Onam 2023: വർണ്ണ ചാരുതയിൽ തിളങ്ങി തൃക്കേട്ട നാളിൽ ഗുരുവായൂർ ക്ഷേത്രനടയിൽ തീർത്ത പൂക്കളം- വീഡിയോ
Pookkalam in guruvayur temple: ഗുരുവായൂർ ക്ഷേത്രനടയിൽ വർണ്ണ ചാരുതയിൽ ഒരുക്കിയ പൂക്കളം ശ്രദ്ധേയമായി. ചിത്രകാരൻ രമേഷ് ബാലാമണിയുടെ നേതൃത്വത്തിൽ ആണ് പൂക്കളം ഒരുക്കിയത്.
വർണാഭമായി തൃക്കേട്ട നാളിൽ ഗുരുവായൂർ ക്ഷേത്രനടയിൽ ഒരുക്കിയ പൂക്കളം. വേൽമുരുകനും മയിലും നാഗവും പൂക്കളത്തിൽ ഒരുങ്ങി. ഗുരുവായൂർ ക്ഷേത്രനടയിൽ വർണ്ണ ചാരുതയിൽ ഒരുക്കിയ പൂക്കളം ശ്രദ്ധേയമായി. ചിത്രകാരൻ രമേഷ് ബാലാമണിയുടെ നേതൃത്വത്തിൽ ആണ് പൂക്കളം ഒരുക്കിയത്.
കിഷോർ ഗുരുവായൂർ, കെ.പി.സുരേഷ്, പ്രമോദ് ഗുരുവായൂർ, അജീഷ് ഗുരുവായൂർ, മുകേഷ് സ്കിൽ, നിഖിൽ വിശ്വം, വിജീഷ് ഏറത്ത്, ദിപീഷ് പയ്യപ്പാട്ട്, മനോജ് മിന്നൂസ്, ജഗൻ കെ സുന്ദർ, കല സുഭാഷ് എന്നീ കലാകാരന്മർ ചേർന്നാണ് പൂക്കളം ഒരുക്കിയത്.
22 അടി നീളവും 12 അടി വീതിയിലുമാണ് പൂക്കളം ഒരുക്കിയത്. ഇരുപതിനായിരത്തോളം രൂപ ചിലവിൽ 50 കിലോ പൂക്കളാണ് ഇതിന് വേണ്ടി ഉപയോഗിച്ചത്. ഗുരുവായൂർ കിഴക്കേനടയിലെ വ്യാപാരികളായ പ്രേംകുമാർ, അനിൽകുമാർ എന്നിവരാണ് പൂക്കളം സ്പോൺസർ ചെയ്തത്.
ഒന്നാം ഓണത്തിനും ഓണക്കിറ്റ് വിതരണം; എല്ലാ റേഷൻ കടകളിലും ഓണക്കിറ്റ് എത്തിയെന്ന് മന്ത്രി ജി.ആർ അനിൽ
തിരുവനന്തപുരം: ഒന്നാം ഓണത്തിനും ഓണക്കിറ്റ് വിതരണം ചെയ്യുമെന്ന് ഭക്ഷ്യ-സിവിൽ സപ്ലൈസ് മന്ത്രി ജിആർ അനിൽ. ഓണക്കിറ്റ് വിതരണം വൈകുന്നത് കണക്കിലെടുത്താണ് ഒന്നാം ഓണത്തിനും കിറ്റ് നൽകാനുള്ള തീരുമാനം. എല്ലാ റേഷൻ കടകളിലും ഓണക്കിറ്റ് എത്തിയെന്ന് മന്ത്രി അറിയിച്ചു. നെൽ കർഷകർക്കുള്ള മുഴുവൻ കുടിശികയും കൊടുത്ത് തീർത്തതായും മന്ത്രി വ്യക്തമാക്കി.
ഓണക്കിറ്റ് വിതരണം വേഗത്തിലാക്കാനും ഭക്ഷ്യ സിവിൽസപ്ലൈസ് മന്ത്രി നിർദേശം നൽകി. ഓരോ ജില്ലയിലെയും കിറ്റ് വിതരണത്തിന്റെ പുരോഗതി അറിയിക്കണം. മന്ത്രിയുടെ നിർദേശത്തെ തുടർന്ന് ഇന്ന് മുതൽ ഓണകിറ്റ് വിതരണം വേഗത്തിലാക്കുമെന്ന് സപ്ലൈകോ അറിയിച്ചു. അതേസമയം പുതുപ്പള്ളി ഉപതെരഞ്ഞെടുപ്പിന്റെ പശ്ചാത്തലത്തിൽ കോട്ടയം ജില്ലയിലെ ഓണക്കിറ്റ് വിതരണം അധികൃതർ തടഞ്ഞു.
കേന്ദ്രതിരഞ്ഞെടുപ്പ് കമീഷന്റെ തീരുമാനം വരുന്നത് വരെ കിറ്റ് വിതരണം നിർത്തിവയ്ക്കാൻ സംസ്ഥാന മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ നിർദേശം നൽകി. തിരഞ്ഞെടുപ്പ് നിരീക്ഷകന്റെ അഭിപ്രായത്തെ തുടർന്നാണ് കിറ്റ് വിതരണം തടഞ്ഞത്. കലക്‌ട്രേറ്റിൽ വെള്ളിയാഴ്ച ചേർന്ന തിരഞ്ഞെടുപ്പുമായി ബന്ധപ്പെട്ട ഉദ്യോഗസ്ഥരുടെ യോഗത്തിൽ ഇപ്പോൾ കിറ്റ് നൽകാമോയെന്ന് ഉയർന്ന് വന്ന അഭിപ്രായമാണ്‌ കിറ്റ് വിതരണം തടയുന്നതിലേക്ക് നയിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...