Right To Abortion: ಗರ್ಭಪಾತ ಸಾಂವಿಧಾನಿಕ ಹಕ್ಕು..! ಈ ಹಕ್ಕನ್ನು ಘೋಷಿಸಿದ ಮೊದಲ ದೇಶ ಫ್ರಾನ್ಸ್

France Makes Abortion Constitutional Rights:  ಪ್ರಂಚದ್ಯಾಂದ ಇದೇ ಮೊದಲ ದೇಶ ಈ ಒಂದು  ಹಕ್ಕನ್ನು ಪಡೆಯಲು ಮತದಾನವನ್ನು ಚಲಾಯಿಸುತ್ತಿದೆ. ಹೌದು ಗರ್ಭಪಾತವನ್ನು ಸಾಂವಿಧಾನಿಕ ಹಕ್ಕನ್ನಾಗಿ ಮಾಡುತ್ತಿರುವ  ವಿಶ್ವದ ಮೊದಲ ದೇಶ ಎಂದರೆ ಅದು ಫ್ರಾನ್ಸ್‌.  ಈ ಸ್ಟೋರಿಯ  ಕಂಪ್ಲೀಟ್‌ ಡಿಟೈಲ್ಸ್‌ ಇಲ್ಲಿದೆ.

ಸಂಸತ್ತಿನ ಜಂಟಿ ಅಧಿವೇಶನದಲ್ಲಿ ಫ್ರೆಂಚ್ ಸಂಸದರು, ದೇಶದಲ್ಲಿ ಗರ್ಭಪಾತವನ್ನು ಮಹಿಳೆಯರ ಸಾಂವಿಧಾನಿಕ ಹಕ್ಕನ್ನು ಮಾಡುವ ಮಸೂದೆಯನ್ನು ಅನುಮೋದಿಸಿದರು. ಮಸೂದೆಯ ಮೇಲೆ ಮತದಾನ ನಡೆದಿದ್ದು, ಅದರ ಪರವಾಗಿ 780 ಮತಗಳು ಚಲಾವಣೆಗೊಂಡರೆ, ಅದರ ವಿರುದ್ಧ 72 ಮತಗಳು ಚಲಾವಣೆಯಾದವು. ಇದರೊಂದಿಗೆ, ಗರ್ಭಪಾತವನ್ನು ಸಾಂವಿಧಾನಿಕ ಹಕ್ಕು ಎಂದು ಸ್ಪಷ್ಟವಾಗಿ ಖಾತರಿಪಡಿಸುವ ಏಕೈಕ ದೇಶ ಫ್ರಾನ್ಸ್ ಆಗಿದೆ.

ಗರ್ಭಪಾತ ಹಕ್ಕು ಕಾರ್ಯಕರ್ತರು ಸೆಂಟ್ರಲ್ ಪ್ಯಾರಿಸ್ ನೋಳಗೆ ನುಗ್ಗಿ ಸಂತಸ ವ್ಯಕ್ತಪಡಿಸಿದರು. ಮತದಾನದ ನಂತರ, ಐಫೆಲ್ ಟವರ್ ಅನ್ನು 'ಮೈ ಬಾಡಿ ಮೈ ಚಾಯ್ಸ್' ಎಂಬ ಪದಗಳಿಂದ ಬೆಳಗಿಸಲಾಯಿತು ಎನ್ನಲಾಗಿದೆ. 

ಇದನ್ನೂ ಓದಿ: Trending: ಈ ಜನರು ಮದುವೆ ದಿನ ಮಾತ್ರ ಸ್ನಾನ ಮಾಡಿದ್ರು ಶುದ್ಧವಾಗಿರ್ತಾರೆ..! ಹೇಗೆ ಗೊತ್ತಾ?

'ಫ್ರೆಂಚ್ ಪ್ರೈಡ್'

ಬಿಬಿಸಿ ಪ್ರಕಾರ, ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಈ ಕ್ರಮವನ್ನು 'ಫ್ರೆಂಚ್ ಪ್ರೈಡ್' ಎಂದು ಕರೆದರು, ಇದು 'ಸಾರ್ವತ್ರಿಕ ಸಂದೇಶ'ವನ್ನು ನೀಡಿದೆ. ಆದಾಗ್ಯೂ, ಗರ್ಭಪಾತ ವಿರೋಧಿ ಗುಂಪುಗಳು ಈ ಕ್ರಮವನ್ನು ಬಲವಾಗಿ ಟೀಕಿಸುತ್ತಿದ್ದವೆ. 

