കേന്ദ്ര ജീവനക്കാർക്ക് സന്തോഷ വാർത്ത! Retirement പ്രായവും പെൻഷൻ തുകയും വർധിപ്പിച്ചേക്കും!

ന്യൂഡൽഹി: കേന്ദ്രസർക്കാർ തങ്ങളുടെ ജീവനക്കാർക്ക് ഉടൻ തന്നെ ഒരു സന്തോഷ വാർത്ത നൽകിയേക്കും. ജീവനക്കാരുടെ വിരമിക്കൽ പ്രായവും പെൻഷൻ തുകയും വർധിപ്പിക്കാൻ സർക്കാർ ആലോചിക്കുന്നുണ്ട്. ഈ നിർദ്ദേശം (Universal Pension System) സാമ്പത്തിക ഉപദേശക സമിതി പ്രധാനമന്ത്രിക്ക് അയച്ചിട്ടുണ്ട്. ഇതിൽ ജീവനക്കാരുടെ പ്രായപരിധി വർധിപ്പിക്കുന്നതിനെ കുറിച്ച് സൂചിപ്പിച്ചിട്ടുണ്ട്. ഒപ്പം രാജ്യത്ത് വിരമിക്കൽ (Retirement) പ്രായപരിധി വർദ്ധിപ്പിക്കുന്നതിനൊപ്പം യൂണിവേഴ്‌സൽ പെൻഷൻ സംവിധാനവും ആരംഭിക്കണമെന്ന് പ്രധാനമന്ത്രിയുടെ സാമ്പത്തിക ഉപദേശക സമിതി പറഞ്ഞു.

മുതിർന്ന പൗരന്മാരുടെ സുരക്ഷ (Senior Citizen Safety)

സമിതിയുടെ റിപ്പോർട്ട് പ്രകാരം ജീവനക്കാർക്ക് എല്ലാ മാസവും കുറഞ്ഞത് 2000 രൂപ പെൻഷൻ നൽകണമെന്ന നിർദ്ദേശവുമുണ്ട്. രാജ്യത്തെ മുതിർന്ന പൗരന്മാരുടെ സുരക്ഷയ്ക്കായി സാമ്പത്തിക ഉപദേശക സമിതി മെച്ചപ്പെട്ട ക്രമീകരണങ്ങൾ നടത്തിയിട്ടുണ്ട്.

നൈപുണ്യ വികസനം അനിവാര്യമാണ് (Skill development is essential)

ജോലി ചെയ്യുന്നവരുടെ എണ്ണത്തിൽ വർധനവ് ആവശ്യമുണ്ടെങ്കിൽ പെൻഷൻ പ്രായം ഉയർത്തേണ്ടത് അനിവാര്യമാണെന്ന് റിപ്പോർട്ടിൽ പറയുന്നുണ്ട്. ഇത് സാമൂഹിക സുരക്ഷാ സംവിധാനത്തിലെ സമ്മർദ്ദം കുറയ്ക്കുന്നതിന് കഴിയും. 50 വയസ്സിനു മുകളിലുള്ളവരുടെ നൈപുണ്യ വികസനത്തെക്കുറിച്ചും റിപ്പോർട്ടിൽ പറയുന്നുണ്ട്.

സർക്കാരുകൾ നയം രൂപീകരിക്കുന്നു (Governments make policy)

നൈപുണ്യ വികസനം സാധ്യമാകുന്ന തരത്തിൽ കേന്ദ്ര-സംസ്ഥാന സർക്കാരുകൾ ഇത്തരം നയങ്ങൾ ഉണ്ടാക്കണമെന്നും റിപ്പോർട്ടിൽ പറഞ്ഞിട്ടുണ്ട്. ഈ ശ്രമത്തിൽ അസംഘടിത മേഖലയിൽ താമസിക്കുന്നവർ, വിദൂര പ്രദേശങ്ങൾ, അഭയാർഥികൾ, പരിശീലനം ലഭിക്കാൻ മാർഗമില്ലാത്ത കുടിയേറ്റക്കാർ എന്നിവരും ഉൾപ്പെടണം.  പക്ഷേ ഇവർ പരിശീലനം നേടിയിരിക്കണം.

വേൾഡ് പോപ്പുലേഷൻ പ്രോസ്പെക്ടസ് 2019 റിപ്പോർട്ട് (World Population Prospectus 2019 Report)

വേൾഡ് പോപ്പുലേഷൻ പ്രോസ്പെക്ടസ് 2019 അനുസരിച്ച് 2050 ആകുമ്പോഴേക്കും ഇന്ത്യയിൽ ഏകദേശം 32 കോടി മുതിർന്ന പൗരന്മാരുണ്ടാകുമെന്നാണ് റിപ്പോർട്ട്. അതായത് രാജ്യത്തെ ജനസംഖ്യയുടെ ഏകദേശം 19.5 ശതമാനം വിരമിച്ചവരുടെ വിഭാഗത്തിലേക്ക് പോകും. 2019-ൽ ഇന്ത്യയിലെ ജനസംഖ്യയുടെ ഏകദേശം 10 ശതമാനം അല്ലെങ്കിൽ 140 ദശലക്ഷം ആളുകൾ മുതിർന്ന പൗരന്മാരുടെ വിഭാഗത്തിൽ ഉൾപ്പെടുന്നവരാണ്.