Most dangerous zodiac signs: അപകടകാരികൾ ഈ രാശിക്കാർ; സൂക്ഷിച്ചില്ലെങ്കിൽ എട്ടിന്റെ പണി ഉറപ്പ്!

ജ്യോതിഷത്തിൽ വളരെ അപകടകാരികളായ രാശിക്കാരെക്കുറിച്ച് പറയുന്നുണ്ട്. മനസിൽ പക സൂക്ഷിക്കുന്ന ഇവർ സ്വന്തം നേട്ടങ്ങൾക്ക് പ്രാധാന്യം നൽകുകയും തങ്ങളേക്കാൾ മറ്റുള്ളവർ വളരുന്നത് ഇഷ്ടപ്പെടാത്തവരുമാണ്. അസൂയയും പകയും ഉള്ളവരായിരിക്കും ഇവർ. ഏതെല്ലാം രാശിക്കാരാണ് അപകടകാരികളെന്ന് അറിയാം.

കർക്കടകം

വളരെ വൈകാരികമായി പ്രതികരിക്കുന്ന രാശിക്കാരാണിവർ. ഇവരെ വിഷമിപ്പിക്കുന്നവരെ, വേദനിപ്പിക്കുന്നവരെ ഇവർ ശത്രുക്കളായി കാണും. എത്ര വലിയ സ്നേഹബന്ധത്തിൽ ഇരുന്നവർ ആയാലും വളരെ പെട്ടെന്ന് ഇവർക്ക് ശത്രുക്കളായി കാണാൻ സാധിക്കും. പിന്നീട് പകയോടെയാകും ഇവർ പെരുമാറുക. കർക്കടകം രാശിക്കാർക്ക് ആരും അവരെ വേദനിപ്പിക്കുന്നതും എതിർത്ത് സംസാരിക്കുന്നതും ഇഷ്ടപ്പെടില്ല. പണം സമ്പാദിക്കുന്നതിന് തടസം നിൽക്കുന്നവരെ ഇവർ തുരത്താൻ ശ്രമിക്കും. ആ​ഗ്രഹിച്ച വ്യക്തികളെ സ്വന്തമാക്കാനും ഇവർ ഏത് മാർ​ഗവും സ്വീകരിക്കും. അതിനാൽ ഇവരെ സൂക്ഷിക്കണം.

കന്നി

സ്വന്തം ചിന്തകൾക്കും ആ​ഗ്രഹങ്ങൾക്കും താൽപര്യങ്ങൾക്കും അമിത പ്രാധാന്യം നൽകുന്ന രാശിക്കാരാണിവർ. അതിനാൽ സ്വന്തം ഇഷ്ടങ്ങൾ നടത്താൻ ഇവർ ഏതറ്റം വരെയും പോകും. ഇഷ്ടപ്പെട്ടാൽ ഇവർ ആത്മാർഥയുള്ളവരായിക്കും വെറുത്താൽ പിന്നീട് ഒരിക്കലും ശത്രുത മാറില്ല. ഇവരെ ചതിക്കുന്നവരെ അതേ നാണയത്തിൽ തിരിച്ചടിക്കും. 

ചിങ്ങം

ചിങ്ങം രാശിക്കാർ സ്നേഹ സമ്പന്നരാണെങ്കിലും അസൂയ ഉള്ളവരാണ്. തങ്ങളേക്കാൾ മറ്റുള്ളവർ വളരുന്നത് ഇവരിൽ അസൂയ ജനിപ്പിക്കും. മറ്റുള്ളവരുടെ വളർച്ചയെ തടയാനും ഇവർ ശ്രമിക്കും. ഉള്ളിൽ വെറുപ്പുണ്ടെങ്കിലും ഇവർ പുറമേ പ്രകടിപ്പിക്കില്ല. എന്നാൽ, ഇവർ ശത്രുക്കളെ പുറകിൽ നിന്ന് ആക്രമിക്കാൻ തക്കംപാർത്തിരിക്കുന്നവരാണ്.

മേടം

സ്വന്തം നിലപാടിൽ നിന്ന് വ്യതിചലിക്കാത്തവരാണ് ഇവർ. സ്വതവേ ​ഗൗരവമുള്ള ഇവർ മറ്റുള്ളവരോട് പരുഷമായി മാത്രം സംസാരിക്കുന്നവരാണ്. ദേഷ്യം വന്നാൽ ഇവർ വളരെ പെട്ടെന്ന് കോപപ്പെടും. വളരെ മോശമായ രീതിയിൽ ഇവർ കോപം പ്രകടിപ്പിച്ചെന്ന് വരാം. ഇത് മറ്റുള്ളവരെ വേദനിപ്പിച്ചേക്കാം. ശത്രുക്കളോട് ഒരു മര്യാദയുമില്ലാതെ പെരുമാറുന്നവരായിരിക്കും ഇവർ.