Gold Rate Today: സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല

കൊച്ചി: സംസ്ഥാനത്ത് ഇന്ന് സ്വര്‍ണവില മാറ്റമില്ലാതെ തുടരുന്നു. ബജറ്റ് പ്രഖ്യാപനത്തിന് പിന്നാലെ ഇന്നലെ ഇടിഞ്ഞ് സ്വർണ്ണ വില 52000 ല്‍ താഴെ എത്തിയിരുന്നു. അതേ നിലവാരത്തിൽ അതായത് 51,960 രൂപയിൽ തന്നെയാണ് ഇന്നും സ്വർണ്ണ വില നിൽക്കുന്നത്.  

ഗ്രാമിന് 6495 രൂപയാണ് ഇന്നത്തെ വില.  ഇതോടെ ഈ മാസത്തെ ഏറ്റവും താഴ്ന്ന നിലവാരത്തിലാണ് സ്വര്‍ണവില തുടരുന്നത്. ഇന്നലെ രണ്ടു തവണകളായി സ്വർണ്ണത്തിന് കുറഞ്ഞത് 2200 രൂപയാണ്. ബജറ്റിന് മുന്‍പ് 200 രൂപ താഴ്ന്ന സ്വര്‍ണവില ബജറ്റിന് ശേഷം ഒറ്റയടിക്ക് 2000 രൂപയാണ് കുറഞ്ഞത്. സ്വര്‍ണത്തിന്റെ കസ്റ്റംസ് തീരുവ ആറുശതമാനമാക്കി കുറയ്ക്കുമെന്ന ബജറ്റ് പ്രഖ്യാപനമാണ് സ്വര്‍ണവില കൂപ്പുകുത്താൻ കാരണമായത്.

ഈ മാസത്തിന്റെ തുടക്കത്തില്‍ 53,000 രൂപയായിരുന്നു സ്വര്‍ണവില. ഇടയ്ക്ക് 2000 രൂപ വര്‍ധിച്ച് വീണ്ടും 55,000 തൊട്ടിരുന്നു. തുടര്‍ന്ന് വില ഇടിയുന്നതാണ് ദൃശ്യമായത്.  ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളും സ്വര്‍ണവിലയില്‍ പ്രതിഫലിക്കുന്നുണ്ടെന്നാണ് റിപ്പോർട്ട്. മെയ് മാസത്തിലാണ് 55,120 രൂപയായി ഉയര്‍ന്ന് സ്വര്‍ണവില പുതിയ ഉയരം കുറിച്ചത്.

ജൂലൈ മാസത്തിലെ ഇതുവരെയുള്ള നിരക്കുകൾ നോക്കാം. ജൂലൈ 1ന് 53,000, ജൂലൈ 2ന് 53080, ജൂലൈ 3ന് 53080, ജൂലൈ 4ന് 53600, ജൂലൈ 5ന് 53600, ജൂലൈ 6ന് 54,120, ജൂലൈ 7ന് 54,120, ജൂലൈ 8ന് 53960, ജൂലൈ 9ന് 53680, ജൂലൈ 10ന് 53680, ജൂലൈ 11ന് 53,840, ജൂലൈ 12ന് 54080, ജൂലൈ 13ന് 54080, ജൂലൈ 14ന് 54080, ജൂലൈ 15ന് 54,000, ജൂലൈ 16ന് 54280, ജൂലൈ 17ന് 55,000, ജൂലൈ 18ന് 54,880, ജൂലൈ 19 ന് 54520, ജൂലൈ 20ന് 54,240, ജൂലൈ 21 ന് 54240, ജൂലൈ 22ന് 54,160, ജൂലൈ 23 ന് 51960, ജൂലൈ 24 ന് 51960.