ನವದೆಹಲಿ: ಕಳೆದ ಹಲವು ದಿನಗಳಿಂದ ವಿಶ್ವದಾದ್ಯಂತ ತಲ್ಲಣ ಸೃಷ್ಟಿಸಿರುವ ವಿಷಯ ಎಂದರೆ ಅದು ಕರೋನಾವೈರಸ್. 2020 ಅನ್ನು ಕರೋನಾ ವರ್ಷ ಎಂದು ಕರೆಯಲಾಗುತ್ತಿದೆ. ಈ ಕರೋನಾ ವರ್ಷ ಮತ್ತು ಅದೇ ರೀತಿ ಇಂದು ಜಗತ್ತನ್ನು ಕರೋನಾ-ವಿಶ್ವ ಅಥವಾ ಕರೋನಾ ಜಗತ್ತು ಎಂದೂ ಕರೆಯಬಹುದು. ವಿಶ್ವದ ಸಾಕಷ್ಟು ದೇಶಗಳಲ್ಲಿ ಕರೋನಾ ಪ್ರಕರಣಗಳು ದಿನೇ ದಿನೇ ತೀವ್ರ ಸ್ವರೂಪ ಪಡೆಯುತ್ತಿರುವುದನ್ನು ನೋಡಬಹುದು. ಅಂತಹ ಪರಿಸ್ಥಿತಿಯಲ್ಲಿ, ಈ ಕರೋನಾ ಜಗತ್ತಿನಲ್ಲಿ 18 ದೇಶಗಳು ಕರೋನಾವನ್ನು ಸೋಲಿಸುವ ಮೂಲಕ ಜಗತ್ತಿಗೆ ಉದಾಹರಣೆಯಾಗಿವೆ.


COMMERCIAL BREAK
SCROLL TO CONTINUE READING

ಈ 18 ದೇಶಗಳು ಮತ್ತು ದ್ವೀಪಗಳಲ್ಲಿ ಕಾಣದ ಕರೋನಾ:
ಕಣ್ಣಿಗೆ ಕಾಣಿಸದ ಕರೋನಾ ಎಂಬ ವೈರಸ್ ಗೆ ಹೆದರಿ ಇಂದು ಕೋಟ್ಯಾಂತರ ಜನರು ಲಾಕ್‌ಡೌನ್ನಲ್ಲಿ ಬಂದಿಯಾಗಿದ್ದಾರೆ. ಏತನ್ಮಧ್ಯೆ ಇನ್ನೂರು ದೇಶಗಳಲ್ಲಿ ಸುಮಾರು ಒಂದೂವರೆ ಡಜನ್ ದ್ವೀಪಗಳು ಮತ್ತು ದೇಶಗಳಲ್ಲಿ ಜನರು ಸಾಮಾನ್ಯ ಆರಾಮವಾಗಿ ಕಡಲ ತೀರಗಳಲ್ಲಿ ಪಾರ್ಟಿಗಳನ್ನೂ ಮಾಡುತ್ತಿರುವುದು ಕಂಡು ಬರುತ್ತದೆ. ವಾಸ್ತವವಾಗಿ ಇಡೀ ವಿಶ್ವವೇ ಕರೋನಾ ಹಿಡಿತದಲ್ಲಿರುವಾಗ ಕರೋನಾವೈರಸ್ ಅಥವಾ ಕೋವಿಡ್-19 ಈ ಸ್ಥಳಗಳನ್ನು ತಲುಪದೇ ಇರುವುದು ಆಶ್ಚರ್ಯಕರ ಸಂಗತಿ.


