Models Death Kochi| കൊച്ചിയിലെ മോഡലുകളുടെ മരണം, ഹോട്ടൽ ഉടമയെ ചോദ്യം ചെയ്യുന്നു
ഇന്ന് രാവിലെ 10 മണിയോടെയാണ് ഏറണാകുളം സൌത്ത് പോലീസ് സ്റ്റേഷനിൽ റോയ് ഹാജരായത്.
കൊച്ചി: മുൻ മിസ് കേരളാ ജേതാക്കളുടെ മരണത്തിൽ നമ്പർ-18 ഹോട്ടൽ ഉടമയെ പോലീസ് ചോദ്യം ചെയ്യുന്നു. ഹോട്ടൽ ഉടമ റോയ് വയലാട്ടിനെയാണ് പോലീസ് ചോദ്യം ചെയ്യുന്നത്.
ഇന്ന് രാവിലെ 10 മണിയോടെയാണ് ഏറണാകുളം സൌത്ത് പോലീസ് സ്റ്റേഷനിൽ റോയ് ഹാജരായത്. ഇയാൾ ഒളിവിലായിരുന്നു. കേസിൽ ഇനി ഏറ്റവും നിർണ്ണായകമാവുന്നത് ഹോട്ടലിലെ ഡി.ജെ പാർട്ടി ദൃശ്യങ്ങളാണ്.
ഇതിൻറെ ഡി.വി.ആർ റോയ് ഹാജരാക്കിയെന്നാണ് സൂചന. ഇത് പോലീസ് വിശദമായി പരിശോധിക്കും. രണ്ട് ഡി.വി.ആറുകളാണ് ഹാജരാക്കിയത്. പലതവണ ആവർത്തിച്ചിട്ടും റോയ് ചോദ്യം ചെയ്യാൻ ഹാജരായിരുന്നില്ല.
കേസിൽ മോഡലുകൾ സഞ്ചരിച്ച വാഹനം ഓടിച്ച അബ്ദുൾ റഹ്മാന് കോടതി ഇന്നലെ ജാമ്യം നൽകിയിരുന്നു. വൈകിട്ട് ജുഡീഷ്യൽ കസ്റ്റഡിയിൽ കാക്കനാട്ടെ ബോഴ്സ്റ്റൽ ജയിലേക്ക് റിമാൻഡ് ചെയ്തതിന് പിന്നാലെയാണ് ജാമ്യ ഉത്തരവ് വന്നത്. സമയം വൈകിയതിനാൽ ഇന്നലെ നടപടിക്രമങ്ങൾ പൂർത്തിയാക്കാനായില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...