Online Shopping: നിങ്ങൾ ഒരു ഓൺലൈൻ ഷോപ്പിങ് പ്രേമിയാണോ? എങ്കിൽ ഈ കാര്യങ്ങൾ അറിയുക
Online Shopping Facts: ദേശീയ ഇ-കൊമേഴ്‌സ് നയം കൊണ്ടുവരുന്നതിനെക്കുറിച്ച് സർക്കാർ ആലോചിക്കുന്നു.
ഇന്നത്തെ കാലത്ത് എല്ലാവർക്കും ഓൺലൈൻ ഷോപ്പിംഗിന്റെ പ്രവണത വളരെ കൂടുതലാണ്. ആളുകൾ ചെറുതും വലുതുമായ എല്ലാ സാധനങ്ങളും ഓൺലൈൻ വഴിയാണ് ഓർഡർ ചെയ്ത് വാങ്ങിക്കുന്നത്. വാസ്തവത്തിൽ, ഓൺലൈനിൽ സാധനങ്ങൾ ഓർഡർ ചെയ്യുന്നതിലൂടെ ധാരാളം നേട്ടങ്ങളുണ്ട്. ഒന്ന്, ഇതിന് നിങ്ങൾക്ക് മികച്ച കിഴിവ് ലഭിക്കുന്നു. കൂടാതെ നമുക്ക് ഓരോ കടയും കയറി ഇറങ്ങേണ്ടതായ ആവശ്യം വരുന്നില്ല. സാധനങ്ങൾ വീട്ടിലെത്തിക്കുകയും ചെയ്യുന്നു. എന്നാൽ, ഇപ്പോൾ സർക്കാർ ഓൺലൈൻ ഷോപ്പിംഗുമായി ബന്ധപ്പെട്ട ചില നയങ്ങൾ നടപ്പിലാക്കാൻ പോകുകയാണ്. ദേശീയ ഇ-കൊമേഴ്‌സ് നയം കൊണ്ടുവരുന്നതിനെക്കുറിച്ച് സർക്കാർ ആലോചിക്കുന്നു. ഇത് ഓൺലൈൻ ഷോപ്പിംഗിനെയും ബാധിച്ചേക്കാം.
ഓൺലൈൻ ഷോപ്പിംഗ്
ഏറ്റവും പുതിയ വിവരങ്ങൾ അനുസരിച്ച്, വാണിജ്യ വ്യവസായ മന്ത്രാലയം തയ്യാറാക്കുന്ന നിർദ്ദിഷ്ട ദേശീയ ഇ-കൊമേഴ്‌സ് നയം അതിന്റെ അവസാന ഘട്ടത്തിലാണ്. ബന്ധപ്പെട്ടവരുടെ അഭിപ്രായം തേടി പുതിയ കരട് നയം പുറത്തിറക്കില്ലെന്ന് മുതിർന്ന സർക്കാർ ഉദ്യോഗസ്ഥൻ അറിയിച്ചു. വാസ്തവത്തിൽ, ഇ-കൊമേഴ്‌സ് കമ്പനികളെ നിയന്ത്രിക്കുന്നത് ഈ നയമാണ്, ഇതിന്റെ സ്വാധീനം ഓൺലൈൻ ഷോപ്പിംഗിൽ ദൃശ്യമാകും.
ALSO READ: അടിമുടി മാറ്റവുമായി ബുള്ളറ്റ് 350; എതിരാളികളെ ഞെട്ടിക്കാനൊരുങ്ങി റോയല്‍ എന്‍ഫീല്‍ഡ്
ഇ-കൊമേഴ്‌സ്
ഇ-കൊമേഴ്‌സ് കമ്പനികൾ വാഗ്ദാനം ചെയ്യുന്ന ഉൽപ്പന്നങ്ങൾ, ഡിസ്‌കൗണ്ടുകൾ എന്നിവയുമായി ബന്ധപ്പെട്ട പ്രശ്‌നങ്ങൾ പലതവണ കണ്ടെത്തിയിട്ടുണ്ട്. ഇത്തരമൊരു സാഹചര്യത്തിൽ ജനങ്ങൾക്ക് ആശ്വാസം പകരുന്ന പ്രവർത്തനം ഈ നയത്തിലൂടെ വലിയ തോതിൽ നടക്കും. ഡിപ്പാർട്ട്‌മെന്റ് ഓഫ് പ്രൊമോഷൻ ഓഫ് ഇൻഡസ്ട്രി ആൻഡ് ഡൊമസ്റ്റിക് ട്രേഡ് (ഡിപിഐഐടി) നിർദിഷ്ട നയത്തെക്കുറിച്ച് ഇ-കൊമേഴ്‌സ്
കമ്പനികളുടെയും ആഭ്യന്തര വ്യാപാരികളുടെയും പ്രതിനിധികളുമായി ഓഗസ്റ്റ് 2 ന് വിശദമായ ചർച്ച നടത്തി. ഈ യോഗത്തിൽ നിർദിഷ്ട നയം സംബന്ധിച്ച് ബന്ധപ്പെട്ട പങ്കാളികൾക്കിടയിൽ വിശാലമായ ധാരണയുണ്ടായതായി പറയപ്പെടുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...