Actor Darshan: രേ​ണു​കാ​സ്വാ​മി​യു​ടെ പ്രേ​തം ശല്യം ചെയ്യുന്നു; ജയിൽ മാറ്റണമെന്ന് നടൻ ദർശൻ

ബെംഗളൂരു: കൊ​ല്ല​പ്പെ​ട്ട രേ​ണു​കാ​സ്വാ​മി​യു​ടെ പ്രേ​തം ജ​യി​ലി​ല്‍ ത​ന്നെ ശല്യപ്പെടുത്തുന്നുവെന്ന്  കന്നഡ സൂപ്പർസ്റ്റാർ ദർശൻ തൊഗുദീപ.  നടൻ ഇപ്പോൾ ബെള്ളാരി ജയിലിൽ വിചാരണത്തടവിലാണ്. 

ഇവിടെ രേണുകാസ്വാമിയുടെ ആത്മാവുണ്ടെന്നാണ് ദർശൻ പറയുന്നത്.  അതുകൊണ്ട് തന്നെ ജയിൽ മാറ്റണമെന്ന് ദർശൻ അധികൃതരോട് ആവശ്യപ്പെട്ടിരിക്കുകയാണ്. ജ​യി​ലി​ൽ ക​ഴി​യു​ന്ന ന​ട​ൻ ദ​ർ​ശ​ൻ സ​മ​ർ​പ്പി​ച്ച ജാ​മ്യ​ഹർ​ജി കോ​ട​തി ഇന്ന് പ​രി​ഗ​ണി​ക്കാനിരിക്കെയാണ് നടന്റെ ഈ പരാതി.

രേണുകാസ്വാമിയുടെ ആത്മാവ് സ്വപ്നത്തിൽ വരുന്നതായും തന്നെ വേട്ടയാടുന്നതായും ഭയം കാരണം തനിക്ക് ഉറങ്ങാൻ സാധിക്കാത്ത സാഹചര്യമുണ്ടെന്നും ദർശൻ പറഞ്ഞതായിട്ടാണ് ബെല്ലാരി ജയിൽ അധികൃതർ പറഞ്ഞിരിക്കുന്നത്. അതുകൊണ്ട് തന്നെ ബെംഗളൂരുവിലെ പാരപ്പന അഗ്രഹാര സെൻട്രൽ ജയിലിലേക്കു മാറ്റണമെന്ന ആവശ്യം നടൻ വിചാരണക്കോടതി മുൻപാകെ ഉന്നയിച്ചിട്ടുണ്ട്. പുലർച്ചെ ഉ​റ​ക്ക​ത്തി​ല്‍ ദ​ര്‍ശ​ന്‍ നി​ല​വി​ളി​ക്കു​ന്ന​തും ഒ​ച്ച​വെ​ക്കു​ന്ന​തും കേ​ട്ട​തായും ജ​യി​ല്‍ അ​ധി​കൃ​ത​രും വെ​ളി​പ്പെ​ടു​ത്തിയിട്ടുണ്ട്. ത​ന്റെ ജു​ഡീ​ഷ്യ​ല്‍ ക​സ്റ്റ​ഡി നീ​ട്ടു​ക​യാ​ണെ​ങ്കി​ല്‍ തി​രി​കെ ബം​ഗ​ളൂ​രു സെ​ൻ​ട്ര​ൽ ജ​യി​ലി​ലേ​ക്ക് മാ​റ്റ​ണ​മെ​ന്ന് ദ​ര്‍ശ​ന്‍ അ​ഭി​ഭാ​ഷ​ക​ന്‍ മു​ഖേ​ന ആ​വ​ശ്യ​പ്പെ​ട്ടി​രിക്കുകയാണ്.

ആദ്യം ബെംഗളൂരുവിലെ ജയിലിലായിരുന്ന ദർശൻ ഇവിടെ കൂട്ടാളികൾക്കൊപ്പം ആ​ഡം​ബ​രമായി കഴിയുന്നതിന്റെ ദൃശ്യങ്ങൾ പുറത്തുവന്നതോടെയാണ് ആഗസ്റ്റ് 29 നാണ് ദർശനെ ബെള്ളാരി ജയിലിലേക്ക് മാറ്റിയത്. ഇവിടെ സെല്ലിൽ ഒറ്റയ്ക്കാണ് ദർശൻ കഴിയുന്നത്.