Update Aadhaar Card details: ആധാർ കാർഡിലെ വിവരങ്ങള്‍ സൗജന്യമായി മാറ്റാൻ ഇനി 8 ദിവസം മാത്രം!!
Update Aadhaar Card details: UIDAI ട്വീറ്റ് അനുസരിച്ച് ഒരു ആധാര്‍ ഉടമയ്ക്ക് 2023 മാർച്ച് 15 മുതൽ ജൂൺ 14 വരെ, https://myaadhaar.uidai.gov.in എന്ന വെബ്സൈറ്റിലൂടെ സൗജന്യമായി അവരുടെ പ്രധാനപ്പെട്ടതും മാറ്റം വരുത്തേണ്ടതുമായ രേഖകള്‍ ഓൺലൈനായി അപ്‌ലോഡ് ചെയ്യാം.
Update Aadhaar Card details: നമ്മുടെ രാജ്യത്ത് അടിസ്ഥാന തിരിച്ചറിയല്‍ രേഖയായി കണക്കാക്കപ്പെടുന്ന ഏറ്റവും പ്രധാനപ്പെട്ട രേഖയാണ് ഇന്ന് ആധാര്‍ കാര്‍ഡ്‌. സാമ്പത്തികമടക്കം വിവിധ ആവശ്യങ്ങൾക്കായുള്ള തിരിച്ചറിയൽ രേഖയായാണ് ആധാർ പ്രവർത്തിക്കുന്നത്.
അതിനാല്‍ത്തന്നെ ആധാര്‍ കാര്‍ഡില്‍ നല്‍കിയിരിയ്ക്കുന്ന വിവരങ്ങള്‍ കൃത്യമായിരിക്കണം എന്നത് പ്രത്യേകം ശ്രദ്ധിക്കേണ്ട ഒന്നാണ്. അടുത്തിടെ, യുഐഡിഎഐ പുറപ്പെടുവിച്ച നിര്‍ദ്ദേശം അനുസരിച്ച് ആധാറിൽ നൽകിയിരിയ്ക്കുന്ന ഡാറ്റകൾ കൃത്യമായിരിക്കണം എന്നും പത്ത് വർഷം മുമ്പ് ആധാർ നമ്പർ നേടിയവരും അടുത്തിടെ തങ്ങളുടെ രേഖകൾ അപ്ഡേറ്റ് ചെയ്യാത്തവരുമായ ആളുകള്‍ അവരുടെ രേഖകൾ അപ്ഡേറ്റ് ചെയ്യണമെന്നും നിര്‍ദ്ദേശിച്ചിരുന്നു.
Also Read: Odisha Train Accident: ഒഡീഷ ട്രെയിൻ അപകടത്തിൽ മരിച്ചവരുടെ എണ്ണം 278, ഇനിയും തിരിച്ചറിയാനാകാതെ 100 ലധികം മൃതദേഹങ്ങൾ
നിയമം അനുസരിച്ച് യുണീക്ക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യ (Unique Identification Authority of India (UIDAI) പൗരന്മാരിൽ നിന്ന് തങ്ങളുടെ ആധാറിലെ രേഖകൾ ഓൺലൈനായി അപ്ഡേറ്റ് ചെയ്യുന്നതിന് നിരക്ക് ഈടാക്കും. എന്നാല്‍, അടുത്ത രണ്ട് മാസത്തേയ്ക്ക് ആധാർ കാർഡ് ഉടമകൾക്ക് അവരുടെ ആധാർ വിശദാംശങ്ങൾ സൗജന്യമായി അപ്ഡേറ്റ് ചെയ്യാം. ഡിജിറ്റൽ ഇന്ത്യ പദ്ധതിയുടെ ഭാഗമായാണ് ഈ തീരുമാനം കൈക്കൊണ്ടിരിയ്ക്കുന്നത്. മൈ ആധാർ പോർട്ടലിൽ സൗജന്യ ഡോക്യുമെന്‍റ് അപ്ഡേറ്റ് സേവനം പ്രയോജനപ്പെടുത്താൻ യുഐഡിഎഐ ആളുകളോട് അഭ്യർത്ഥിച്ചു.
യുഐഡിഎഐ ട്വീറ്റ് അനുസരിച്ച് ഒരു ആധാര്‍ ഉടമയ്ക്ക് 2023 മാർച്ച് 15 മുതൽ ജൂൺ 14 വരെ, https://myaadhaar.uidai.gov.in എന്ന വെബ്സൈറ്റിലൂടെ സൗജന്യമായി അവരുടെ പ്രധാനപ്പെട്ടതും മാറ്റം വരുത്തേണ്ടതുമായ രേഖകള്‍ ഓൺലൈനായി അപ്‌ലോഡ് ചെയ്യാം. ഇതില്‍, പേര്, വിലാസം, ജനന തിയതി എന്നിവ ഉള്‍പ്പെടുന്നു.
