೊಂದಿದ್ದಾರೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಷಯ. ಇವರ ಸ್ನೇಹಕ್ಕೆ ಇಬ್ಬರು ಜೊತೆಗಿರುವ ಫೋಟೋಗಳೇ ಸಾಕ್ಷಿ. 

ಶುಕ್ರವಾರ ಇಟಲಿಯಲ್ಲಿ ನಡೆದ G7 ಶೃಂಗಸಭೆಯಲ್ಲಿ ಭಾರತದ ಪ್ರಾಧಾನಿ ನರೇಂದ್ರ ಮೋದಿ ಪಾಲ್ಗೊಂಡಿದ್ದರು. ದೇಶದ ಹಲವು ಯೋಜನೆಗಳ ಕುರಿತು ಇಲ್ಲಿ ಮೋದಿ ಮಾತನಾಡಿದ್ದರು. ಮೋದಿ 3.0 ಸರ್ಕಾರದಲ್ಲಿ ಮೋದಿ ದೇಶಕ್ಕಾಗಿ ತರಲಿರುವ ಬಲಾವಣೆಗಳ ಕುರಿತು ಇಲ್ಲಿ ಚರ್ಚೆ ಮಾಡಲಾಯಿತು.

ಇದನ್ನೂ ಓದಿ:  ಪ್ರಧಾನಿ ಮೋದಿ ಇಟಲಿ ಭೇಟಿಗೂ ಮುನ್ನ ಮಹಾತ್ಮಾ ಗಾಂಧಿ ಪ್ರತಿಮೆ ಧ್ವಂಸ

ಈ ವೇಳೆ ಇಟಲಿ ಪ್ರಧಾನಿ ಮೆಲೋನಿ ಅವರೊಂದಿಗೆ ಮೋದಿ ಕ್ಯೂಟ್‌ ವೀಡಿಯೋ ಒಂದಕ್ಕೆ ಪೋಸ್‌ ಕೊಟ್ಟಿದ್ದಾರೆ. ಹೌದು, ಶೃಂಗಸಭೆಯಲ್ಲಿ ಮೋದಿ ಅಷ್ಟೇ ಅಲ್ಲದೆ, ಇಟಲಿಯ ಪ್ರಧಾನಿ ಅಂದರೆ ಮೋದಿ ಸ್ನೇಹಿತೆ ಮೆಲೋನಿ ಕೂಡ ಪಾಲ್ಗೊಂಡಿದ್ದರು. ಈ ವೇಳೆ ಮೆಲೋನಿ ಮೋದಿಯವರೊಂದಿಗೆ ಸೆಲ್ಫಿ ವಿಡಿಯೋ ಒಂದನ್ನ ಮಾಡಿದ್ದಾರೆ. ಈ ವಿಡಿಯೋವನ್ನ ತಮ್ಮ ಎಕ್ಸ್‌ ಖಾತೆಯಲ್ಲಿ ಮೆಲೋನಿ " ಹೈ ಫ್ರೆಂಡ್ಸ್‌, ಫ್ರಮ್‌ #Melodi" ಎಂಬ ಕ್ಯಾಪ್ಷನ್‌ನೊಂದಿಗೆ ಹಂಚಿಕೊಂಡಿದ್ದು ಸಾಮಾಜಿಕ ಜಾಲತಾಣದಲ್ಲಿ ಸಕತ್‌ ವೈರಲ್‌ ಆಗುತ್ತಿದೆ.

ಈ ವಿಡಿಯೋ ಶೇರ್‌ ಆದ ಕೆಲವೇ ನಿಮಿಷಗಳಲ್ಲಿ 1.7 ಮಿಲಿಯನ್‌ ಜನ ವಿಡಿಯೋ ವೀಕ್ಷಿಸಿದ್ದಾರೆ. 96 ಸಾವಿರ ಜನ ಈ ಪೋಸ್ಟ್‌ಗೆ ಲೈಕ್‌ ಮಾಡಿದ್ದಾರೆ. ಇನ್ನೂ 7800 ಜನ ಈ ಪೋಸ್ಟ್‌ಗೆ ಕಾಮೆಂಟ್‌ ಮಾಡಿದ್ದರೆ, 26 ಸಾವಿರ ಮಂದಿ ವಿಡಿಯೋವನ್ನ ಶೇರ್‌ ಮಾಡಿದ್ದಾರೆ.