ബൈക്കിലെത്തിയ സംഘം യുവതിയെ ആക്രമിച്ചതായി പരാതി
Attack against Women: ചെങ്കിക്കുന്ന് മുരിങ്ങോട്ടുകോണം സ്വദേശി പ്രസീത(26)യെ ആണ് ആക്രമിച്ചത്.
കിളിമാനൂർ : ജോലി കഴിഞ്ഞ് സ്‌കൂട്ടിയിൽ വീട്ടിലേയ്ക്ക് പോവുകയായിരുന്ന യുവതിയെ ബൈക്കിലെത്തിയ സംഘം ആക്രമിച്ചതായി പരാതി . യുവതിയുടെ പരാതിയിൽ നഗരൂർ പോലീസ് കേസെടുത്തു. ചൊവ്വാഴ്ച വൈകുന്നേരം കിളിമാനൂർ ബ്ലോക്ക് ഓഫീസിന് സമീപം വെച്ചായിരുന്നു സംഭവം .ചെങ്കിക്കുന്ന് മുരിങ്ങോട്ടുകോണം സ്വദേശി പ്രസീത(26)യെ ആണ് ആക്രമിച്ചത് .കിളിമാനൂർ പാപ്പാലയിലെ സ്വകാര്യ സ്ഥാപനത്തിലെ ജീവനക്കാരിയാണ് . സ്‌കൂട്ടിയിൽ പോകുമ്പോൾ പിൻ തുടർന്ന് ബൈക്കിലെത്തിയവർ എന്തോ കൊണ്ടടിച്ചതായി പ്രസീത പോലീസിൽ നല്‌കിയ പരാതിയിൽ പറയുന്നു .തുടർന്ന് അവർ സ്‌കൂട്ടിയിൽ നിന്നും റോഡിൽ വീഴുകയും നിസാര പരിക്കേൽക്കുകയും ചെയ്‌തുവത്രെ. സംഭവം നടന്നത് കിളിമാനൂർ പോലീസ് സ്റ്റേഷൻ പരിധിയിലായതിനാൽ കേസ് കിളിമാനൂർ പൊലീസിന് കൈമാറി .
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.