Russia-Ukraine Crisis: `ಉಕ್ರೇನ್‌ನ ಮಿಲಿಟರಿ ಶರಣಾದರೆ ಮಾಸ್ಕೋ ಮಾತುಕತೆಗೆ ಸಿದ್ಧ`

ನವದೆಹಲಿ: ಉಕ್ರೇನ್‌ನ ಮಿಲಿಟರಿ ಶರಣಾದರೆ ಮಾಸ್ಕೋ ಮಾತುಕತೆಗೆ ಸಿದ್ಧವಾಗಿದೆ ಎಂದು ರಷ್ಯಾ ಹೇಳಿದೆ.ಉಕ್ರೇನ್ ಆಕ್ರಮಣದ ಮೊದಲ ದಿನವು ತನ್ನ ಎಲ್ಲಾ ಗುರಿಗಳನ್ನು ಸಾಧಿಸಿದೆ ಮತ್ತು 83 ಭೂ-ಆಧಾರಿತ ಉಕ್ರೇನಿಯನ್ ಗುರಿಗಳನ್ನು ನಾಶಪಡಿಸಿದೆ ಎಂದು ಮಾಸ್ಕೋ ತಿಳಿಸಿದೆ.

ಅಧಿಕೃತ ವರದಿಗಳ ಪ್ರಕಾರ, ರಷ್ಯಾ (Russia-Ukraine Crisis) ತನ್ನ ಪಶ್ಚಿಮ ನೆರೆಹೊರೆಯ ಮೇಲೆ ದಿನದ ಆರಂಭದಿಂದ 203 ದಾಳಿಗಳನ್ನು ನಡೆಸಿದೆ.

ಇದನ್ನೂ ಓದಿ: Russia-Ukraine War: ರಷ್ಯಾ ವಿರುದ್ಧ ಉಕ್ರೇನ್ ಬಳಿ ಕೇವಲ 3 ಆಯ್ಕೆಗಳಿವೆ, ಮುಂದಿನ 24 ಗಂಟೆಗಳಲ್ಲಿ ಉಕ್ರೇನ್ ಅಧ್ಯಕ್ಷರ ಗತಿ ಏನಾಗಲಿದೆ?

ಎರಡನೇ ವಿಶ್ವಯುದ್ಧದ ನಂತರ ಯುರೋಪಿಯನ್ ರಾಜ್ಯದ ಮೇಲೆ ನಡೆದ ಅತಿದೊಡ್ಡ ದಾಳಿಯಲ್ಲಿ ಮಾಸ್ಕೋ ಭೂಮಿ, ಸಮುದ್ರ ಮತ್ತು ಗಾಳಿಯ ಮೂಲಕ ದಾಳಿ ನಡೆಸಿದ ನಂತರ ಉಕ್ರೇನಿಯನ್ ಪಡೆಗಳು ಗುರುವಾರ ಮೂರು ಕಡೆಗಳಲ್ಲಿ ರಷ್ಯಾದ ಆಕ್ರಮಣಕಾರರೊಂದಿಗೆ ಹೋರಾಡಿದವು.

ಇದನ್ನೂ ಓದಿ: ನವಜೋತ್ ಸಿಂಗ್ ಸಿಧು ಗೆ ಔತಣಕೂಟಕ್ಕೆ ಆಹ್ವಾನ ನೀಡಿ ಅಚ್ಚರಿ ಮೂಡಿಸಿದ ಸಿಎಂ ಅಮರಿಂದರ್ ಸಿಂಗ್ ...!

ನ್ಯಾಟೋ, ಯುರೋಪಿಯನ್ ಒಕ್ಕೂಟ ಮತ್ತು ಜಿ7 ರಾಷ್ಟ್ರಗಳ ನಾಯಕರು ರಷ್ಯಾದ ದಾಳಿಯನ್ನು ಖಂಡಿಸಿವೆ.ಆದರೆ ರಷ್ಯಾ ದೇಶವು ಪಾಶ್ಚಿಮಾತ್ಯ ದೇಶಗಳು ತನ್ನ ವಿರುದ್ಧ ಪಿತೂರಿ ನಡೆಸಿವೆ ಎಂದು ದೂರಿದೆ, ಅಷ್ಟೇ ಅಲ್ಲದೆ ಹಲವು ದೇಶಗಳು ರಷ್ಯಾದ ಮೇಲೆ ನಿರ್ಬಂಧಗಳನ್ನು ಹೇರಲು ಮುಂದಾಗಿದ್ದಕ್ಕೆ ಪ್ರತಿಯಾಗಿ ಈಗ ರಷ್ಯಾ ದೇಶವು ಉಕ್ರೇನ್ ಮೇಲಿನ ದಾಳಿಯನ್ನು ಮುಂದುವರೆಸಿದೆ.

ರಷ್ಯಾದ ದಾಳಿ ವಿಚಾರವಾಗಿ ಪ್ರತಿಕ್ರಿಯಿಸಿರುವ ಜರ್ಮನಿಯ ಮಾಜಿ ಚಾನ್ಸಲರ್ ಅಂಜೆಲಾ ಮಾರ್ಕೆಲ್ ಶೀತಲ ಸಮರದ ನಂತರ ಯುರೋಪಿಯನ್ ಇತಿಹಾಸದಲ್ಲಿ ನಡೆದ ಪ್ರಮುಖ ದಾಳಿ ಇದಾಗಿದೆ ಎಂದು ಅವರು ಹೇಳಿದ್ದಾರೆ. ಇನ್ನೊಂದೆಡೆಗೆ ಫ್ರಾನ್ಸ್ ನ ಹಣಕಾಸು ಸಚಿವ ಮಾತನಾಡಿ ರಷ್ಯಾ ದೇಶವನ್ನು ಆರ್ಥಿಕವಾಗಿ ಏಕಾಂಗಿ ದೇಶವನ್ನಾಗಿ ಮಾಡಬೇಕು ಎಂದು ಹೇಳಿದ್ದಾರೆ.