ನವದೆಹಲಿ: ಇಡೀ ವಿಶ್ವ ಕೊರೋನಾವೈರಸ್ (Coronavirus) ಸಾಂಕ್ರಾಮಿಕ ಬಿಕ್ಕಟ್ಟಿನಲ್ಲಿ ಸಿಲುಕಿರುವುದರ ಜೊತೆಗೆ ಹಸಿವಿನ ಸಾಂಕ್ರಾಮಿಕದ ಅಂಚಿಗೂ ತಳಲ್ಪಟ್ಟಿದೆ. ಈ ದುರಂತವನ್ನು ತಪ್ಪಿಸಲು ತುರ್ತು ಕ್ರಮ ತೆಗೆದುಕೊಳ್ಳುವುದು ಅಗತ್ಯ ಎಂದು ವಿಶ್ವಸಂಸ್ಥೆ (United Nations) ಯ ಆಹಾರ ಕಾರ್ಯಕ್ರಮದ ಮುಖ್ಯಸ್ಥ (WFP) ಡೇವಿಡ್ ಬೀಸ್ಲೆ ಎಚ್ಚರಿಸಿದ್ದಾರೆ.


COMMERCIAL BREAK
SCROLL TO CONTINUE READING

ವಿಶ್ವ ಆಹಾರ ಕಾರ್ಯಕ್ರಮದ ಕಾರ್ಯನಿರ್ವಾಹಕ ನಿರ್ದೇಶಕ ಡೇವಿಡ್ ಬೀಸ್ಲಿ ಮಂಗಳವಾರ ಯುಎನ್ ಸೆಕ್ಯುರಿಟಿ ಕೌನ್ಸಿಲ್ ಗೆ 'ಕೋವಿಡ್-19 (Covid-19) ಸಮಸ್ಯೆಯಾಗುವುದರ ಜೊತೆಗೆ 2020ನೇ ಇಸವಿ ಎರಡನೆಯ ಮಹಾಯುದ್ಧದ ನಂತರ ಅತ್ಯಂತ ಭೀಕರವಾದ ಮಾನವೀಯ ಬಿಕ್ಕಟ್ಟನ್ನು ಎದುರಿಸಲಿದೆ. ಹಲವು ರೀತಿಯ ಸಂಘರ್ಷಗಳು, ಆರ್ಥಿಕ ಬಿಕ್ಕಟ್ಟು ಮತ್ತು ಹವಾಮಾನ ಬದಲಾವಣೆಯಿಂದ ಬಳಲುತ್ತಿರುವ 10 ದೇಶಗಳಲ್ಲಿನ ಜನರು ಹೆಚ್ಚು ಅಪಾಯದಲ್ಲಿದ್ದಾರೆ' ಎಂದು ತಿಳಿಸಿದ್ದಾರೆ.


ಆಹಾರ ಬಿಕ್ಕಟ್ಟುಗಳ ಬಗ್ಗೆ ನಾಲ್ಕನೇ ವಾರ್ಷಿಕ ಜಾಗತಿಕ ವರದಿಯು  ಕಾಂಗೋ ಪ್ರಜಾಸತ್ತಾತ್ಮಕ ಗಣರಾಜ್ಯ, ಅಫ್ಘಾನಿಸ್ತಾನ, ವೆನೆಜುವೆಲಾ, ಇಥಿಯೋಪಿಯಾ, ದಕ್ಷಿಣ ಸುಡಾನ್, ಸುಡಾನ್, ಸಿರಿಯಾ, ನೈಜೀರಿಯಾ ಮತ್ತಿತರ ದೇಶಗಳ ಪರಿಸ್ತಿತಿಯನ್ನು ಎತ್ತಿ ತೋರಿಸಿದೆ. ಇಂದು ವಿಶ್ವದಾದ್ಯಂತ 821 ಮಿಲಿಯನ್ ಜನರು ಹಸಿವಿನಿಂದ ಮಲಗುತ್ತಿದ್ದಾರೆ ಎಂದು ವಿವರಿಸಿದ ಬೀಸ್ಲಿ ಹೊಸ ಡಬ್ಲ್ಯುಎಫ್‌ಪಿ ವಿಶ್ಲೇಷಣೆಯು ಕೋವಿಡ್ -19 ರ ಪರಿಣಾಮವಾಗಿ ಹೆಚ್ಚುವರಿ 130 ಮಿಲಿಯನ್ ಜನರನ್ನು ಹಸಿವಿನ ಅಂಚಿಗೆ ತಳ್ಳಬಹುದು ಎಂಬ ಆಘಾತಕಾರಿ ಮಾಹಿತಿಯನ್ನು ಬಹಿರಂಗಗೊಳಿಸಿದ್ದಾರೆ.


