ഒരുമിച്ച് താമസം തുടങ്ങിട്ട് മൂന്ന് ദിവസം മാത്രം; മലയാളി യുവാവും സുഹൃത്തും ബെംഗളൂരുവിൽ മരിച്ച നിലയിൽ

ബെംഗളൂരു : ഇടുക്കി സ്വദേശിയായ യുവാവിനെയും ബംഗാളി സ്വദേശിനിയും ബെംഗളൂരുവിൽ മരിച്ച നിലയിൽ. ബെംഗളൂരു ദൊഡ്ഡഗുബ്ബിയിലെ അപ്പാർട്ട്മെന്റിൽ തീകൊളുത്തി മരിച്ച നിലയിലാണ് ഇരവരെയും കണ്ടെത്തിയത്. ഇടുക്കി സ്വദേശിയായ അബിൽ എബ്രഹാമിനെയും കൊൽക്കത്ത സ്വദേശിനി സൗമിനി ദാസ് എന്നിവരെയാണ് മരിച്ച നിലയിൽ കണ്ടെത്തിയത്. നഴ്സിങ് വിദ്യാർഥിനിയാണ് മരിച്ച ബംഗാൾ സ്വദേശിനി.

ഈ കഴിഞ്ഞ ഞായറാഴ്ച വൈകിട്ടാണ് സംഭവം നടക്കുന്നത്. സൗമിനി അപ്പാർട്ട്മെന്റിൽ വെച്ച് തന്നെ മരണപ്പെടുകയായിരുന്നു. ഗുരുതരമായി പരിക്കേറ്റ അബിൽ ചികിത്സയ്ക്കിടിയാണ് മരിച്ചത്. മൃതദേഹം പോസ്റ്റുമോർട്ടത്തിനായി വിക്ടോറിയ ആശുപത്രി മോർച്ചറിലേക്ക് മാറ്റി. കൊത്തന്നൂർ പോലീസ് സംഭവത്തിൽ കേസെടുത്തിട്ടുണ്ട്.

മൂന്ന് ദിവസം മുമ്പാണ് അബിലും സൗമിനി ദൊഡ്ഡഗുബ്ബിയിലേക്ക് താമസം മാറിയത്. തുടർന്നാണ് ഇരുവരും അഞ്ചാം തീയതി ആത്മഹത്യ ചെയ്തത്. ബെംഗളൂരു മാറത്തഹള്ളി സ്വകാര്യ നഴ്സിങ് കോളേജിലെ രണ്ടാം വർഷ വിദ്യാർഥിനിയാണ് സൗമിനി. വിവാഹിതയുമാണ് മരിച്ച യുവതി. അബിൽ നഴ്സിങ് റിക്രൂട്ടിങ് ഏജൻസി ഉടമയാണ്. അവിവാഹിതനുമാണ് ഇടുക്കി സ്വദേശി.