Murder Case: പതിനാറുകാരിയെ പീഡിപ്പിച്ച യുവാവിനെ കൊന്നു; സഹോദരനുൾപ്പെടെ 4 പേർ പിടിയിൽ

ചെന്നൈ: പ്രായപൂർത്തിയാവാത്ത പെൺകുട്ടിയെ പീഡിപ്പിച്ച യുവാവിനെ കൊന്ന് കടലിൽ തള്ളിയ സംഭവത്തിൽ മുഹമ്മദ് അമീസ്, അബ്ദുൾ സലാം എന്നിവരെയും രണ്ടു കൗമാരക്കാരും പോലീസ് പിടിയിൽ. 

കൊല്ലപ്പെട്ടത് വിഴുപുരം കൂനമേൽ സ്വദേശി ശിവയാണ്. പുതുച്ചേരിയിലെ റെസ്റ്റോറന്റിൽ ജോലി ചെയ്യുകയായിരുന്ന ശിവ അവധിക്കു നാട്ടിലെത്തിയപ്പോഴായിരുന്നു പെൺകുട്ടിയെ പീഡിപ്പിച്ചത്.

ഇക്കാര്യം പെൺകുട്ടിയുടെ സഹോദരൻ സുഹൃത്തുക്കളായ മുഹമ്മദ് അമീസ്, അബ്ദുൾ സലാം എന്നിവരോട് പറയുകയും ഇവർ ഡിസംബർ ആറിന് ശിവയെ നേരിൽ കാണുകയും അവിടെവച്ചു വഴകുകയുമുണ്ടായി. തുടർന്ന് മുഹമ്മദ് അമീസും അബ്ദുൾ സലാമും രണ്ട് കൗമാരക്കാരും ചേർന്ന് ശിവയെ കൂനമേട് ബീച്ചിൽ കൊണ്ടുപോയി കുത്തിക്കൊല്ലുകയും ശേഷം കടലിൽ തള്ളുകയുമായിരുന്നു.

തുടർന്ന് രണ്ടു ദിവസത്തിനുശേഷം ശിവയുടെ മൃതദേഹം പുതുക്കുപ്പത്ത് കരയ്ക്കടിഞ്ഞ നിലയിൽ കണ്ടെത്തിയതിനെ തുടർന്ന് ശിവയുടെ ഭാര്യ കോട്ടക്കുപ്പം പോലീസിൽ പരാതി നൽകുകയും മരണത്തിൽ അന്വേഷണം . ആവശ്യപ്പെടുകയുമുണ്ടായി. തുടർന്നു നടത്തിയ അന്വേഷണത്തിലാണ് അബ്ദുൾ സലാമും മുഹമ്മദ് അമീസും രണ്ട് ആൺകുട്ടികളും ചേർന്നാണ് കൊലപാതകം നടത്തിയതെന്നു തെളിഞ്ഞത്.  അറസ്റ്റിലായ മുഹമ്മദ് അമീസ്, അബ്ദുൾ സലാം എന്നിവരെ റിമാൻഡ് ചെയ്തു. കൗമാരക്കാരെ ദുർഗുണ പരിഹാര പാഠശാലയിലേക്കും അയച്ചു.