Malappuram Gold Robbery: മലപ്പുറത്ത് ജ്വല്ലറികളിലേക്ക് സ്വര്‍ണവുമായി വന്ന മഹാരാഷ്ട്ര സ്വദേശിക്ക് നേരെ ആക്രമണം; 1.75 കോടിയുടെ സ്വര്‍ണം കവര്‍ന്നു

മലപ്പുറം: താനൂരിൽ ജ്വല്ലറികളിൽ വിതരണം ചെയ്യാൻ സ്വർണവുമായി എത്തിയ  മഹാരാഷ്ട്ര സ്വദേശിക്ക് നേരെ ആക്രമണം. ഇയാളിൽ നിന്നും 1.75 കോടിയുടെ സ്വർണം കവർന്നു. 2 കിലോഗ്രാം സ്വർണ്ണവും 43 ​ഗ്രാം തങ്കവുമാണ് മോഷ്ടിച്ചത്. പ്രതികളെ ഇതുവരെ പിടികൂടാൻ സാധിച്ചിട്ടില്ല. പ്രതികൾക്ക് വേണ്ടി പോലീസ് അന്വേഷണം ഊർജ്ജിതമാക്കിയിരിക്കുകയാണ്. സ്വർണ്ണ വ്യാപാരിയായ പ്രവീൺ സിങ് രജപുത്തിന്റെ സ്വർണമാണ് കവർന്നത്.

കോഴിക്കോട് ആസ്ഥാനമായി പ്രവർത്തിക്കുന്ന ആഭരണ നിർമ്മാണശാലയിൽ നിന്നാണ് സ്വർണ്ണം താനൂരിലേക്ക് എത്തിച്ചത്. പുതുതായി തുടങ്ങുന്ന  കടയിലേക്ക് സ്വർണം ആവശ്യമുണ്ടെന്ന് പറഞ്ഞ് പ്രവീൺ സിങ്ങിന്റെ ജീവനക്കാരനായ മഹേന്ദ്ര സിങ്ങിനെ വിളിച്ചു വരുത്തുകയായിരുന്നു. കാറിലെത്തിയ നാലം​ഗ സംഘമാണ് കവർച്ച നടത്തിയത് എന്നാണ് ലഭിക്കുന്ന സൂചന പോലീസ് അന്വേഷണം നടത്തുകയാണ്.