Broom and Vastu: ഉപയോഗശേഷം ചൂല്‍ ഏത് ദിശയിലാണ് വയ്ക്കേണ്ടത്? ശ്രദ്ധിക്കേണ്ട കാര്യങ്ങള്‍

Broom and Vastu: നമ്മുടെ വീടും പരിസരവും വൃത്തിയായി സൂക്ഷിക്കുന്ന കാര്യത്തില്‍  നാം ഏറെ ശ്രദ്ധിക്കാറുണ്ട്.  വൃത്തിയും വെടിപ്പുമുള്ള വീട്ടില്‍ സമ്പത്തിന്‍റെ ദേവതയായ  ലക്ഷ്മി ദേവിയുടെ വാസമുണ്ടാകുമെന്നും ആ വീട്ടില്‍ പണത്തിന് യാതൊരു കുറവും ഉണ്ടാകില്ല  എന്നുമാണ് വിശ്വാസം. 

വൃത്തിയും വെടിപ്പും സംബന്ധിക്കുന്ന കാര്യങ്ങള്‍  വാസ്തു ശാസ്ത്രത്തിലും നിഷ്ക്കര്ഷിക്കുന്നു. വാസ്തുശാസ്ത്രം അനുസരിച്ച്  പോസിറ്റീവ് എനര്‍ജിയെ ആകര്‍ഷിക്കുന്നതിനായി വീട് എപ്പോഴും  വൃത്തിയായി സൂക്ഷിക്കണം.  കൂടാതെ, വീട്ടിലെ അംഗങ്ങള്‍ എന്നും ഒരുമയോടെ ജീവിക്കുന്നതിനും  ധനാഗമത്തിനും വീട് വൃത്തിയായി സൂക്ഷിക്കേണ്ടത് ആവശ്യമാണ്‌. 

വീട് വൃത്തിയാക്കുന്നതിനായി നാം ഉപയോഗിക്കുന്ന പ്രധാന വസ്തുവാണ് ചൂല്‍ (Broom). ഹൈന്ദവ പുരാണമനുസരിച്ച്  ചൂലില്‍  ലക്ഷ്മീദേവി കുടികൊള്ളുന്നുവെന്നാണ് വിശ്വാസം.  അതിനാല്‍ ചൂല്‍ ഉപയോഗിക്കുമ്പോള്‍ ചില പ്രധാന കാര്യങ്ങള്‍ ശ്രദ്ധിക്കണം. അതായത്, ഉപയോഗശേഷം വീടുകളില്‍ ചൂല്‍ വയ്ക്കുന്ന ദിശ വീട്ടിലെ ധനാഗമവുമായി ബന്ധപ്പെട്ടിരിയ്ക്കുന്നു.  

വീടും മുറ്റവും  വൃത്തിയാക്കാനായി നാം ഉപയോഗിക്കുന്ന ചൂലുകള്‍ ഉപയോഗശേഷം പലരും അലക്ഷ്യമായി ഉപേക്ഷിച്ചിരിയ്ക്കുന്നത് നിങ്ങള്‍ കണ്ടിരിയ്ക്കും. എന്നാല്‍ വാസ്തുശാസ്ത്രമനുസരിച്ച്  ഇങ്ങനെ ചൂല്‍  അലക്ഷ്യമായി ഉപേക്ഷിക്കുന്നത് വീടുകളില്‍ ദാരിദ്രം ക്ഷണിച്ചു വരുത്തും...!!

വാസ്തുശാസ്ത്രം അനുസരിച്ച് ഉപയോഗ ശേഷം ചൂല്‍ ഭദ്രമായി ശ്രദ്ധയോടെ സൂക്ഷിക്കേണ്ടത് അനിവാര്യമാണ്.  ഇത് നിങ്ങളുടെ വീട്ടില്‍ സാമ്പത്ത് നിലനില്‍ക്കാന്‍ സഹായിയ്ക്കുന്നു.      

ഉപയോഗശേഷം ചൂലുകള്‍ ഏത് ദിശയിലാണ് വയ്ക്കേണ്ടത്?  

വാസ്തു ശാസ്ത്രമനുസരിച്ച് ചൂല്‍ സൂക്ഷിക്കേണ്ട ദിശയും അത് പ്രയോഗിക്കാനുള്ള സമയവും പറയുന്നുണ്ട്.  ചൂല് ശരിയായി ഉപയോഗിക്കുകയും വീട്ടില്‍ ശരിയായ ദിശയില്‍ സൂക്ഷിക്കുകയും ചെയ്താല്‍ അത് നിങ്ങള്‍ക്ക് നേട്ടം നല്‍കും. 

