Crime News: ആറ്റിങ്ങലിൽ ഭാര്യാമാതാവിനെ ചുറ്റിക കൊണ്ട് തലയ്ക്കടിച്ച് കൊന്നു; പ്രതി പിടിയിൽ

തിരുവനന്തപുരം: ആറ്റിങ്ങലിൽ ഭാര്യാ മാതാവിനെവചുറ്റിക കൊണ്ട് തലയ്ക്കടിച്ച് കൊലപ്പെടുത്തിയ മരുമകൻ പിടിയിൽ. ആറ്റിങ്ങൽ സ്വദേശി പ്രീത ആണ് കൊല്ലപ്പെട്ടത്. മരുമകൻ അനിലിനെ പോലീസ് കസ്റ്റഡിയിലെടുത്തു. ആക്രമണത്തിൽ പ്രീതയുടെ ഭർത്താവ് ബാബുവിനും ഗുരുതരമായി പരിക്കേറ്റു. ബാബുവിനെ ആശുപത്രിയിൽ പ്രവേശിപ്പിച്ചിരിക്കുകയാണ്.

Murder: പോക്‌സോ കേസിലെ പ്രതി അതിജീവിതയുടെ അച്ഛനെ അടിച്ചുകൊന്നു!

ചെന്നൈ: പോക്സോ കേസില്‍ ജാമ്യത്തിലിറങ്ങിയ യുവാവ് അതിജീവിതയുടെ അച്ഛനെ അടിച്ചുകൊന്നതായി റിപ്പോർട്ട്. സംഭവം  നടന്നത് തമിഴ്‌നാട്ടിലാണ്.

സംഭവ ശേഷം പെണ്‍കുട്ടിയുമായി കടന്നുകളഞ്ഞ പ്രതിയെ പോലീസ് അറസ്റ്റുചെയ്തു.  തമിഴ്‌നാട്ടിലെ കൃഷ്ണഗിരി ജില്ലയിലെ കേളമംഗലത്തായിരുന്നു നാടിനെ നടുക്കിയ സംഭവം അരങ്ങേറിയത്. 17 വയസ്സുള്ള പെണ്‍കുട്ടിയെ ലൈംഗികമായി പീഡിപ്പിച്ചെന്ന പരാതിയില്‍ അറസ്റ്റിലായ ജി. വെങ്കട് രാജാണ് കൊലക്കേസില്‍ പിടിയിലായത്.

പെണ്‍കുട്ടിയും വെങ്കട്ടും തമ്മില്‍ നേരത്തേ പരിചയമുണ്ടായിരുന്നു. വെങ്കട് മകളെ ലൈംഗികമായി പീഡിപ്പിച്ചെന്നു കാണിച്ച് പെൺകുട്ടിയുടെ അച്ഛന്‍ കഴിഞ്ഞവര്‍ഷം നവംബറില്‍ പോലീസിൽ പരാതി നല്‍കിയിരുന്നു.  തുടർന്ന് പോക്സോ കേസ് ചുമത്തി പോലീസ് വെങ്കട്ടിനെ അറസ്റ്റ് ചെയ്തിരുന്നു.  തുടർന്ന് ഈ വര്‍ഷം ജനുവരിയില്‍ ജാമ്യത്തിലിറങ്ങിയ പ്രതി അതിജീവിതയുമായി വീണ്ടും ബന്ധം തുടരുകയായിരുന്നു.  

ഇതിനിടയിലാണ് പെണ്‍കുട്ടിയുടെ അച്ഛന്‍ ശനിയാഴ്ച രാത്രി ഇരുവരെയും ഒരുമിച്ചു കണ്ടത്. ഇതിനെ ചോദ്യം ചെയ്തതിനെ തുടര്‍ന്നുണ്ടായ സംഘട്ടനമാണ് കൊലപാതകത്തിലേക്ക് നയിച്ചത്.  ശേഷം ഇയാൾ പെണ്‍കുട്ടിയേയും കൊണ്ട് സ്ഥലം വിടുകയായിരുന്നു. സംഭവത്തിൽ അന്വേഷണം നടത്തിയ പോലീസ് ഞായറാഴ്ച ബെംഗളൂരുവില്‍വെച്ച് പ്രതിയെ അറസ്റ്റു ചെയ്യുകയായിരുന്നു.