എന്തുകൊണ്ട് ഫോൺ ഹാജരാക്കുന്നില്ല? ദിലീപിനോട് ഹൈക്കോടതി, ഹർജി നാളെ വീണ്ടും പരി​ഗണിക്കും

കേസുമായി ദിലീപ് സഹകരിക്കുന്നില്ലെന്ന പ്രോസിക്യൂഷന്റെ വാദത്തിൽ ദിലീപിനോട് ചോദ്യങ്ങളുമായി ഹൈക്കോടതി. ദിലീപ് എന്തുകൊണ്ട് ഫോൺ ഹാജരാക്കുന്നില്ലെന്ന് കോടതി ചോദിച്ചു. തെളിവുകൾ ഹാജരാക്കാൻ ദിലീപ് ബാധ്യസ്ഥനാണെന്ന് കോടതി വ്യക്തമാക്കി. നടിയെ ആക്രമിച്ച കേസിലെ അന്വേഷണ ഉദ്യോ​ഗസ്ഥരെ അപായപ്പെടുത്താൻ ശ്രമിച്ച കേസിൽ ദിലീപടക്കമുള്ള പ്രതികളുടെ മുൻകൂർ ജാമ്യാപേക്ഷ പരി​ഗണിക്കുന്നതിനിടെയാണ് കോടതിയുടെ ചോദ്യം. ഹർജി നാളെ വീണ്ടും പരി​ഗണിക്കും.

പ്രത്യേക സിറ്റിം​ഗ് നടത്തിയാണ് ഹർജി പരി​ഗണിക്കുക. നാളെ രാവിലെ 11 മണിക്കാണ് കേസ് പരി​ഗണിക്കുക.

ഒളിക്കാൻ ഒന്നുമില്ലെന്ന് ദിലീപ് കോടതിയിൽ അറിയിച്ചു. തന്റെ മുൻ ഭാര്യയുമായുള്ള സംഭാഷണങ്ങളുണ്ടെന്ന് ദിലീപ് അറിയിച്ചു. ഫോൺ നൽകുന്നത് സ്വകാര്യതയെ ബാധിക്കുമെന്നും ദിലീപിന്റെ വാദം. കേസ് തിങ്കളാഴ്ച കേൾക്കണമെന്നും ദിലീപ് ആവശ്യപ്പെട്ടു.