Astro Tips: വീടിന്റെ ഈ ദിശയിൽ ​ഗം​ഗാജലം സൂക്ഷിക്കൂ; കടങ്ങളും കഷ്ടപ്പാടുകളും തീരും, ഇനി സമ്പത്തിന്റെ നാളുകൾ

ഒരു വ്യക്തിയുടെ ജീവിതത്തിലെ പല പ്രശ്‌നങ്ങൾക്കും പരിഹാരം കാണാൻ കഴിയുന്ന പ്രതിവിധികൾ വാസ്തുശാസ്ത്രത്തിൽ പ്രതിപാദിക്കുന്നുണ്ട്. ​ഗം​ഗാജലം വീട്ടിൽ സൂക്ഷിക്കുന്നത് ജോലിയിലെ പുരോഗതിക്കും നിഷേധാത്മകത ശക്തികളെ ഇല്ലാതാക്കുന്നതിനും സഹായിക്കുമെന്ന് വിശ്വസിക്കപ്പെടുന്നു. ​ഗം​ഗാജലം എങ്ങനെയാണ് വീട്ടിൽ സൂക്ഷിക്കേണ്ടതെന്നും ഇത് എങ്ങനെ ഒരാളുടെ ജീവിതത്തെ സ്വാധീനിക്കുന്നുവെന്നും നോക്കാം.

മാനസിക സമ്മർദ്ദം ഒഴിവാക്കാൻ: ജ്യോതിഷ പ്രകാരം, ഒരു വ്യക്തി ഏതെങ്കിലും തരത്തിലുള്ള മാനസിക സമ്മർദ്ദം അനുഭവിക്കുന്നുണ്ടെങ്കിൽ,  ഇതിന് പരിഹാരം കാണാൻ രാത്രി കിടക്കയുടെ അരികിൽ ഒരു ഗ്ലാസ് ജലം വയ്ക്കുക, രാവിലെ അത് കളയുക, ഇത് സമ്മർദ്ദം ഒഴിവാക്കും.

കണ്ണേറ് തട്ടുന്നത് പോകാൻ: ജ്യോതിഷ പ്രകാരം, ഒരു വ്യക്തിക്ക് കണ്ണേറ് തട്ടിയിട്ടുണ്ടെങ്കിൽ, ഒരു ചെമ്പ് പാത്രത്തിലെ വെള്ളം ആ വ്യക്തിയുടെ മേൽ ഏഴ് തവണ ഒഴിച്ച് ഒരു മരത്തിൻ്റെ വേരിൽ ഒഴിക്കുക. ഇങ്ങനെ ചെയ്താൽ കണ്ണേറ് തട്ടിയതിന്റെ ദോഷം ഇല്ലാതാകുമെന്നാണ് വിശ്വാസം.

പണം ഉണ്ടാകുന്നതിന്: കടം നാൾക്കുനാൾ വർധിച്ചുവരികയാണെങ്കിൽ, പണം വന്നിട്ടും ചിലവുകൾ വർധിച്ച് കടം പെരുകുകയാണെങ്കിൽ വീടിൻ്റെ വടക്ക് കിഴക്ക് മൂലയിൽ ഗംഗാജലം നിറച്ച ചെമ്പ് പാത്രം വയ്ക്കുക. ഇങ്ങനെ ചെയ്താൽ സാമ്പത്തിക പ്രശ്നങ്ങൾ പരിഹരിക്കപ്പെടും.

ശത്രു ദോഷങ്ങൾ അകറ്റാൻ: ഒരു വ്യക്തിക്ക് ശത്രുദോഷങ്ങളിൽ നിന്ന് മോചനം ലഭിക്കാൻ ദിവസവും സൂര്യഭഗവാന് ജലം അർപ്പിക്കണം. ഇങ്ങനെ ചെയ്യുന്നതിലൂടെ ശത്രുദോഷം ഇല്ലാതാകുകയും വ്യക്തി ജീവിതത്തിൽ പുരോഗതി ഉണ്ടാകുകയും ചെയ്യും.

ബന്ധങ്ങൾ മികച്ചതാക്കാൻ: ഒരു വ്യക്തി തൻ്റെ പങ്കാളിയുമായി വഴക്കിട്ടാൽ, അല്ലെങ്കിൽ ദാമ്പത്യ ജീവിതം സന്തോഷകരമല്ലെങ്കിൽ അവൻ ഒരു ഗ്ലാസ് ബോട്ടിലിൽ മഴവെള്ളം നിറച്ച് കിടപ്പുമുറിയിൽ സൂക്ഷിക്കണം, ഇത് ദാമ്പത്യപ്രശ്നങ്ങൾ തീരാൻ സഹായിക്കും.