Gold Rate Today : ഈ ആശ്വാസം ഇനിയും തുടരുമോ? ഇന്നത്തെ സ്വർണവില പരിശോധിക്കാം

Kerala Gold Price Today 11.12.2023 : തുടരെ റെക്കോർഡുകൾ സ്ഥാപിച്ച് എല്ലാവരേയും ഭയപ്പെടുത്തിയ സ്വർണവില തിരികെ ആശ്വാസത്തിന്റെ നിരക്കിലേക്ക്. കഴിഞ്ഞ ഒരു ഒരാഴ്ചകൊണ്ട് പവന് 1,500ൽ അധികം രൂപയാണ് സ്വർണവില മാർക്കറ്റിൽ ഇടിഞ്ഞിരിക്കുന്നത്. ഈ ആശ്വാസം തുടരുന്നതിന് ഭാഗ്യമായി സംസ്ഥാനത്തെ സ്വർണനിരക്കിൽ ഇന്നും വില ഇടിവ് രേഖപ്പെടുത്തി. കഴിഞ്ഞ ഒരാഴ്ചയിൽ ഇത് നാലാം തവണയാണ് സംസ്ഥാനത്തെ സ്വർണവിലയിൽ കുറവുണ്ടാകുന്നത്. ഈ മാസം രേഖപ്പെടുത്ത ഏറ്റവും കുറഞ്ഞ നിരക്കാണിത്. തുടർച്ചയായി റെക്കോർഡുകൾ സ്ഥാപിച്ച് സംസ്ഥാനത്തെ സ്വർണവില പൊള്ളുന്ന നിലയ്ക്കെത്തിയതിന് പിന്നാലെയാണ് പൊന്നിന്റെ വില ഈ ആശ്വാസ നിരക്കിലേക്ക് തിരികെയെത്തിയിരിക്കുന്നത്. ഇനിയും സ്വർണനിരക്ക് കുറയുമെന്ന പ്രതീക്ഷയിലാണ് വ്യാപാരികളും ഉപയോക്താക്കളും.

ഇന്നത്തെ സ്വർണവില

ഒരു ഗ്രാം സ്വർണത്തിന് ഇന്ന് 20 രൂപയാണ് കുറഞ്ഞിരിക്കുന്നത്. പവന് ഇടിഞ്ഞിരിക്കുന്നത് 160 രൂപയാണ്. ഒരു ഗ്രാം സ്വർണത്തിന്റെ ഇന്നത്തെ നിരക്ക് 5,695 രൂപയാണ്. ഒരു പവന് (എട്ട് ഗ്രാം) ഈടാക്കുന്നത് 45,560 രൂപയുമാണ്.

ഡിസംബർ മാസത്തിലെ സ്വർണവില (പവൻ നിരക്കിൽ)

ഡിസംബർ 1 - 46,160 രൂപ 

ഡിസംബർ 2 - 46,760 രൂപ 

ഡിസംബർ 3- 46,760 രൂപ

ഡിസംബർ 4 - 47,080 രൂപ (ഡിസംബർ മാസത്തിലെ ഏറ്റവും ഉയർന്ന നിരക്ക്. സ്വർണവിലയിൽ രേഖപ്പെടുത്തുന്ന സർവ്വകാല റെക്കോർഡ്)

ഡിസംബർ 5 - 46,280 രൂപ

ഡിസംബർ 6 - 45,960 രൂപ 

ഡിസംബർ 7 - 46,040 രൂപ

ഡിസംബർ 8- 46,160 രൂപ

ഡിസംബർ 9- 45,720 രൂപ 

ഡിസംബർ 10 -45,720 രൂപ

ഡിസംബർ 11 - 45,560 രൂപ (ഡിസംബർ മാസത്തിലെ ഏറ്റവും കുറഞ്ഞ നിരക്ക്)

*മുകളിൽ നൽകിയിരിക്കുന്നത് വില സൂചകം മാത്രമാണ്. ഇതിൽ ജിഎസ്ടി, ടിസിഎസ് തുടങ്ങിയ നികുതികൾ ഉൾപ്പെടുത്തില്ല. പണിക്കൂലി തുടങ്ങിയ ഉൾപ്പെടുത്തി സ്വർണത്തിന്റെ ഇനിയും വർധിക്കുന്നതാണ്. സ്വർണത്തിന്റെ കൃത്യമായ വില അറിയണമെങ്കിൽ ജ്യൂവലറി കടയുമായി ബന്ധപ്പെടുക.

സ്വർണത്തിനൊപ്പം ഇന്ന് വെള്ളിയുടെ വിലയും കുറഞ്ഞു. ഒരു ഗ്രാം വെള്ളിക്ക് 20 പൈസയാണ് കുറഞ്ഞത്. ഒരു ഗ്രാം വെള്ളിയുടെ ഇന്നത്തെ വില 77.80 രൂപയാണ്.