ರಷ್ಯಾದ ಅಗ್ಗದ ತೈಲವನ್ನು ಖರೀದಿಸಲು ಮುಂದಾದ ಭಾರತಕ್ಕೆ ಅಮೇರಿಕಾ ಹೇಳಿದ್ದೇನು?

ನವದೆಹಲಿ: ರಿಯಾಯಿತಿ ದರದ ಕಚ್ಚಾ ತೈಲದ ರಷ್ಯಾದ ಪ್ರಸ್ತಾಪವನ್ನು ಭಾರತ ಸ್ವೀಕರಿಸುತ್ತಿರುವುದು ಅಮೆರಿಕದ ನಿರ್ಬಂಧಗಳ ಉಲ್ಲಂಘನೆಯಾಗುವುದಿಲ್ಲ ಎಂದು ಶ್ವೇತಭವನ ಹೇಳಿದೆ.

'ಯಾವುದೇ ದೇಶಕ್ಕೆ ನಮ್ಮ ಸಂದೇಶವು ನಾವು ಜಾರಿಗೆ ತಂದ ಮತ್ತು ಶಿಫಾರಸು ಮಾಡಿದ ನಿರ್ಬಂಧಗಳಿಗೆ ಬದ್ಧವಾಗಿರುವುದನ್ನು ಮುಂದುವರಿಸುತ್ತದೆ" ಎಂದು ಶ್ವೇತಭವನದ (White House) ಪತ್ರಿಕಾ ಕಾರ್ಯದರ್ಶಿ ಜೆನ್ ಪ್ಸಾಕಿ ಮಂಗಳವಾರದಂದು ದೈನಂದಿನ ಸುದ್ದಿಗೋಷ್ಠಿಯಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.

ರಿಯಾಯಿತಿ ದರದ ಕಚ್ಚಾ ತೈಲದ ರಷ್ಯಾದ ಪ್ರಸ್ತಾಪವನ್ನು ಭಾರತ ಸ್ವೀಕರಿಸುತ್ತಿರುವ ಸಾಧ್ಯತೆಯ ಕುರಿತ ವರದಿ ಬಗ್ಗೆ ಕೇಳಿದ್ದಕ್ಕೆ ಪ್ರತಿಕ್ರಿಯಿಸಿದ ಜೆನ್ ಪ್ಸಾಕಿ "ಇದು ನಿರ್ಬಂಧಗಳನ್ನು ಉಲ್ಲಂಘಿಸುತ್ತದೆ ಎಂದು ನಾನು ನಂಬುವುದಿಲ್ಲ" ಎಂದು ಹೇಳಿದರು.

'ಆದರೆ ಈ ಸಮಯದಲ್ಲಿ ಇತಿಹಾಸದ ಪುಸ್ತಕಗಳನ್ನು ಬರೆಯುವಾಗ ನೀವು ಎಲ್ಲಿ ನಿಲ್ಲಲು ಬಯಸುತ್ತೀರಿ ಎಂಬುದರ ಕುರಿತು ಯೋಚಿಸಿ.ರಷ್ಯಾದ ನಾಯಕತ್ವಕ್ಕೆ ಬೆಂಬಲ ನೀಡುವುದು ಆಕ್ರಮಣಕ್ಕೆ ನೀಡುವು ಬೆಂಬಲವಾಗಿದೆ, ಅದು ನಿಸ್ಸಂಶಯವಾಗಿ ವಿನಾಶಕಾರಿ ಪರಿಣಾಮವನ್ನು ಬೀರುತ್ತದೆ,"ಎಂದು ಜೆನ್ ಪ್ಸಾಕಿ ಹೇಳಿದ್ದಾರೆ.