1975 ರಿಂದ ಫ್ರಾನ್ಸ್‌ನಲ್ಲಿ ಗರ್ಭಪಾತ ಕಾನೂನು ಬದ್ಧವಾಗಿದೆ. ಇತ್ತೀಚಿನ ಸಮೀಕ್ಷೆಯಲ್ಲಿ, ಸುಮಾರು 85% ಸಾರ್ವಜನಿಕರು ಗರ್ಭಧಾರಣೆಯನ್ನು ಅಂತ್ಯಗೊಳಿಸುವ ಹಕ್ಕನ್ನು ರಕ್ಷಿಸಲು ಸಂವಿಧಾನವನ್ನು ತಿದ್ದುಪಡಿ ಮಾಡುವುದನ್ನು ಬೆಂಬಲಿಸುತ್ತಿದ್ದರು. 

ಇದನ್ನೂ ಓದಿ: Haiti Prison: ಹೈಟಿಯಲ್ಲಿ ಉದ್ವಿಗ್ನ ಪರಿಸ್ಥಿತಿ..! ಜೈಲು ಗಲಭೆ ಭೇದಿಸಿ ನೂರಾರು ಕೈದಿಗಳು ಪರಾರಿ..

ಪ್ರತಿಭಟನೆಯ ಧ್ವನಿಗಳು:

ಬಲಪಂಥೀಯ ನಾಯಕ ಮರೀನ್ ಲೆ ಪೆನ್, ದೇಶದಲ್ಲಿ ಗರ್ಭಪಾತದ ಹಕ್ಕುಗಳಿಗೆ ಭಾರಿ ಬೆಂಬಲವನ್ನು ನೀಡಿದ ಮ್ಯಾಕ್ರನ್ ಅದನ್ನು ರಾಜಕೀಯ ಲಾಭಕ್ಕಾಗಿ ಬಳಸುತ್ತಿದ್ದಾರೆ ಎಂದು ಹೇಳಿದರು. ವರ್ಸೇಲ್ಸ್ ಮತದಾನದ ಮೊದಲು ಲೆ ಪೆನ್ ಹೇಳಿದರು, 'ನಾವು ಸಂವಿಧಾನದಲ್ಲಿ ಅದನ್ನು ಸೇರಿಸಲು ಮತ ಹಾಕುತ್ತೇವೆ ಏಕೆಂದರೆ ನಮಗೆ ಅದರಲ್ಲಿ ಯಾವುದೇ ಸಮಸ್ಯೆ ಇಲ್ಲ.' ಆದಾಗ್ಯೂ, ಫ್ರಾನ್ಸ್‌ನಲ್ಲಿ ಯಾರೂ ಗರ್ಭಪಾತದ ಹಕ್ಕನ್ನು ಅಪಾಯಕ್ಕೆ ತೆಗೆದುಕೊಳ್ಳದ ಕಾರಣ ಇದನ್ನು ಐತಿಹಾಸಿಕ ಹೆಜ್ಜೆ ಎಂದು ಕರೆಯುವುದು ಉತ್ಪ್ರೇಕ್ಷೆಯಾಗಿದೆ ಎಂದು ಅವರು ಹೇಳಿದರು. 

ಕ್ಯಾಥೋಲಿಕ್ ಕುಟುಂಬಗಳ ಸಂಘದ ಅಧ್ಯಕ್ಷ ಪಾಸ್ಕೇಲ್ ಮೊರಿನಿಯರ್, ಈ ಕ್ರಮವು ಗರ್ಭಪಾತ ವಿರೋಧಿ ಪ್ರಚಾರಕರ ಸೋಲು ಎಂದು ಕರೆದರು. "ಇದು ಮಹಿಳೆಯರಿಗೆ ಸೋಲು ಮತ್ತು, ಸಹಜವಾಗಿ, ಜಗತ್ತಿಗೆ ಬರಲು ಸಾಧ್ಯವಾಗುವ ಎಲ್ಲಾ ಮಕ್ಕಳಿಗೆ" ಎಂದು ಅವರು ಹೇಳಿದರು.