ಚಂದ್ರಯಾನ 2 ರ ಬಗ್ಗೆ ಪಾಕ್ ನ ಮೊದಲ ಮಹಿಳಾ ಗಗನಯಾತ್ರಿ ಮೆಚ್ಚುಗೆ

ನವದೆಹಲಿ: ಪಾಕಿಸ್ತಾನದ ಮೊದಲ ಮಹಿಳಾ ಗಗನಯಾತ್ರಿ ನಮೀರಾ ಸಲೀಂ ಚಂದ್ರನ ದಕ್ಷಿಣ ಧ್ರುವದ ಮೇಲೆ ಇಳಿಯುವ ಇಸ್ರೋದ ಚಂದ್ರಾಯಾನ 2 ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಕರಾಚಿ ಮೂಲದ  ಕರಾಚಿ ಮೂಲದ ಡಿಜಿಟಲ್ ಸೈನ್ಸ್ ನಿಯತಕಾಲಿಕೆಯ ಸೈಂಟಿಯಾಕ್ಕೆ ನೀಡಿದ ಹೇಳಿಕೆಯಲ್ಲಿ ನಮೀರಾ ಸಲೀಮ್, 'ಚಂದ್ರನ ದಕ್ಷಿಣ ಧ್ರುವದಲ್ಲಿ ವಿಕ್ರಮ್ ಲ್ಯಾಂಡರ್ ಅನ್ನು ಯಶಸ್ವಿಯಾಗಿ ಮೃದುವಾಗಿ ಇಳಿಯುವ ಐತಿಹಾಸಿಕ ಪ್ರಯತ್ನವನ್ನು ಭಾರತ ಮತ್ತು ಇಸ್ರೋ ಅಭಿನಂದಿಸುತ್ತೇನೆ' ಎಂದು ಹೇಳಿದರು.

ಚಂದ್ರಯಾನ -2  ಮಿಷನ್ ನಿಜಕ್ಕೂ ದಕ್ಷಿಣ ಏಷ್ಯಾಕ್ಕೆ ಮಹತ್ವದ ಹೆಜ್ಜೆಯಾಗಿದೆ, ಇದು ಈ ಪ್ರದೇಶವನ್ನು ಮಾತ್ರವಲ್ಲದೆ ಇಡೀ ಜಾಗತಿಕ ಬಾಹ್ಯಾಕಾಶ ಉದ್ಯಮವನ್ನು ಹೆಮ್ಮೆಪಡುವಂತೆ ಮಾಡಿದೆ ಎಂದು ಹೇಳಿದರು. ದಕ್ಷಿಣ ಏಷ್ಯಾದಲ್ಲಿ ಬಾಹ್ಯಾಕಾಶ ವಲಯದಲ್ಲಿನ ಪ್ರಾದೇಶಿಕ ಬೆಳವಣಿಗೆಗಳು ಗಮನಾರ್ಹವಾಗಿವೆ ಮತ್ತು ಯಾವ ರಾಷ್ಟ್ರವು ಮುನ್ನಡೆಸಿದರೂ - ಬಾಹ್ಯಾಕಾಶದಲ್ಲಿ, ಎಲ್ಲಾ ರಾಜಕೀಯ ಗಡಿಗಳು ಕರಗುತ್ತವೆ ಮತ್ತು ಬಾಹ್ಯಾಕಾಶದಲ್ಲಿ ನಮ್ಮನ್ನು ಒಂದುಗೂಡಿಸುತ್ತದೆ ಎಂದು ಅವರು ಹೇಳಿದ್ದಾರೆ.

ನಮೀರಾ ಸಲೀಂ ಅವರು ವರ್ಜಿನ್ ಗ್ಯಾಲಕ್ಸಿಯಲ್ಲಿ ಬಾಹ್ಯಾಕಾಶಕ್ಕೆ ಹೋದ ಮೊದಲ ಪಾಕಿಸ್ತಾನಿ ಎನ್ನುವ ಹೆಗ್ಗಳಿಕೆ ಪಾತ್ರರಾಗಿದ್ದಾರೆ.

ಶನಿವಾರ ಮುಂಜಾನೆ ಚಂದ್ರನ ದಕ್ಷಿಣ ಧ್ರುವದಲ್ಲಿ ಲ್ಯಾಂಡರ್ ತನ್ನ ಗೊತ್ತುಪಡಿಸಿದ ಲ್ಯಾಂಡಿಂಗ್ ಸ್ಥಳದಿಂದ ಕೇವಲ 2.1 ಕಿ.ಮೀ ದೂರದಲ್ಲಿದ್ದಾಗ ವಿಕ್ರಂ ಲ್ಯಾಂಡರಿನ ಸಂಪರ್ಕ ಕಡಿತಗೊಂಡಿತ್ತು. ಆದರೆ ಭಾನುವಾರದಂದು ಇಸ್ರೋ ಚಂದ್ರನ ಮೇಲ್ಮೈಯಲ್ಲಿ ವಿಕ್ರಮನ್ನು ಪತ್ತೆ ಹಚ್ಚಿದ್ದು. ಲ್ಯಾಂಡರಿನ ಚಿತ್ರಗಳನ್ನು ಚಂದ್ರಯಾನ2 ದ ಆರ್ಬಿಟರ್ ಕಂಡು ಹಿಡಿದಿದೆ.