വില വർധന! LPG സിലിണ്ടറിന്റെ വില 25 രൂപയും വാണിജ്യ സിലിണ്ടറിന്റെ വില 75 രൂപയും വർദ്ധിച്ചു
LPG Price Hike: സെപ്റ്റംബർ ആദ്യ ദിനം തന്നെ വിലക്കയറ്റത്തിന്റെ ഞെട്ടലോടെയാണ് തുടങ്ങിയത്. എണ്ണ വിപണന കമ്പനികൾ എൽപിജി സിലിണ്ടറുകളുടെ വില വർദ്ധിപ്പിച്ചു. 14.2 കിലോഗ്രാം സബ്സിഡിയില്ലാത്ത പാചകവാതക സിലിണ്ടറിന്റെ വില കൂട്ടിയത് രണ്ടുമല്ല 25 രൂപയാണ്.
ന്യൂഡൽഹി: LPG Price Hike: സെപ്റ്റംബർ ആദ്യ ദിനം തന്നെ വിലക്കയറ്റത്തിന്റെ ഞെട്ടലോടെയാണ് തുടങ്ങിയത്. എണ്ണ വിപണന കമ്പനികൾ എൽപിജി സിലിണ്ടറുകളുടെ വില വർദ്ധിപ്പിച്ചു. 14.2 കിലോഗ്രാം സബ്സിഡിയില്ലാത്ത പാചകവാതക സിലിണ്ടറിന്റെ വില കൂട്ടിയത് രണ്ടുമല്ല 25 രൂപയാണ്. മാത്രമല്ല 19 കിലോ വാണിജ്യ സിലിണ്ടറിന്റെ വിലയും വർദ്ധിപ്പിച്ചു, സിലിണ്ടറിന് 75 രൂപയാണ് വർദ്ധിപ്പിച്ചത്.
LPG സിലിണ്ടറിന് 25 രൂപ വില കൂടി
ഈ വർദ്ധനയ്ക്ക് ശേഷം ഡൽഹിയിൽ 14.2 കിലോഗ്രാം എൽപിജി (LPG) സിലിണ്ടറിന്റെ വില 884.50 രൂപയായി. ഇതിനു മുൻപ് 859.50 രൂപയായിരുന്നു. നേരത്തെ ഓഗസ്റ്റ് 17 ന് എൽപിജി സിലിണ്ടറിന്റെ വില 25 രൂപ വർധിപ്പിച്ചിരുന്നു.
Also Read: ഓണത്തിനിടയിൽ ഇരുട്ടടി! ഗാർഹിക പാചകവാതക സിലിണ്ടറുകൾക്ക് വീണ്ടും വില കൂട്ടി!
അതിനുമുൻപ് ജൂലൈ 1 ന് എൽപിജി സിലിണ്ടറിന്റെ വില 25.50 രൂപ വർധിച്ചിരുന്നു
മുംബൈയിൽ 14.2 കിലോഗ്രാം LPG സിലിണ്ടറിന്റെ വില ഇപ്പോൾ 884.5 രൂപയാണ്, അതേസമയം ഇത് 859.50 രൂപയായിരുന്നു. കൊൽക്കത്തയിൽ എൽപിജി സിലിണ്ടറിന്റെ വില 886 രൂപയിൽ നിന്ന് 911 രൂപയായി ഉയർന്നു. ചെന്നൈയിൽ എൽപിജി സിലിണ്ടറിന് ഇന്നു മുതൽ നിങ്ങൾ 900.50 രൂപ നൽകണം, അത് ഇന്നലെ വരെ 875.50 രൂപയായിരുന്നു. ഉത്തർപ്രദേശിലെ ലഖ്‌നൗവിൽ LPG സിലിണ്ടറിന് നിങ്ങൾ 897.5 രൂപ നൽകണം. ഗുജറാത്തിലെ അഹമ്മദാബാദിൽ എൽപിജിക്ക് 866.50 നൽകേണ്ടിവരും. ഈ സിലിണ്ടർ ഇതുവരെ 840.50 രൂപയ്ക്ക് ഭോപ്പാലിൽ ലഭ്യമായിരുന്നു, അത് ഇന്ന് മുതൽ 865.50 രൂപയായി.
എൽപിജി സിലിണ്ടറിന് ഈ വർഷം വർദ്ധിച്ചത് 190.50 രൂപയാണ്
2021 ന്റെ തുടക്കത്തിൽ അതായത് ജനുവരിയിൽ ഡൽഹിയിൽ എൽപിജി (LPG) സിലിണ്ടറിന്റെ വില 694 രൂപയായിരുന്നു, അത് ഫെബ്രുവരിയിൽ സിലിണ്ടറിന് 719 രൂപയായി ഉയർത്തി. ഫെബ്രുവരി 15 ന് വില 769 രൂപയായി, ശേഷം ഫെബ്രുവരി 25 ന് എൽപിജി സിലിണ്ടറിന്റെ വില 794 രൂപയായി കുറച്ചു.
മാർച്ചിൽ എൽപിജി സിലിണ്ടറിന്റെ വില 819 രൂപയായി കുറഞ്ഞു. ഏപ്രിൽ ആദ്യം 10 രൂപ കുറച്ചതിനുശേഷം ഡൽഹിയിൽ ആഭ്യന്തര പാചകവാതകത്തിന്റെ വില 809 രൂപയായി ഉയർന്നു. അതായത് ഒരു വർഷത്തിനിടെ LPG സിലിണ്ടറുകളുടെ വില 190.50 രൂപയാണ് വർദ്ധിച്ചത്. ഡിസംബർ മുതൽ ഇതുവരെ സിലിണ്ടറിന്റെ വില ഏകദേശം 300 രൂപ വർദ്ധിച്ചിട്ടുണ്ട്.
വാണിജ്യ സിലിണ്ടറും ചെലവേറിയതായി
എൽപിജി സിലിണ്ടറിന് പുറമെ വാണിജ്യ വാതക സിലിണ്ടറിനും 75 രൂപ വില വർധിച്ചു. ഓഗസ്റ്റ് 17 ന് വാണിജ്യ സിലിണ്ടറിന്റെ വിലയും 68 രൂപ വർദ്ധിപ്പിച്ചു. ഇപ്പോൾ ഡൽഹിയിൽ 1618 രൂപയ്ക്ക് പകരം 19 കിലോഗ്രാം വാണിജ്യ വാതക സിലിണ്ടറിന് 1693 രൂപ വിലവരും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...