ಸರಿಯಾದ ಸಮಯದಲ್ಲಿ ಗಡಿ ಬಂದ್:
2020 ರ ಕರೋನಾ ವರ್ಷದಲ್ಲಿ ವಿಶ್ವದ ಸುಮಾರು 4.5 ಮಿಲಿಯನ್ ಜನರು ಕರೋನಾ ರೋಗಿಗಳಾಗಿದ್ದಾರೆ ಮತ್ತು ಮೂರು ಲಕ್ಷಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಪರಿಸ್ಥಿತಿ ಏನೆಂದರೆ ವಿಶ್ವದ 190ಕ್ಕೂ ಹೆಚ್ಚು ದೇಶಗಳು ಈ ವೈರಸ್‌ನೊಂದಿಗೆ ಹೋರಾಡುತ್ತಿವೆ ಮತ್ತು ವಿಶ್ವದ ಜನಸಂಖ್ಯೆಯ ಮೂರನೇ ಒಂದು ಭಾಗದಷ್ಟು ಜನರು ಲಾಕ್‌ಡೌನ್ನಿಂದಾಗಿ ತಮ್ಮ ತಮ್ಮ ಮನೆಗಳಲ್ಲಿ ಬಂಧಿಯಾಗಿದ್ದಾರೆ. ಈ ಸ್ಥಗಿತಗೊಂಡ ಜಗತ್ತಿನಲ್ಲಿ ಈ ವೈರಸ್ ತಲುಪದ ಕೆಲವು ದೇಶಗಳಿವೆ. ಇದಕ್ಕೆ ಮುಖ್ಯ ಕಾರಣವೆಂದರೆ ಇಡೀ ವಿಶ್ವದಲ್ಲಿ ಕರೋನಾ ಪರಿಸ್ಥಿತಿಯನ್ನು ಕಂಡು ಈ ದೇಶಗಳು ಸರಿಯಾದ ಸಮಯದಲ್ಲಿ ತಮ್ಮ ಗಡಿಗಳನ್ನು ಬಂದ್ ಮಾಡಿವೆ.


ಕರೋನಾ ಕಾಳಗದ ನಡುವೆ ಈ 18 ದೇಶಗಳು ಮತ್ತು ದ್ವೀಪಗಳು ಪಾರ್ಟಿ ಮಾಡುತ್ತಿವೆ. ಇವುಗಳಲ್ಲಿ ಉತ್ತರ ಕೊರಿಯಾ ಸೇರಿವೆ. ಇದಲ್ಲದೆ ತುರ್ಕಮೆನಿಸ್ತಾನ್, ಮಾರ್ಷಲ್ ದ್ವೀಪ, ಮೈಕ್ರೋನೇಶಿಯಾ, ಕಿರಿಬಾಟಿ, ನೌರು, ಪಲಾವ್, ಟೋಂಗಾ, ತುವಾಲು, ವನವಾಟು, ಸಮೋವಾ, ಅಮೇರಿಕನ್ ಸಮೋವಾ, ಲೆಸೊಥೊ, ಸೊಲೊಮನ್ ದ್ವೀಪ, ದಿ ಕುಕ್ ದ್ವೀಪಗಳು, ಸಾಲ್ಮನ್, ಟೊಕೆಲಾವ್ ಮತ್ತು ನಿಯು ಇತ್ಯಾದಿ ದೇಶಗಳು ಮತ್ತು ದ್ವೀಪಗಳಲ್ಲಿ ಕಡಲತೀರಗಳಲ್ಲಿ ಪಾರ್ಟಿಗಳನ್ನು ನಡೆಸಲಾಗುತ್ತಿದೆ. ಆದರೆ ತುರ್ಕಮೆನಿಸ್ತಾನವನ್ನು ಹೊರತುಪಡಿಸಿ ಇತರ ದೇಶಗಳು ಮತ್ತು ದ್ವೀಪಗಳಿಗೆ ಹೋಗುವುದು ಸುಲಭವಲ್ಲ ಅಥವಾ ಅದನ್ನು ಎಲ್ಲರಿಗೂ ಅನುಮತಿಸುವುದಿಲ್ಲ ಎಂಬ ಸತ್ಯವೂ ಸಹ ಈ ಪ್ರದೇಶಗಳಲ್ಲಿ ಕರೋನಾ ಕಾಲಿಡಲು ಸಾಧ್ಯವಾಗಿಲ್ಲ.