Nostradamus Predictions: ഇറാൻ ഇസ്രയേലിനെ ആക്രമിക്കും, നോസ്ട്രഡാമസിന്റെ പ്രവചനം സത്യമായി; ഇനി വരാനിരിക്കുന്നത് ആ വലിയ ദുരന്തമോ?

ഫ്രഞ്ച് ജ്യോതിഷി നോസ്ട്രഡാമസ് 500 വർഷം മുമ്പ് നടത്തിയ പലപ്രവചനങ്ങളും പല കാലങ്ങളിലായി യാഥാർത്ഥ്യമായിട്ടുണ്ട്. ഇപ്പോഴും അതിൽ ചില പ്രവചനങ്ങൾ യഥാർത്ഥ്യമായിക്കൊണ്ടിരിക്കുന്നു. 2024ൽ ഇറാൻ-ഇസ്രയേൽ യുദ്ധം നടക്കുമെന്ന് നോസ്ട്രഡാമസ് പ്രവചിച്ചിരുന്നു. അതുപോലെ തന്നെയാണ് ഇപ്പോൾ സംഭവിച്ചിരിക്കുന്നത്.

ഇറാന്റെ എംബസി ഇസ്രായേൽ ആക്രമിച്ചു. ഇതിന് പകരമായി ഇറാൻ ഇസ്രായേലിനെതിരെ മിസൈലുകളും ഡ്രോണുകളും ഉപയോഗിച്ച് ആക്രമണം നടത്തി. ഇതോടെ പശ്ചിമേഷ്യ വലിയ സം​ഘർഷത്തിലായിരിക്കുകയാണ്. നോസ്ട്രഡാമസിന്റെ ലെ പ്രൊഫറ്റീസ് എന്ന പുസ്തകത്തിലാണ് പ്രവചനങ്ങൾ നടത്തിയിരിക്കുന്നത്. 450 വർഷങ്ങൾക്ക് മുമ്പാണ് ഈ പുസ്തകങ്ങൾ പുറത്തിറങ്ങിയത്.

ജർമനിയിൽ അഡോൾഫ് ഹിറ്റ്‌ലറുടെ ഭരണം വരുമെന്നും, യുഎസ് പ്രസിഡന്റ് ജോൺ എഫ് കെന്നഡിയെ വധിക്കുമെന്നും, കൊവിഡ് മഹാമാരി ലോകത്താകെ ദുരന്തമുണ്ടാക്കുമെന്നും, 2022ൽ ജീവിത ചെലവ് വർധിച്ച് സാമ്പത്തിക മാന്ദ്യം ഉണ്ടാകുമെന്നും നോസ്ട്രഡാമസിന്റെ പ്രവചനങ്ങളിൽ ഉണ്ടായിരുന്നു. നോസ്ട്രഡാമസിന്റെ ഈ പ്രവചനങ്ങൾ എല്ലാം പല കാലങ്ങളിലായി ശരിയായി.

ഇതിന് പിന്നാലെയാണ് ഇറാൻ ഇസ്രയേൽ സം​ഘർഷം രൂക്ഷമായിരിക്കുന്നത്. 2024ൽ ഘോരയുദ്ധമുണ്ടാകുമെന്നും നോസ്ട്രഡാമസിന്റെ പ്രവചനങ്ങളിലുണ്ട്. ചൈനയും തായ്‌വാനും തമ്മിൽ സംഘർഷമുണ്ടാകുമെന്നും പ്രവചനത്തിൽ പറയുന്നു. മൂന്നാം ലോക മഹായുദ്ധം ഉണ്ടാകുമെന്ന സൂചനയും നോസ്ട്രഡാമസിന്റെ പ്രവചനത്തിൽ ഉണ്ട്. വളരെ ഭീകരമായ രീതിയിൽ മൂന്നാം ലോക മഹായുദ്ധം ആരംഭിക്കുമെന്നാണ് നോസ്ട്രഡാമസ് പ്രവചനത്തിൽ പറയുന്നത്.