ಕೋವಿಡ್ -19 ಸೋಂಕಿನಿಂದಾಗಿ ಸ್ವತಃ ಚೇತರಿಸಿಕೊಳ್ಳುತ್ತಿರುವ ಬೀಸ್ಲೆ, ಜೀವಂತವಾಗಿರಲು ಅಕ್ಷರಶಃ ನಮ್ಮನ್ನೇ ಅವಲಂಬಿಸಿರುವ ಸುಮಾರು 30 ಮಿಲಿಯನ್ ಜನರನ್ನು ಒಳಗೊಂಡಂತೆ ದಿನ ಡಬ್ಲ್ಯುಎಫ್‌ಪಿ ಸುಮಾರು 100 ಮಿಲಿಯನ್ ಜನರಿಗೆ ಆಹಾರವನ್ನು ಒದಗಿಸುತ್ತಿದೆ. ಆ 30 ಮಿಲಿಯನ್ ಜನರನ್ನು ತಲುಪಲು ಸಾಧ್ಯವಾಗದಿದ್ದರೆ, ನಮ್ಮ ವಿಶ್ಲೇಷಣೆಯ ಪ್ರಕಾರ ಮೂರು ತಿಂಗಳ ಅವಧಿಯಲ್ಲಿ ಪ್ರತಿದಿನ 300,000 ಜನರು ಹಸಿವಿನಿಂದ ಸಾಯಬಹುದು. ಮತ್ತು ಅದು ಕರೋನವೈರಸ್ ಸಾಂಕ್ರಾಮಿಕ ಬಿಕ್ಕಟ್ಟಿನಿಂದ ಎದುರಾಗುವ ಹಸಿವಿನ ಪ್ರಮಾಣವನ್ನು ಒಳಗೊಂಡಿಲ್ಲ ಎಂದು ತಿಳಿಸಿದ್ದಾರೆ.


ಸದ್ಯ ಸುಮಾರು ಮೂರು ಡಜನ್ ದೇಶಗಳಲ್ಲಿ ಬರಗಾಲವನ್ನು ನೋಡುತ್ತಿದ್ದೇವೆ. ವಾಸ್ತವವಾಗಿ 10 ದೇಶಗಳಲ್ಲಿ ಪ್ರತಿ ದೇಶದಲ್ಲೂ ಒಂದು ದಶಲಕ್ಷಕ್ಕೂ ಹೆಚ್ಚಿನ ಜನ ಹಸಿವಿನ ಅಂಚಿನಲ್ಲಿದ್ದಾರೆ. ವರದಿಯ ಪ್ರಕಾರ ಹಸಿವಿನಿಂದ ಬಳಲುತ್ತಿರುವವರ ಸಂಖ್ಯೆ 135 ದಶಲಕ್ಷದಿಂದ 250 ದಶಲಕ್ಷಕ್ಕೂ ಹೆಚ್ಚಾಗಬಹುದು ಎಂದವರು ಆತಂಕ ವ್ಯಕ್ತಪಡಿಸಿದ್ದಾರೆ.


