Rape case: പണം വാങ്ങി ഭാര്യയെ പീഡിപ്പിക്കാൻ അവസരമൊരുക്കി; ഭർത്താവ് അറസ്റ്റിൽ
Rape case: തൊട്ടില്‍പ്പാലത്തിന് സമീപമുള്ള ഒരു ഹോട്ടലിലും യുവതി താമസിക്കുന്ന വാടകവീട്ടിലും വച്ച് രണ്ട് തവണ പീഡിപ്പിച്ചുവെന്നാണ് പരാതി.
കോഴിക്കോട്: പണം വാങ്ങി ഭാര്യയെ പീഡിപ്പിക്കാന്‍ അവസരമൊരുക്കിയ കുറ്റത്തിന് ഭര്‍ത്താവ് അറസ്റ്റില്‍. ഇരുപത്തിയേഴുകാരിയായ ഭാര്യയെ പീഡിപ്പിക്കാൻ പണം വാങ്ങി അവസരം ഒരുക്കിയെന്ന കേസിൽ പേരാമ്പ്ര വേളം പെരുവയല്‍ സ്വദേശി അബ്ദുള്‍ ലത്തീഫാണ് (35) അറസ്റ്റിലായത്. തൊട്ടില്‍പ്പാലത്തിന് സമീപമുള്ള ഒരു ഹോട്ടലിലും യുവതി താമസിക്കുന്ന വാടകവീട്ടിലും വച്ച് രണ്ട് തവണ പീഡിപ്പിച്ചുവെന്നാണ് പരാതി.
ഭർത്താവ് പണം വാങ്ങി ഇയാളുടെ അടുത്തേക്ക് വാഹനത്തില്‍ എത്തിച്ച് നല്‍കുകയും മറ്റൊരിക്കല്‍ വാടക വീട്ടിലേക്ക് ഇയാളെ കൂട്ടിക്കൊണ്ട് വരികയും ചെയ്ത് പീഡിപ്പിച്ചുവെന്നാണ് യുവതിയുടെ പരാതി. സംഭവത്തിൽ ഭര്‍ത്താവിനെ പേരാമ്പ്ര സി.ഐ എം.സജീവ് കുമാര്‍ അറസ്റ്റ് ചെയ്തു. അബ്ദുള്‍ ലത്തീഫിന്റെ കാറും പോലീസ് കസ്റ്റഡിയിലെടുത്തിട്ടുണ്ട്. പേരാമ്പ്ര മജിസ്ട്രേറ്റ് കോടതി ഇയാളെ റിമാന്‍ഡ് ചെയ്തു.
ALSO READ: Gang Rape: യുപിയിൽ കൂട്ടബലാത്സംഗത്തിന് ഇരയായ പതിനഞ്ചുകാരി ജീവനൊടുക്കിയ നിലയിൽ!
ഓഗസ്റ്റ് 14ന് യുവതിയെ കാണാതായെന്ന് യുവതിയുടെ മാതാവ് പോലീസിൽ പരാതി നൽകി. ഡോക്ടറെ കാണുന്നതിനായി മാതാവിനൊപ്പം ആശുപത്രിയിലേക്ക് പോയ യുവതിയെ കാണാതായെന്നായിരുന്നു പരാതി. തുടർന്ന് പതിനഞ്ചിന് പേരാമ്പ്ര പോലീസ് സ്റ്റേഷനില്‍ യുവതി ഹാജരാവുകയായിരുന്നു.
മരിക്കണമെന്ന ഉദ്ദേശത്തോടെ കൊയിലാണ്ടി ഭാഗത്തേക്ക് പോയതാണെന്നും പിന്നീട് മക്കളെ ഓര്‍ത്ത് മനംമാറ്റം വന്നതിനാല്‍ ബന്ധുവീട്ടില്‍ പോയി തിരികെ വരുകയായിരുന്നുവെന്നുമാണ് യുവതി പോലീസിനോട് പറഞ്ഞത്. പിന്നീടാണ് 2018-ല്‍ പീഡനത്തിന് ഇരയായ കാര്യം യുവതി പോലീസിനോട് വെളിപ്പെടുത്തിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...