8th Pay Commission: എട്ടാം ശമ്പള കമ്മീഷൻ അടുത്ത വർഷം? നടപ്പിലായാൽ എത്ര രൂപ വർധിക്കും

അടുത്ത വർഷം കേന്ദ്ര ജീവനക്കാർക്ക് ഒരു പക്ഷെ ഒരു സന്തോഷ വാർത്ത ലഭിക്കും. ഏഴാം ശമ്പള കമ്മീഷന് ശേഷം എട്ടാം ശമ്പള കമ്മീഷൻ കൊണ്ടുവരുമെന്നാണ് കേന്ദ്രങ്ങളിൽ നിന്ന് ലഭിക്കുന്ന വിവരം. ഇത് സംബന്ധിച്ച് സർക്കാരിന്റെ ഭാഗത്തുനിന്ന് ഔദ്യോഗിക പ്രസ്താവനകളൊന്നും ഉണ്ടായിട്ടില്ല. റിപ്പോർട്ടുകൾ വിശ്വസിക്കാമെങ്കിൽ, പുതിയ ശമ്പള കമ്മീഷൻ രൂപീകരിക്കുന്നതുമായി ബന്ധപ്പെട്ട ചർച്ചകൾ ആരംഭിച്ചു കഴിഞ്ഞു. 

എട്ടാം ശമ്പളക്കമ്മീഷൻ

എട്ടാം ശമ്പള കമ്മീഷനെ ചൊല്ലി ഡൽഹിയിൽ ജീവനക്കാരുടെയും പെൻഷൻകാരുടെയും ചില നീക്കങ്ങൾ നടന്നേക്കുമെന്നാണ് സൂചന. അടുത്ത ശമ്പള കമ്മീഷനെ സംബന്ധിച്ച് സർക്കാർ വ്യക്തത വരുത്തണമെന്ന് ഒരു മാസത്തിനിടെ തുടർച്ചയായ രണ്ടാം തവണയും സർക്കാർ ജീവനക്കാർ ആവശ്യപ്പെടുന്നു. ഇക്കാര്യത്തിൽ സർക്കാർ തീരുമാനമെടുത്താൽ കേന്ദ്ര ജീവനക്കാരുടെ കുറഞ്ഞ ശമ്പളത്തിൽ വൻ വർധനയുണ്ടാകും. എട്ടാം ശമ്പള കമ്മീഷൻ വരില്ല എന്നായിരുന്നു ഇതുവരെ ചർച്ച. എന്നാൽ, അടുത്ത ശമ്പളക്കമ്മീഷനുള്ള ഒരുക്കങ്ങൾ നടക്കുന്നുണ്ടെന്നാണ് കരുതുന്നത്. 

ശമ്പളത്തിൽ വൻ കുതിച്ചുചാട്ടം

2024-ൽ പൊതുതെരഞ്ഞെടുപ്പ് നടക്കും. അതിനാൽ, ജീവനക്കാർക്കായി പുതിയ ശമ്പള കമ്മീഷൻ രൂപീകരിക്കുന്നത് ചർച്ച ചെയ്യപ്പെടാൻ സാധ്യതയുണ്ട്. എട്ടാം ശമ്പള കമ്മീഷൻ നടപ്പിലാക്കിയാൽ ജീവനക്കാർക്ക് വൻ ആനുകൂല്യങ്ങൾ ലഭിക്കും. നിലവിൽ ശമ്പള കമ്മീഷനായി ഒരു പാനൽ രൂപീകരിക്കേണ്ട ആവശ്യമില്ലെന്ന പക്ഷത്താണ് സർക്കാർ. പകരം ശമ്പള കമ്മീഷനിനുള്ളിൽ തന്നെ ശമ്പള പരിഷ്കരണത്തിന് പുതിയ ഫോർമുല ഉണ്ടാകണം. ഇതാണ് ഇപ്പോൾ പരിഗണിക്കുന്നത്.

എട്ടാം ശമ്പള കമ്മീഷൻ എപ്പോൾ വരും?

എട്ടാം ശമ്പള കമ്മീഷൻ 2024-ലാണ് രൂപീകരിക്കാൻ സാധ്യത. ഒന്നര വർഷത്തിനുള്ളിൽ ഇത് നടപ്പിലാക്കാൻ കഴിയും.സാധാരണ ഗതിയിൽ 10 വർഷത്തിലൊരിക്കലാണ് ശമ്പള കമ്മീഷൻ രൂപീകരിക്കുന്നത്. ഏഴാം ശമ്പള കമ്മീഷനെ അപേക്ഷിച്ച് എട്ടാം ശമ്പള കമ്മീഷനിൽ നിരവധി മാറ്റങ്ങൾ സാധ്യമാണ്. ഫിറ്റ്‌മെന്റ് ഘടകത്തിലും ചില മാറ്റങ്ങൾ ഉണ്ടായേക്കാം.  സർക്കാർ ശമ്പള കമ്മീഷൻ രൂപീകരിക്കുന്നു.

ശമ്പളം എത്ര കൂടും?

ഏഴാം ശമ്പള കമ്മീഷനെ അപേക്ഷിച്ച് എട്ടാം ശമ്പള കമ്മീഷനിൽ ജീവനക്കാർക്ക് മികച്ച ശമ്പളം ലഭിക്കും. ജീവനക്കാരുടെ ശമ്പളത്തിൽ ഏറ്റവും വലിയ കുതിച്ചുചാട്ടം തന്നെയാണ് പ്രതീക്ഷിക്കുന്നത്. ജീവനക്കാരുടെ ഫിറ്റ്‌മെന്റ് ഫാക്ടർ 3.68 മടങ്ങായി ഉയരും. ഫോർമുല എന്തായാലും, ജീവനക്കാരുടെ അടിസ്ഥാന ശമ്പളം 44.44% വർദ്ധിച്ചേക്കാം.