Clocks and Vastu: നിശ്ചലമായ ക്ലോക്ക് ഉടന്‍ മാറ്റാം, വീടിന് ദോഷം

Vastu Tips For Wall Clock: നമ്മുടെ വീടുകളില്‍  സ്വീകരണമുറി മുതല്‍ കിടപ്പ്മുറി വരെ ഒരു ക്ലോക്ക് എന്തായാലും ഉണ്ടാകും. സമയം നോക്കാന്‍ ഉപകരിക്കുന്നത്‌, എന്നതിലുപരി ഒരു അലങ്കാര വസ്തുവായും ക്ലോക്ക് കാണുന്നവര്‍ ധാരാളം. സമയം കാണിക്കുന്നത് കൂടാതെ, ഇത് നമ്മുടെ വീടിന്‍റെ ചുമരുകള്‍ക്ക് ഭംഗിയും നല്‍കുന്നു.

പലപ്പോഴും നമ്മുടെ വീടുമായി ബന്ധപ്പെട്ട പല പ്രധാന കാര്യങ്ങളും നാം അവഗണിക്കാറുണ്ട്. പിന്നീടാവട്ടെ എന്ന രീതിയില്‍ മാറ്റി വയ്ക്കുന്ന ചില കാര്യങ്ങള്‍, അതിലൊന്നാണ് നിലച്ചുപോയ ക്ലോക്ക് നന്നാക്കുക എന്നത്. എന്നാല്‍, വാസ്തുശാസ്ത്രം പറയുന്നതനുസരിച്ച് നിലച്ച ക്ലോക്കുകള്‍ വീടിന് നല്ലതല്ല.   ഇത് വരാനിരിയ്ക്കുന്ന അശുഭ കാര്യങ്ങളുടെ സൂചന നല്‍കുന്നു. 

വാസ്തു ശാസ്ത്രത്തില്‍ ക്ലോക്കിന് ഏറെ പ്രാധാന്യമുണ്ട്. ഭിത്തിയില്‍ ഘടിപ്പിച്ചിരിയ്ക്കുന്ന ഒരു ഘടികാരം സമയം പറയുന്നത് കൂടാതെ, വീടിന്‍റെ വാസ്തുവിലും സ്വാധീനം ചെലുത്തുന്നു.  നിങ്ങളുടെ വീട്ടിലെ നിശ്ചലമായ ക്ലോക്ക് നെഗറ്റിവിറ്റി ഉണ്ടാക്കുന്നു, സാമ്പത്തിക പ്രതിസന്ധി ഉൾപ്പെടെ നിരവധി പ്രശ്നങ്ങൾക്ക് ഇത് വഴി തെളിക്കുന്നു. കൂടാതെ, രോഗങ്ങള്‍, പണച്ചിലവ് തുടങ്ങി പ്രശ്നങ്ങള്‍ ധാരാളം. വാസ്തു ശാസ്ത്രം പറയുന്നതനുസരിച്ച്  ക്ലോക്ക് നിശ്ചലമാവുമ്പോള്‍ ഒന്നുകില്‍ അത് നന്നാക്കുക, അല്ലെങ്കില്‍ അത് ചുമരില്‍ നിന്ന് നീക്കം ചെയ്യാന്‍ ശ്രദ്ധിക്കുക.  

വാസ്തുശാസ്ത്ര പ്രകാരം, ഘടികാരവുമായി ബന്ധപ്പെട്ട ചില പ്രധാന കാര്യങ്ങള്‍ ഉണ്ട്.  അവ അറിയാം  

ഘടികാരം നിശ്ചലമാവുമ്പോള്‍ അത് എത്രയും പെട്ടെന്ന് അത് ശരിയാക്കാന്‍ ശ്രദ്ധിക്കുക. ഇക്കാര്യത്തില്‍ അലസത പാടില്ല. കാരണം വാസ്തുശാസ്ത്ര പ്രകാരം, കേടായ ക്ലോക്കുകള്‍ വീട്ടിൽ വയ്ക്കുന്നത് അശുഭമാണ്.  നിലച്ചുപോയ ക്ലോക്ക് വീട്ടിൽ വയ്ക്കുന്നത് കുടുംബത്തില്‍ പല പ്രശ്നങ്ങള്‍ക്കും വഴിതെളിക്കും.  

നിശ്ചലമായ ക്ലോക്ക് വീട്ടിൽ വയ്ക്കുന്നത് സാമ്പത്തിക പ്രതിസന്ധിയ്ക്ക് ഇടയാക്കും. ഇക്കാരണത്താല്‍ നിങ്ങളുടെ വീട്ടില്‍ പണത്തിന്‍റെ  കുറവും ഉണ്ടാകാം. അതിനാൽ, നിങ്ങളുടെ വീടിന്‍റെ ചുമരിൽ തൂക്കിയിട്ടിരിക്കുന്ന ക്ലോക്ക് നിലച്ചിട്ടുണ്ടെങ്കിൽ, അത് ഉടന്‍ ശരിയാക്കുക.

നിശ്ചലമായ ക്ലോക്ക് വീട്ടിൽ വയ്ക്കുന്നത് വീട്ടിലുള്ളവര്‍ക്ക് രോഗം ക്ഷണിച്ചു വരുത്തുന്നു.   ചികിത്സയ്ക്കായി നിങ്ങൾക്ക്  ധാരാളം പണം ചെലവഴിക്കേണ്ടി വന്നേക്കാം.   

ക്ലോക്കുമായി ബന്ധപ്പെട്ട ഈ കാര്യങ്ങൾകൂടി ശ്രദ്ധിക്കുക

വീട്ടില്‍ ഒരു ക്ലോക്ക് സ്ഥാപിക്കുമ്പോള്‍ ഇക്കാര്യങ്ങള്‍ക്കൂടി ശ്രദ്ധിക്കുക. ക്ലോക്ക് ഒരിയ്ക്കലും വാതിലിൽ വയ്ക്കരുത്. വാതിലിന് മുകളില്‍ ക്ലോക്ക് വയ്ക്കുന്നത് അശുഭകരമായി കണക്കാക്കപ്പെടുന്നു.

അറിയാതെ പോലും വീടിന്‍റെ തെക്ക് ദിശയിൽ ക്ലോക്ക് വയ്ക്കരുത്. കാരണം തെക്ക് ദിശ ശുഭകരമല്ല. ഈ ദിശയിൽ ഘടികാരം വയ്ക്കുന്നത് അശുഭകരമാണ്. ഇത് വീട്ടിൽ നിഷേധാത്മകത കൊണ്ടുവരുകയും പുരോഗതി തടയുകയും ചെയ്യുന്നു.