നായയുമായി എത്തി പോലീസുകാരനെ ചവിട്ടി വീഴ്ത്തി, ഗേറ്റ് തകർത്തു; മധ്യവയസ്കൻറെ പരാക്രമം

തൃശ്ശൂർ: പോലീസ് സ്റ്റേഷനിൽ നായയുമായി എത്തി മധ്യവസ്കന്റെ പരാക്രമം. കണ്ടാണശ്ശേരി പൊലീസ് സ്റ്റേഷനിലാണ് സംഭവം. കൂനംമൂച്ചി സ്വദേശി വിൻസൻറാണ് അതിക്രമം നടത്തിയത്. ഇയാളെ പിന്നീട് പോലീസ് ബലം പ്രയോഗിച്ച് അറസ്റ്റ് ചെയ്തു.

വാഹനാപകടവുമായി ബന്ധപ്പെട്ട് ഇയാൾക്കെതിരെ  ലഭിച്ച പരാതിയുടെ അടിസ്ഥാനത്തിലായിരുന്നു ഇയാളെ പോലീസ് സ്റ്റേഷനിലേക്ക് വിളിച്ചു വരുത്തിയത്. അമേരിക്കൻ ബുള്ളി എന്ന വിഭാഗത്തിൽപ്പെട്ട നായയുമായാണ് ഇയാൾ പോലീസ് സ്റ്റേഷനിൽ എത്തിയത്. തുടർന്ന് തന്നെ എന്തിനാണ് വിളിച്ചു വരുത്തിയതെന്ന് ചോദിച്ചായിരുന്നു വിൻസെന്റിന്റെ  അതിക്രമം. 

പിന്നാലെ ഇയാൾ പൊലീസ് സ്റ്റേഷന്റെ ഗേറ്റ് തകർത്തു. പോലീസുകാരനെ ചവിട്ടി വീഴ്ത്തി. ഇതോടെ പ്രതിയെ പോലീസ് ബലം പ്രയോഗിച്ച് കീഴ്പ്പെടുത്തി. കൃത്യ നിർവഹണം തടസ്സപ്പെടുത്തൽ , പൊതുമുതൽ നശിപ്പിക്കൽ തുടങ്ങിയ ജാമ്യമില്ലാ കുറ്റങ്ങളാണ് വിൻസെന്റിനെതിരെ ചുമതിയിട്ടുള്ളത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy