Paytm Payments Banks Deadline: പേടിഎം സമയപരിധി അവസാനിക്കുന്നു, ഏതൊക്കെ സേവനങ്ങൾ എന്നന്നേയ്ക്കുമായി നിലയ്ക്കും?
Paytm Payments Banks Deadline: RBI പേടിഎം പേയ്‌മെന്‍റ് ബാങ്കിന് നിയന്ത്രണങ്ങൾ ഏർപ്പെടുത്തുകയും ഇടപാടുകള്‍ക്ക് മാർച്ച് 15 വരെ സമയപരിധി നൽകുകയും ചെയ്തിരിയ്ക്കുകയാണ്.
Paytm Payments Banks Deadline: റിസര്‍വ് ബാങ്ക് ഓഫ് ഇന്ത്യ (RBI) പേടിഎം പേയ്‌മെന്‍റ് ബാങ്കിന് നിയന്ത്രണങ്ങൾ ഏർപ്പെടുത്തുകയും ഇടപാടുകള്‍ക്ക് മാർച്ച് 15 വരെ സമയപരിധി നൽകുകയും ചെയ്തിരിയ്ക്കുകയാണ്. നിയന്ത്രണങ്ങളുടെ ഭാഗമായി പുതിയ അക്കൗണ്ട് ഉടമകളിൽ നിന്ന് നിക്ഷേപം സ്വീകരിക്കുന്നതില്‍നിന്ന് RBI പേടിഎം പേയ്‌മെന്‍റ് ബാങ്കിനെ വിലക്കിയിട്ടുണ്ട്.
ഉപയോക്താക്കളുടെ ഏറ്റവും സൗകര്യപ്രദമായ പേടിഎം പേയ്‌മെന്‍റ് ബാങ്ക് നല്‍കുന്ന ചില പ്രധാന സേവനങ്ങള്‍ മാർച്ച് 15ന് അവസാനിക്കും. എന്നാല്‍ ചില സേവനങ്ങള്‍ തുടര്‍ന്നും ലഭ്യമാകും.
മാർച്ച് 15ന് അവസാനിക്കുന്ന പേടിഎം പേയ്‌മെന്‍റ് ബാങ്ക് സർവീസുകൾ ഇവയാണ്....
1. നിങ്ങളുടെ പേടിഎം അക്കൗണ്ടിലേക്കോ ഫാസ്ടാഗിലേക്കോ വാലറ്റിലേക്കോ പണം നിക്ഷേപിക്കാന്‍ കഴിയില്ല.
2. മറ്റുള്ളവർക്ക് പേടിഎം വഴി പണം അയയ്ക്കാൻ സാധിക്കില്ല.
3. നിങ്ങളുടെ ശമ്പളമോ മറ്റ് സർക്കാർ ആനുകൂല്യങ്ങളോ ഈ അക്കൗണ്ടിലേക്ക് നേരിട്ട് നിക്ഷേപിക്കാൻ കഴിയില്ല.
4. Paytm നൽകുന്ന ഫാസ്ടാഗിൽ നിന്ന് മറ്റേതെങ്കിലും ഫാസ്‌ടാഗിലേക്ക് പണം ട്രാൻസ്ഫർ ചെയ്യാൻ കഴിയില്ല.
5. നിങ്ങൾക്ക് UPI അല്ലെങ്കിൽ IMPS വഴി Paytm പേയ്മെന്റ്സ് ബാങ്ക് അക്കൗണ്ടിൽ പണം നിക്ഷേപിക്കാൻ കഴിയില്ല.
എന്നാല്‍ മാർച്ച് 15ന് ശേഷവും ചില സർവീസുകള്‍ ഉപയോക്താക്കള്‍ക്ക് ലഭ്യമാകും. അവ ഏതൊക്കെയാണ് എന്നറിയാം...
1. Paytm പണം പിൻവലിക്കാൻ കഴിയും
പേടിഎം പേയ്മെന്റ്സ് ബാങ്ക് അക്കൗണ്ടിലോ വാലറ്റിലോ നിക്ഷേപിച്ച പണം നിങ്ങൾക്ക് പിൻവലിക്കാന്‍ സാധിക്കും. റീഫണ്ടുകൾ, ക്യാഷ്ബാക്ക്, സ്വീപ്പ്-ഇൻ എന്നിവ പങ്കാളി ബാങ്കുകളിൽ നിന്ന് തുടർന്നും ലഭ്യമാകും.
Paytm പേയ്മെന്റ്സ് ബാങ്ക് വാലറ്റ് വഴി നിങ്ങൾക്ക് കടകളില്‍ പണമടയ്ക്കാൻ കഴിയില്ല. നിങ്ങൾക്ക് വേണമെങ്കിൽ, നിങ്ങളുടെ വാലറ്റിലുള്ള പണം മറ്റേതെങ്കിലും ബാങ്ക് അക്കൗണ്ടിലേക്ക് മാറ്റാം. നിങ്ങൾക്ക് Fastag ഉപയോഗിക്കാൻ കഴിയും, എന്നാൽ നിങ്ങളുടെ ബാലൻസ് പരിധിയിൽ മാത്രം. നിങ്ങൾക്ക് ഫാസ്ടാഗിൽ പണം കൂടുതല്‍ ചേര്‍ക്കാന്‍ സാധിക്കില്ല.
നിങ്ങൾക്ക് UPI അല്ലെങ്കിൽ IMPS ഉപയോഗിച്ച് നിങ്ങളുടെ Paytm പേയ്മെന്റ്സ് ബാങ്ക് അക്കൗണ്ടിൽ നിന്ന് പണം പിൻവലിക്കാൻ കഴിയും. മാർച്ച് 15 വരെ, നിങ്ങളുടെ നിലവിലുള്ള ബാലൻസിൽ നിന്ന് പ്രതിമാസ OTT പേയ്‌മെന്‍റുകൾ നടത്താം. എന്നാൽ മാർച്ച് 15-ന് ശേഷം, ഈ പേയ്‌മെന്‍റുകൾക്കായി നിങ്ങൾ മറ്റൊരു ബാങ്ക് അക്കൗണ്ട് ഉപയോഗിക്കേണ്ടിവരും.
നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്. https://pinewz.com/ , https://play.google.com/store/apps/details?id=com.mai.pinewz_user
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.