ചൂല്‍ ഉപയോഗിച്ച ശേഷം നിങ്ങളുടെ വീടിന്‍റെ പടിഞ്ഞാറ് അല്ലെങ്കില്‍ വടക്കുപടിഞ്ഞാറന്‍ കോണില്‍ സൂക്ഷിക്കുന്നത് ഏറ്റവും മികച്ചതായി കണക്കാക്കപ്പെടുന്നു. ചൂല്‍ ഒരിയ്ക്കലും നിങ്ങളുടെ വീടിന്‍റെ മേല്‍ക്കൂരയുടെ മുകളില്‍ വയ്ക്കരുത്. ചൂല് മേല്‍ക്കൂരയില്‍ വയ്ക്കുന്നത് വീട്ടിലെ സമ്പത്ത് കുറയ്ക്കുകയും മോഷണത്തിനുള്ള സാധ്യത ഉയര്‍ത്തുകയും ചെയ്യുന്നതായി വാസ്തു ശാസ്ത്രം പറയുന്നു.

 ചൂലുകള്‍ എങ്ങിനെയാണ് വയ്ക്കേണ്ടത്?

ഉപയോഗശേഷം ചൂലുകള്‍ എപ്പോഴും ആരുടെയും ദൃഷ്ടി പതിക്കാത്ത ഒരു സ്ഥലത്ത് സൂക്ഷിക്കണം. ചൂല് എല്ലായ്‌പ്പോഴും കിടത്തി വയ്ക്കുക. ചൂല്‍ ഒരിക്കലും തലതിരിച്ച് വയ്ക്കരുത്. ചൂല് തലകീഴായി നിര്‍ത്തുന്നത് ബലഹീനതയുടെ സൂചനയാണ്.

ചൂലുകള്‍  എവിടെ വയ്ക്കരുത്? 

ഭക്ഷണം പാകം ചെയ്യുന്ന സ്ഥലം, നിങ്ങള്‍ ഭക്ഷണം കഴിക്കുന്ന സ്ഥലം എന്നിവിടങ്ങളില്‍ ചൂല്‍ സൂക്ഷിക്കരുത്. അടുക്കളയില്‍ ചൂല്‍ സൂക്ഷിക്കുന്നത് വീട്ടിലെ ഭക്ഷ്യധാന്യങ്ങളുടെ സമൃദ്ധി ഇല്ലാതാക്കും. ഭക്ഷണം കഴിക്കുന്ന സ്ഥലത്ത് ചൂല്‍ സൂക്ഷിക്കുന്നത് ആരോഗ്യത്തെ ദോഷകരമായി ബാധിക്കുകയും വീട്ടിലെ ആളുകള്‍ രോഗികളാകാന്‍ ഇടയാക്കും.  

ചൂല്‍ ഉപയോഗിക്കാന്‍ പാടില്ലാത്ത അവസരങ്ങള്‍ ഉണ്ട്, അറിയാം  

ആരെങ്കിലും വീട്ടില്‍ വന്നു പോയശേഷം ഉടന്‍ തന്നെ ചൂല്‍ ഉപയോഗിക്കരുത്. ഇത് ആ വ്യക്തിക്ക് ദോഷം ചെയ്യും.  കൂടാതെ, വീട്ടിലെ ഒരംഗം പുറത്തുപോയാല്‍ കുറഞ്ഞത്‌ ഒരു മണിക്കൂര്‍ എങ്കിലും കഴിഞ്ഞ ശേഷം മാത്രമേ ചൂല്‍  ഉപയോഗിച്ച് വീട് വൃത്തിയാക്കാന്‍ പാടുള്ളൂ. കൂടാതെ, രാത്രിയില്‍ ചൂല്‍ ഉപയോഗിക്കരുത്. ചൂല്‍ ഉപയോഗിക്കാന്‍ ഏറ്റവും അനുയോജ്യമായ സമയം രാവിലെയും പകലും ആണ്. വൈകുന്നേരം അഞ്ച് മണിക്ക് ശേഷം ചൂല് ഉപയോഗിക്കുന്നത് നല്ലതല്ല.  

നിങ്ങള്‍ ഒരു പുതിയ വീട്ടിലേയ്ക്ക്  താമസം മാറുമ്പോള്‍ പഴയ ചൂല്‍ കൊണ്ടുപോകരുത്. ഒരു പുതിയ വീട്ടില്‍ ഒരു പുതിയ ചൂല് ഉപയോഗിക്കുന്നത് എല്ലായ്‌പ്പോഴും ശുഭകരമാണ്. പഴയതോ ചീത്തയായതോ ആയ ചൂലുകള്‍ ഒരിക്കലും ഉപയോഗിക്കരുത്.

അതുകൂടാതെ, ചൂലില്‍ ഒരിക്കലും കാല്‍ വയ്ക്കരുത്.  കാലും ചൂലും തമ്മില്‍ സ്പര്‍ശമുണ്ടാകരുത്. അതേപോലെ, ഒരിക്കലും ചൂലിനെ മറികടന്ന് കടന്നുപോകരുത്. വാസ്തു ശാസ്ത്രമനുസരിച്ച് ഇത്തരം പ്രവൃത്തികളില്‍ ലക്ഷ്മി ദേവിയുടെ കോപം ഉണ്ടാകും. ഇത് നിങ്ങളുടെ സാമ്പത്തിക പ്രതിസന്ധിക്ക് വഴിയൊരുക്കും....