Gold Rate Today: സ്വർണവിലയിൽ വൻ ഇടിവ്; ഇന്ന് മാത്രം കുറഞ്ഞത് 1320 രൂപ!

തിരുവനന്തപുരം: സംസ്ഥാനത്ത് സ്വർണവിലയിൽ വൻ ഇടിവ്. റെക്കോർഡുകൾ കടന്ന് മുന്നേറുകയായിരുന്ന സ്വർണവില ഇന്ന് ഒറ്റയടിക്ക് കുറഞ്ഞത് 1320 രൂപയാണ്.  ഇതോടെ ഒരു പവന് സ്വർണത്തിന്റെ ഇന്നത്തെ വില 57,600 ആയിട്ടുണ്ട്.  

ഗ്രാമിന് 165 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ ഇന്നത്തെ വില 7200 ആയിട്ടുണ്ട്. ദീപാവലി സമയത്ത് റെക്കോർഡുകൾ ഭേദിച്ചു കൊണ്ട് മുന്നേറുകയായിരുന്ന സ്വർണവിലയാണ് പെട്ടെന്ന് ബ്രേക്കിടുകയായിരുന്നു.  ഇതോടെ സ്വർണവില 60000 ത്തിൽ ഉടൻ എത്തുമെന്ന പ്രതീക്ഷയ്ക്ക് മങ്ങലേറ്റ് വില 58000 ലും താഴെ എത്തിയിരിക്കുകയാണ്.  എന്തായാലും സ്വർണം വാങ്ങാൻ ആലോചിക്കുന്നവർ ഇത് നല്ല സമയം.  

ഓഹരി വിപണിയില്‍ ഉണ്ടായ മുന്നേറ്റം അടക്കമുള്ള ഘടകങ്ങളാണ് സ്വര്‍ണവിലയെ ബാധിച്ചതെന്നാണ് റിപ്പോർട്ട്. അടുത്തിടെ ആദ്യമായാണ് സ്വര്‍ണവില ഒറ്റയടിക്ക് ആയിരത്തിലധികം രൂപ കുറയുന്നത് എന്നഹ്‌റ് ശ്രദ്ധേയം. അന്താരാഷ്ട്ര വിപണിയിലെ മാറ്റങ്ങളൂം സ്വര്‍ണവിലയില്‍ പ്രതിഫലിച്ചിട്ടുണ്ട്. നവംബർ മാസത്തിന്റെ ആദ്യ ദിനത്തിൽ സ്വർണവില 59,080 ആയിരുന്നു രേഖപ്പെടുത്തിയത്. തുടർന്ന് മൂന്ന് ദിവസം വിലയിൽ മാറ്റമില്ലാതെ തുടരുകയായിരുന്നു.  

നവംബർ മാസത്തിലെ സ്വർണ വില അറിയാം...

നവംബർ 1 ന് സ്വർണവില 59080 ആയിരുന്നു. നവംബർ 2 ന് വില 120 രൂപ കുറഞ്ഞ് 58960 ആയി തുടർന്ന് നവംബർ 3 ന് വിലയിൽ മാറ്റമില്ലാതെ 58960 തന്നെയാണ്.  നവംബർ 4 നും സ്വർണവിലയിൽ മാറ്റമില്ല. നവംബർ 5 ന് 120 രൂപ കുറഞ്ഞ് 58, 840 എത്തി, നവംബർ 6 ന് 80 രൂപ കൂടി 58920 ഉം ഇന്ന് 1320 രൂപ കുറഞ്ഞ്  57,600 ആയിരിക്കുകയാണ്.