Maoist: കോഴിക്കോട് മാവോയിസ്റ്റ് സംഘം എത്തി; എത്തിയത് സായുധ സംഘം എന്ന് സൂചന
മൂന്ന് സ്ത്രീകളും രണ്ട് പുരുഷൻമാരും അടങ്ങുന്ന അഞ്ചംഗ സംഘം എത്തിയതായാണ് വിവരം
കോഴിക്കോട്: മുതുകാട് പേരാമ്പ്ര എസ്റ്റേറ്റിൽ അഞ്ചംഗ മാവോയിസ്റ്റ് (Maoist) സംഘം എത്തിയതായി സൂചന. സായുധ സംഘമാണ് എത്തിയതെന്നാണ് വിവരം. മൂന്ന് സ്ത്രീകളും രണ്ട് പുരുഷൻമാരും അടങ്ങുന്ന അഞ്ചംഗ സംഘം എത്തിയതായാണ് വിവരം.
എസ്റ്റേറ്റിലെ മാനേജറുടെ മുറിയിലാണ് മാവോയിസ്റ്റ് സംഘം എത്തിയതെന്നാണ് സൂചന. ഇവിടുത്തെ ക്വാർട്ടേഴ്സിൽ പോസ്റ്റർ പതിച്ചിട്ടുണ്ട്. ഒരുമാസം മുൻപും ഇവിടെ മാവോയിസ്റ്റ് സംഘം എത്തിയിരുന്നു. എസ്റ്റേറ്റ് മതിലിലും ബസ് സ്റ്റോപ്പിലും പോസ്റ്ററുകൾ പതിച്ചിട്ടുണ്ട്.
ALSO READ: Poojapura Central Jail Break: ജോലിക്കായി പുറത്തിറക്കി, നിമിഷങ്ങൾക്കുള്ളിൽ കൊലക്കേസ് പ്രതി ജയിൽ ചാടി
ലഘുലേഖകൾ വിതരണം ചെയ്തതായി നാട്ടുകാർ പറയുന്നു. റീപ്ലാന്റേഷന്റെ മറവിൽ തോട്ടത്തെ ഖനന മാഫിയയ്ക്കും ടൂറിസത്തിനും വിട്ടുകൊടുക്കരുതെന്നാണ് സിപിഐ മാവോയിസ്റ്റിന്റെ പേരിലുള്ള പോസ്റ്ററിൽ ഉള്ളത്. തണ്ടർ ബോൾട്ടും പൊലീസും മാവോയിസ്റ്റുകൾക്കായി തെരച്ചിൽ ആരംഭിച്ചു.
വീടുകളിൽനിന്ന് മൊബൈൽ ഫോൺ, ലാപ്ടോപ്പ്, പവർ ബാങ്ക് എന്നിവ ചാർജ് ചെയ്‌തശേഷം ഭക്ഷണവും കഴിച്ചാണ് മടങ്ങിയത്. മറ്റു മൂന്നുപേർക്കുകൂടി ഭക്ഷണം പൊതിഞ്ഞുവാങ്ങിച്ചിരുന്നുവെന്നും പ്രദേശവാസികൾ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA