CPM-BJP Clash: കാസർഗോഡ് സിപിഎം-ബിജെപി സംഘർഷം; ജില്ലാ വൈസ് പ്രസിഡന്റിന് വെട്ടേറ്റു
കാസര്‍ഗോഡ് പറക്കളായിയില്‍ സിപിഎം-ബിജെപി പ്രവര്‍ത്തകര്‍ തമ്മിൽ ഏറ്റുമുട്ടി.
കാസർഗോഡ്: തിരഞ്ഞെടുപ്പിന് പിന്നാലെ സംസ്ഥാനത്ത് തുടങ്ങിയ രാഷ്ട്രീയ സംഘർഷങ്ങൾ തുടരുന്നു. കാസര്‍ഗോഡ് പറക്കളായിയില്‍ സിപിഎം-ബിജെപി പ്രവര്‍ത്തകര്‍ തമ്മിൽ ഏറ്റുമുട്ടി.
കണ്ണൂരില്‍ മുസ്‌ലിം ലീഗ് പ്രവര്‍ത്തകനെ വെട്ടിക്കൊന്നതിന് പിന്നാലെയാണ് ഈ സംഭവം. ഇന്നലെ രാത്രിയോടെയായിരുന്നു സംഭവം.
സംഭവത്തിൽ യുവമോര്‍ച്ച കാസര്‍ഗോഡ് ജില്ലാ വൈസ് പ്രസിഡന്‍റ് ശ്രീജിത്ത് പറക്കായിക്ക് വെട്ടേറ്റു. ശ്രീജിത്തിനെ ഗുരുതര പരിക്കുകളോടെ മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്.
Also Read: കണ്ണൂരിൽ അക്രമണത്തിൽ പരിക്കേറ്റ ലീഗ് പ്രവർത്തകൻ മരിച്ചു
റിപ്പോർട്ടുകളുടെ അടിസ്ഥാനത്തിൽ ശ്രീജിത്തിന്റെ ഇരുകാലുകളും വെട്ടേറ്റ് തൂങ്ങിയ നിലയിലാണ്. ശ്രീജിത്തിനെ അടിയന്തിര ശസ്ത്രക്രിയയ്ക്ക് വിധേയനാക്കും എന്നാണ് റിപ്പോർട്ട്.
ഇദ്ദേഹത്തെ കൂടാതെ സംഘര്‍ഷത്തില്‍ സിപിഎം പ്രവര്‍ത്തക ഓമനയ്ക്കും പരിക്കേറ്റിണ്ട്. ഇവര്‍ ഇപ്പോൾ പരിയാരം മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കുകയാണ്.
Also Read: Ekadashi: ഏകാദശി ദിനത്തിൽ ഈ മന്ത്രങ്ങൾ ജപിക്കുന്നത് ഉത്തമം
ഇതിനിടയിൽ കണ്ണൂരിൽ സിപിഎം പ്രവർത്തകരുടെ അക്രമത്തിൽ പരിക്കേറ്റ യൂത്ത് ലീഗ് പ്രവർത്തകൻ മൻസൂർ മരണമടഞ്ഞു. അക്രമത്തിൽ മൻസൂറിന്റെ സഹോദരൻ മുഹ്‌സിനും പരുക്കുണ്ടായിരുന്നു.
ഇത് കൂടാതെ കായംകുളത്തും തിരുവനതപുരത്ത് കാട്ടായിക്കോണത്തും സംഘർഷങ്ങൾ റിപ്പോർട്ട് ചെയ്തിട്ടുണ്ടായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...