Anathalavattom Anandan: ആനത്തലവട്ടം ആനന്ദന്റെ സംസ്കാരം ഇന്ന്; എകെജി സെന്ററിലും സിഐടിയു ഓഫീസിലും പൊതുദർശനം
CPM Leader Anathalavattom Anandan: വ്യാഴാഴ്ച വൈകുന്നേരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു അന്ത്യം. 86 വയസായിരുന്നു.
തിരുവനന്തപുരം: അന്തരിച്ച മുതിർന്ന സിപിഎം നേതാവ് ആനത്തലവട്ടം ആനന്ദന്റെ സംസ്കാരം ഇന്ന് വൈകിട്ട് അഞ്ച് മണിക്ക് ശാന്തികവാടത്തിൽ. രാവിലെ 11 മണി മുതൽ എകെജി സെന്ററിലും ഉച്ചയ്ക്ക് മൂന്ന് മണി മുതൽ സിഐടിയു സംസ്ഥാന കമ്മിറ്റി ഓഫീസിലും പൊതുദർശനം ഉണ്ടാകും. വ്യാഴാഴ്ച വൈകുന്നേരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു അന്ത്യം. 86 വയസായിരുന്നു.
ഇന്ന് രാവിലെ 11 മണിക്ക് ഭൗതിക ശരീരം വീട്ടിൽ നിന്ന് എകെജി സെന്ററിൽ പൊതുദർശനത്തിനായി കൊണ്ടുവരും. മൂന്ന് മണിക്ക് സിഐടിയു സംസ്ഥാന കമ്മിറ്റി ഓഫീസിലും പൊതുദർശനം ഉണ്ടാകും. വൈകിട്ട് അഞ്ച് മണിക്ക് ശാന്തികവാടത്തിലാണ് സംസ്കാരം നടക്കുക. അതിന് ശേഷം മേട്ടുക്കടയിൽ അനുശോചന യോഗം ചേരുമെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ അറിയിച്ചു.
ALSO READ: Anathalavattom Anandan: ആനത്തലവട്ടം ആനന്ദൻ അന്തരിച്ചു
മുഖ്യമന്ത്രി ഉൾപ്പെടെയുള്ള നേതാക്കൾ അനുശോചന യോഗത്തിൽ പങ്കെടുക്കും. സിപിഎം സംസ്ഥാന സെക്രട്ടറി എംവി ഗോവിന്ദനും മറ്റ് നേതാക്കളും ആനത്തലവട്ടം ആനന്ദന് ആശുപത്രിയിലെത്തിയ അന്തിമോപാചരം അർപ്പിച്ചു. അതിന് ശേഷമാണ് മൃതദേഹം ചിറയിൻകീഴിലെ വീട്ടിലേക്ക് കൊണ്ടുപോയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...