ದಕ್ಷಿಣ ಸುಡಾನ್‌ನಲ್ಲಿ ಕಳೆದ ವರ್ಷ 61% ಜನಸಂಖ್ಯೆಯು ಆಹಾರ ಬಿಕ್ಕಟ್ಟಿನಿಂದ ಬಳಲುತ್ತಿದ್ದರು ಎಂಬುದನ್ನು ವರದಿ ಉಲ್ಲೇಖಿಸಿದೆ.  ಕೋವಿಡ್-19 ಸಾಂಕ್ರಾಮಿಕ ರೋಗ ಉಲ್ಬಣಿಸುವ ಮೊದಲೇ ಪೂರ್ವ ಆಫ್ರಿಕಾ ಮತ್ತು ದಕ್ಷಿಣ ಏಷ್ಯಾದ ಕೆಲವು ಭಾಗಗಳು ಈಗಾಗಲೇ ಬರಗಾಲದಿಂದ ಉಂಟಾದ ತೀವ್ರ ಆಹಾರ ಕೊರತೆ ಮತ್ತು ದಶಕಗಳಿಂದ ಕೆಟ್ಟ ಮಿಡತೆ ಹಿಂಡುಗಳ ಸಮಸ್ಯೆಯನ್ನು ಎದುರಿಸುತ್ತಿದ್ದವು. ಯೆಮೆನ್ ದೇಶವು ವಿಶ್ವದಲ್ಲೇ ಅತಿದೊಡ್ಡ ಪ್ರಮಾಣದಲ್ಲಿ ಮಾನವೀಯ ತುರ್ತು ಪರಿಸ್ಥಿತಿಯನ್ನು ಎದುರಿಸುತ್ತಿದೆ. ವೆನೆಜುವೆಲಾವು ತಾಯಂದಿರು ತಮ್ಮ ಮಕ್ಕಳನ್ನು ಬಿಟ್ಟುಕೊಡಲು ಒತ್ತಾಯಿಸುವ ಬಿಕ್ಕಟ್ಟು ಸೃಷ್ಟಿಸಿದೆ. ಇಂತಹ    ಹಲವು ಉದಾಹರಣೆಗಳೊಂದಿಗೆ ವೀಡಿಯೊ ಸಮ್ಮೇಳನದಲ್ಲಿ ಯುಎನ್ ಸೆಕ್ಯುರಿಟಿ ಕೌನ್ಸಿಲ್ ಅನ್ನುದ್ದೇಶಿಸಿ ಮಾತನಾಡಿದ ಬೀಸ್ಲಿ, ಜಗತ್ತು ಬುದ್ಧಿವಂತಿಕೆಯಿಂದ ವರ್ತಿಸಬೇಕು ಮತ್ತು ವೇಗವಾಗಿ ಕಾರ್ಯನಿರ್ವಹಿಸಬೇಕು ಎಂದು ಕರೆ ನೀಡಿದರು.


ನಾವು ಕೆಲವೇ ತಿಂಗಳುಗಳಲ್ಲಿ ಅನುಪಾತದ ಅನೇಕ ಕ್ಷಾಮಗಳನ್ನು ಎದುರಿಸುತ್ತಿದ್ದೇವೆ. ವಾಸ್ತವ ಏನೆಂದರೆ ನಮ್ಮ ಬಳಿ ಸಮಯವಿಲ್ಲ ಎಂದು ಕ್ಷಿಪ್ರವಾಗಿ ಕ್ರಮ ಕೈಗೊಳ್ಳಬೇಕಾಗಿದೆ ಎಂಬುದನ್ನು ಮತ್ತೊಮ್ಮೆ ಒತ್ತಿ ಹೇಳಿದ ಡೇವಿಡ್ ಬೀಸ್ಲೆ, ನಮ್ಮ ಪರಿಣತಿ ಮತ್ತು ನಮ್ಮ ಸಹಭಾಗಿತ್ವದೊಂದಿಗೆ, ನಾವು ತಂಡಗಳನ್ನು ಮತ್ತು ಕೋವಿಡ್ -19 ಸಾಂಕ್ರಾಮಿಕ ರೋಗವು ಮಾನವ ಮತ್ತು ಆಹಾರ ಬಿಕ್ಕಟ್ಟಿನ ದುರಂತವಾಗುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಅಗತ್ಯವಾದ ಕಾರ್ಯಕ್ರಮಗಳನ್ನು ಒಟ್ಟುಗೂಡಿಸಬಹುದು ಎಂದಿದ್ದಾರೆ.