Interest rates: എഫ്ഡിക്ക് തുല്യം സേവിങ്ങ്സ് അക്കൗണ്ടിന് പലിശ നൽകുന്ന ബാങ്കുകൾ, ഇതാ ലിസ്റ്റ്
Savings Account Latest Interest: എന്നാൽ നിങ്ങളുടെ അക്കൗണ്ട് സേവിങ്ങ്സ് ബാങ്കിലാണോ? എങ്കിൽ പ്രയോജനമുണ്ട്. പലിശ നിരക്ക് എഫ്ഡിയെക്കാൾ വളരെ കുറവാണെങ്കിലും പണം പിൻവലിക്കൽ ലളിതമാകുന്നു എന്നതാണ് പ്രത്യേകത
മറ്റ് നിക്ഷേപങ്ങളെ അപേക്ഷിച്ച് സ്ഥിര നിക്ഷേപം (FD) എല്ലായ്പ്പോഴും മികച്ചതും സുരക്ഷിതവുമായ നിക്ഷേപ ഓപ്ഷനുകളിലൊന്നാണ്. എന്നാൽ FD-യുടെ ഒരു പോരായ്മ എന്താണെന്ന് വെച്ചാൽ നിങ്ങൾക്ക് ആവശ്യമുള്ളപ്പോഴെല്ലാം നിങ്ങളുടെ പണം പിൻവലിക്കാൻ കഴിയില്ല എന്നതാണ്. എന്നാൽ നിങ്ങളുടെ അക്കൗണ്ട് സേവിങ്ങ്സ് ബാങ്കിലാണോ? എങ്കിൽ പ്രയോജനമുണ്ട്. പലിശ നിരക്ക് എഫ്ഡിയെക്കാൾ വളരെ കുറവാണെങ്കിലും പണം പിൻവലിക്കൽ ലളിതമാകുന്നു എന്നതാണ് പ്രത്യേകത. അത്തരത്തിൽ മികച്ച പലിശ സേവിങ്ങ്സ് അക്കൗണ്ടുകൾക്ക് നൽകുന്ന ബാങ്കുകൾ നോക്കാം.
പല സ്വകാര്യ ബാങ്കുകളും സേവിംഗ്സ് അക്കൗണ്ടുകൾക്ക് നല്ല പലിശ നൽകുന്നു.
പല സ്വകാര്യ ബാങ്കുകളും സേവിംഗ്സ് അക്കൗണ്ടുകൾക്കും നല്ല പലിശ നിരക്ക് വാഗ്ദാനം ചെയ്യുന്നു. സ്വകാര്യ ബാങ്കുകൾ തങ്ങളുടെ സേവിംഗ്സ് അക്കൗണ്ടുകളിൽ പണം സൂക്ഷിക്കുന്നതിന് 7 ശതമാനത്തിലധികം പലിശ വാഗ്ദാനം ചെയ്യുന്നു. സാധാരണയായി, സേവിംഗ്സ് അക്കൗണ്ടുകൾക്ക് 2 മുതൽ 2.5 ശതമാനം വരെ പലിശ നിരക്കാണ് നൽകുന്നത്. എന്നാൽ ഇതിനായി ചില നിബന്ധനകളും പാലിക്കേണ്ടതുണ്ട്. ഇത്തരം സാഹചര്യത്തിൽ, നമുക്ക് ആ ബാങ്കുകളുടെ പട്ടിക കൂടി നോക്കാം.
ഉജ്ജീവൻ സ്മോൾ ഫിനാൻസ് ബാങ്ക് മുതൽ
ഉജ്ജീവൻ സ്മോൾ ഫിനാൻസ് ബാങ്ക് അതിന്റെ മാക്സിമ സേവിംഗ്സ് അക്കൗണ്ടുകൾക്ക് 7.50 ശതമാനം വരെ പലിശ വാഗ്ദാനം ചെയ്യുന്നു. എന്നാൽ അക്കൗണ്ട് ഉടമകൾ ഒരു ലക്ഷം രൂപയെങ്കിലും നിക്ഷേപിക്കണം. ഡിസിബി ബാങ്ക് തങ്ങളുടെ ഉപഭോക്താക്കൾക്ക് സേവിംഗ്സ് അക്കൗണ്ടുകൾക്ക് 7.75 ശതമാനം വരെ പലിശ നൽകുന്നു. ഇതിനായി ഉപഭോക്താക്കൾ ഒരു ലക്ഷം മുതൽ ഒരു കോടി രൂപ വരെ ബാലൻസ് നിലനിർത്തേണ്ടതുണ്ട്. ജന സ്മോൾ ബാങ്ക് വിവിധ സേവിംഗ്സ് അക്കൗണ്ടുകളിൽ ഉപഭോക്താക്കൾക്ക് 3.50 ശതമാനം മുതൽ 7.50 ശതമാനം വരെ പലിശ നൽകുന്നു.
ഈ ബാങ്കുകളുടെ പേരുകളും പട്ടികയിൽ
യൂണിറ്റി സ്മോൾ ഫിനാൻസ് ബാങ്ക് ഒരു ലക്ഷം രൂപയ്ക്ക് മുകളിലുള്ള നിക്ഷേപങ്ങൾക്ക് പ്രതിവർഷം 7 ശതമാനവും ഒരു ലക്ഷം രൂപ വരെയുള്ള നിക്ഷേപങ്ങൾക്ക് 6 ശതമാനവും പലിശ നിരക്ക് വാഗ്ദാനം ചെയ്യുന്നു. ഇക്വിറ്റാസ് സ്മോൾ ഫിനാൻസ് ബാങ്ക് ഒരു ലക്ഷം രൂപ വരെയുള്ള അക്കൗണ്ട് ബാലൻസിന് 3.50 ശതമാനം പലിശയും ഒരു ലക്ഷം മുതൽ 5 ലക്ഷം രൂപ വരെയുള്ള ബാലൻസുകൾക്ക് 5.25 ശതമാനം പലിശയും 5 ലക്ഷത്തിന് മുകളിലുള്ള ബാലൻസിന് 7 ശതമാനം പലിശയും വാഗ്ദാനം ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...