ಇದನ್ನೂ ಓದಿ: ಪಂಜಾಬ್ ಕಾಂಗ್ರೆಸ್ ಅಧ್ಯಕ್ಷ ಹುದ್ದೆ ತೊರೆದ ನವಜೋತ್ ಸಿಂಗ್ ಸಿಧು

ಉಕ್ರೇನ್ ಮೇಲಿನ ರಷ್ಯಾದ ಆಕ್ರಮಣವನ್ನು ಭಾರತ ಎಂದಿಗೂ ಬೆಂಬಲಿಸಿಲ್ಲ.ಮಾತುಕತೆಯ ಮೂಲಕ ಭಿನ್ನಾಭಿಪ್ರಾಯಗಳನ್ನು ಬಗೆಹರಿಸಿಕೊಳ್ಳುವಂತೆ ನವದೆಹಲಿಯು ಎಲ್ಲಾ ಮಧ್ಯಸ್ಥಗಾರರನ್ನು ನಿರಂತರವಾಗಿ ಕೇಳಿಕೊಂಡಿದೆ.ಆದಾಗ್ಯೂ, ರಷ್ಯಾ ವಿರುದ್ಧದ ಎಲ್ಲಾ ವಿಶ್ವಸಂಸ್ಥೆಯ ನಿರ್ಣಯಗಳಲ್ಲಿ ಅದು ದೂರವಿತ್ತು.ಇನ್ನೊಂದೆಡೆಗೆ ರಷ್ಯಾದ ತೈಲವನ್ನು ಕಡಿದಾದ ರಿಯಾಯಿತಿ ದರದಲ್ಲಿ ಖರೀದಿಸಲು ಭಾರತ ಚಿಂತನೆ ನಡೆಸುತ್ತಿದೆ ಎಂಬ ವರದಿಗಳ ಬಗ್ಗೆ ಭಾರತೀಯ-ಅಮೆರಿಕನ್ ಕಾಂಗ್ರೆಸ್ ಸದಸ್ಯ ಡಾ ಅಮಿ ಬೆರಾ ನಿರಾಶೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: Video : ರೀಲ್ಸ್ ಮಾಡುವ ಭರದಲ್ಲಿ ತನ್ನ ಬೆನ್ನಿಗೇ ಬೆಂಕಿ ಹಚ್ಚಿಕೊಂಡ ಭೂಪ..! ಮುಂದೆ.?

"ವರದಿಗಳು ನಿಖರವಾಗಿದ್ದರೆ ಮತ್ತು ರಿಯಾಯಿತಿ ದರದಲ್ಲಿ ರಷ್ಯಾದ ತೈಲವನ್ನು ಖರೀದಿಸಲು ಭಾರತವು ಈ ನಿರ್ಧಾರವನ್ನು ತೆಗೆದುಕೊಂಡರೆ, ಉಕ್ರೇನಿಯನ್ ಜನರಿಗೆ ಬೆಂಬಲವಾಗಿ ಮತ್ತು ವಿರುದ್ಧವಾಗಿ ವಿಶ್ವದಾದ್ಯಂತ ದೇಶಗಳು ಒಗ್ಗೂಡಿಸಲ್ಪಟ್ಟಾಗ ಇತಿಹಾಸದ ಪ್ರಮುಖ ಕ್ಷಣದಲ್ಲಿ ವ್ಲಾಡಿಮಿರ್ ಪುಟಿನ್ ಅವರ ರಷ್ಯಾದ ಮಾರಣಾಂತಿಕ ಆಕ್ರಮಣದ ಪರವಾಗಿ ನವದೆಹಲಿ ಆಯ್ಕೆಮಾಡುತ್ತದೆ"ಎಂದು ಅವರು ಹೇಳಿದರು.

"ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವ ಮತ್ತು ಕ್ವಾಡ್ ನಾಯಕನಾಗಿ, ಭಾರತವು ತನ್ನ ಕ್ರಮಗಳು ನೇರವಾಗಿ ಅಥವಾ ಪರೋಕ್ಷವಾಗಿ ಪುಟಿನ್ ಮತ್ತು ಅವರ ಆಕ್ರಮಣವನ್ನು ಬೆಂಬಲಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳುವ ಜವಾಬ್ದಾರಿಯನ್ನು ಹೊಂದಿದೆ" ಎಂದು ಶ್ರೀ ಬೆರಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.