Ather Energy: ഏറ്റവും കൂടുതൽ വിറ്റഴിക്കപ്പെട്ട ഇലക്ട്രിക് സ്കൂട്ടർ; ഒലയെ പിന്നിലാക്കി എഥർ
ഇന്ത്യൻ വിപണിയിൽ എഥറിന്റെ രണ്ട് മോഡലുകൾക്കും ആവശ്യക്കാരേറെയാണ്. കൂടാതെ ഇന്ന് ഇന്ത്യയിൽ നിലവിലുള്ള ഏറ്റവും സാങ്കേതികമായി പുരോഗമിച്ച ഇലക്ട്രിക് സ്‌കൂട്ടറുകളിൽ ഒന്നായി വേറിട്ട് നിൽക്കുന്നതാണ് എഥർ എനർജിയുടെ സ്കൂട്ടറുകൾ.
മെയ് മാസത്തിൽ എക്കാലത്തെയും ഉയർന്ന വിൽപ്പന നടത്താൻ കഴിഞ്ഞതായി ഇലക്ട്രിക് സ്കൂട്ടർ നിർമാതാക്കളായ എഥർ എനർജി. ഒലയെ പിന്നിലാക്കി കൊണ്ടാണ് എഥറിന്റെ ഈ നേട്ടമെന്നാണ് റിപ്പോർട്ട്. ഇക്കാലയളവിൽ 3,787 ഇലക്ട്രിക് ഇരുചക്രവാഹനങ്ങളാണ് കമ്പനി വിറ്റഴിച്ചത്. നേരത്തെ, മാർച്ചിൽ 2,591 യൂണിറ്റുകളും ഏപ്രിലിൽ 3,779 യൂണിറ്റുകളും കമ്പനി രേഖപ്പെടുത്തിയിരുന്നു. നിലവിൽ എഥർ 450 പ്ലസ്, എഥർ 450 എക്‌സ് എന്നീ രണ്ട് സ്‌കൂട്ടറുകളാണ് എഥർ എനർജിക്ക് വിപണിയിലുള്ളത്. 1,31,647 രൂപയാണ് എഥർ 450 പ്ലസ് ഇലക്ട്രിക് സ്‌കൂട്ടറിന്റെ വില. അതേസമയം 1,50,657 രൂപയാണ് എഥർ 450 എക്‌സിന്റെ ഷോറൂം വില.
സ്മാർട്ട് കണക്റ്റഡ് ഫീച്ചറുകൾ
ഇന്ത്യൻ വിപണിയിൽ എഥറിന്റെ രണ്ട് മോഡലുകൾക്കും ആവശ്യക്കാരേറെയാണ്. കൂടാതെ ഇന്ന് ഇന്ത്യയിൽ നിലവിലുള്ള ഏറ്റവും സാങ്കേതികമായി പുരോഗമിച്ച ഇലക്ട്രിക് സ്‌കൂട്ടറുകളിൽ ഒന്നായി വേറിട്ട് നിൽക്കുന്നതാണ് എഥർ എനർജിയുടെ സ്കൂട്ടറുകൾ. നിരവധി വിപുലമായ ഫീച്ചറുകൾക്കൊപ്പം സ്മാർട്ട് കണക്റ്റഡ് ഫീച്ചറുകളും അവയിൽ സജ്ജീകരിച്ചിരിക്കുന്നു. എഥർ എനർജി അതിന്റെ 450X ഇലക്ട്രിക് സ്‌കൂട്ടറിനായി ഒരു പുതിയ ടിപിഎംഎസ് (ടയർ പ്രഷർ മോണിറ്ററിംഗ് സിസ്റ്റം) ലോഞ്ച് ചെയ്യുന്നതായി അടുത്തിടെ പ്രഖ്യാപിച്ചിരുന്നു. ഈ ഫീച്ചർ നിലവിൽ ഹൈ-എൻഡ് ടൂറിംഗ് ബൈക്കുകളിലും കാറുകളിലും മാത്രമായി പരിമിതപ്പെടുത്തിയിരിക്കുന്നു.
Also Read: Tik Tok: ടിക് ടോക് തിരിച്ചുവരുന്നു! ഇന്ത്യൻ കമ്പനിയുമായി കൈകോർക്കാൻ ബൈറ്റ് ഡാൻസ്
കമ്പനി അടുത്തിടെ OTA സോഫ്‌റ്റ്‌വെയർ അപ്‌ഡേറ്റ് ചെയ്‌തിരുന്നു. ഇതിന് ഇപ്പോൾ സ്മാർട്ട് ഇക്കോ റൈഡ് (SmartEco Ride) എന്ന പുതിയ റൈഡ് മോഡ് ലഭിക്കുന്നു. പെർഫോമൻസിൽ യാതൊരു വിട്ടുവീഴ്ചയും ചെയ്യാതെ ഈ മോഡ് യഥാർത്ഥ ശ്രേണി വാഗ്ദാനം ചെയ്യുന്നു. എഥറിന്റെ എഥർ സ്റ്റാക്ക് സോഫ്‌റ്റ്‌വെയറിൽ ലഭ്യമായ അപ്‌ഡേറ്റുകൾ, 450, 450X ഇലക്ട്രിക് സ്‌കൂട്ടറുകളിലും ലഭ്യമാകും.
എഥർ 450 പ്ലസ് ഇലക്ട്രിക് സ്കൂട്ടറിന് വെറും നാല് സെക്കൻഡിനുള്ളിൽ പൂജ്യത്തിൽ നിന്ന് 40 കിലോമീറ്റർ വേഗത കൈവരിക്കാൻ കഴിയും. 80 കിലോമീറ്ററാണ് എഥർ 450X ഇലക്ട്രിക് സ്‌കൂട്ടറിന്റെ ഉയർന്ന വേഗത. 3.3 സെക്കൻഡിൽ പൂജ്യത്തിൽ നിന്ന് 40 കിലോമീറ്റർ വേഗത കൈവരിക്കാൻ ഈ സ്കൂട്ടറിന് കഴിയും. ഫുൾ ചാർജിംഗിലൂടെ 116 കിലോമീറ്റർ റേഞ്ച് ലഭിക്കും.
പബ്ലിക് ചാർജിംഗ് നെറ്റ്‌വർക്ക് വിപുലീകരിക്കാൻ ലക്ഷ്യമിട്ട് കമ്പനി കഴിഞ്ഞ കുറച്ച് മാസങ്ങളായി മജന്ത ചാർജ്ഗ്രിഡുമായി പങ്കാളിത്തം ഉണ്ടാക്കി. ഇതുകൂടാതെ, കേരളത്തിൽ എഥർ അടുത്തിടെ നാല് പുതിയ സ്റ്റോറുകൾ തുറന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...