UIDAI നിര്‍ദ്ദേശമനുസരിച്ച് ഇത്തരത്തില്‍ സൗജന്യമായി ഡാറ്റ തിരുത്താന്‍ ജൂണ്‍ 14 വരെയാണ് സാധിക്കുക. ഈ സേവനം myAadhaar പോർട്ടലിൽ മാത്രമാണ് ലഭ്യമാകുക. പഴയതുപോലെ, ആധാർ കേന്ദ്രങ്ങളിലൂടെ ഈ സേവനങ്ങള്‍ സ്വീകരിയ്ക്കുന്നതിന് 50 രൂപ നല്‍കേണ്ടി വരും. 10 വർഷം മുമ്പ് ആധാർ ലഭിച്ചവരും ഒരിയ്ക്കലും ഡാറ്റ അപ്ഡേറ്റ് ചെയ്യാത്തവരും ഈ അവസരം വിനിയോഗിക്കണം എന്ന് യുഐഡിഎഐ പറയുന്നു.
ആധാര്‍ ഉടമകള്‍ക്ക് അവരുടെ അടിസ്ഥാന വിവരങ്ങളായ പേര്, ജനനത്തീയതി, വിലാസം മുതലായവ അപ്ഡേറ്റ് ചെയ്യണമെങ്കിൽ ഇപ്പോള്‍ രണ്ട് ഓപ്ഷനുകളുണ്ട്: അവർക്ക് സാധാരണ ഓൺലൈൻ അപ്ഡേറ്റ് സേവനം ഉപയോഗിക്കാം അല്ലെങ്കിൽ പ്രാദേശിക ആധാർ കേന്ദ്രത്തിലൂടെയും ഡാറ്റ പുതുക്കാം. പ്രാദേശിക ആധാർ കേന്ദ്രത്തിലൂടെ വിവരങ്ങള്‍ പുതുക്കുമ്പോള്‍ സാധാരണ ഫീസ് ആയ 50 രൂപ ഈടാക്കും.
നിങ്ങളുടെ ആധാർ കാർഡില്‍ പേര്, വിലാസം, ജനനത്തീയതി എന്നിവ സൗജന്യമായി എങ്ങനെ മാറ്റാം എന്ന് നോക്കാം (How To Change Your Aadhaar Card Name, Address, Date Of Birth For Free)
ഘട്ടം 1: https://myaadhaar.uidai.gov.in/ എന്നതിൽ ലോഗിൻ ചെയ്യുക
ഘട്ടം 2: 'ഡോക്യുമെന്‍റ് അപ്ഡേറ്റ്' തിരഞ്ഞെടുത്ത് ഓപ്ഷൻ ക്ലിക്ക് ചെയ്യുക. ഈ സമയം നിങ്ങളുടെ നിലവിലുള്ള വിശദാംശങ്ങൾ കാണുവാന്‍ സാധിക്കും.
ഘട്ടം 3: വിശദാംശങ്ങൾ പരിശോധിച്ച് അടുത്ത ഹൈപ്പർ-ലിങ്കിൽ ക്ലിക്ക് ചെയ്യുക.
ഘട്ടം 4: ഡ്രോപ്പ്ഡൗൺ ലിസ്റ്റിൽ നിന്ന് ഐഡന്‍റിറ്റി പ്രൂഫ്, അഡ്രസ് പ്രൂഫ് ഡോക്യുമെന്‍റ് എന്നിവ തിരഞ്ഞെടുക്കുക
ഘട്ടം 5: സ്‌കാൻ ചെയ്‌ത പകർപ്പുകൾ അപ്‌ലോഡ് ചെയ്‌ത് പേയ്‌മെന്‍റ് നടത്താൻ തുടരുക
കഴിഞ്ഞ പത്ത് വർഷമായി ആധാർ നമ്പർ ഇന്ത്യൻ പൗരന്മാരുടെ വ്യാപകമായി അംഗീകരിക്കപ്പെട്ട ഒരു തിരിച്ചറിയൽ രേഖയായി മാറിയിരിക്കുന്നു. ഇന്ന് സര്‍ക്കാര്‍, സര്‍ക്കാരിതര സംരംഭങ്ങളിലും പ്രോഗ്രാമുകളിലും സേവനം ലഭിക്കുന്നതിന് ആധാർ അടിസ്ഥാനമാക്കിയുള്ള തിരിച്ചറിയൽ ഉപയോഗിക്കുന്നു. കൂടാതെ, ബാങ്കുകൾ, എൻ‌ബി‌എഫ്‌സികൾ പോലുള്ള ധനകാര്യ സ്ഥാപനങ്ങളും തിരിച്ചറിയൽ രേഖയായി ആധാര്‍ ഉപയോഗിക്കുന്നു.
ആധാർ നമ്പർ ഉടമകൾക്ക്, ആധാർ എൻറോൾമെന്‍റ് ആൻഡ് അപ്ഡേറ്റിംഗ് റൂൾസ്, 2016 പ്രകാരം, അവരുടെ ഡാറ്റയുടെ കൃത്യത നിലനിർത്തുന്നതിനായി എൻറോൾമെന്‍റ് തീയതി മുതൽ പത്ത് വർഷത്തിലൊരിക്കലെങ്കിലും ആധാറിലെ ഡാറ്റകള്‍ അപ്ഡേറ്റ് ചെയ്യേണ്ടത് അനിവാര്യമാണ്....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...