Abhishek Ghosalkar Shot: ശിവസേന ഉദ്ധവ് വിഭാഗം നേതാവിന്റെ മകനെ ഫെയ്‌സ്ബുക്ക് ലൈവിനിടെ വെടിവച്ചുകൊന്നു; അക്രമിയും ജീവനൊടുക്കി
Mumbai Crime: മഹാരാഷ്ട്രയുടെ തലസ്ഥാനമായ മുംബൈയിൽ നിന്നും ഞെട്ടിക്കുന്ന സംഭവം പുറത്തുവന്നിരിക്കുയാണ്. ഉദ്ധവ് താക്കറെ വിഭാഗം നേതാവും മുൻ കോർപ്പറേറ്ററുമായ അഭിഷേക് ഘോസൽക്കറെ ഫെയ്‌സ്ബുക്ക് ലൈവിനിടെ മൗറീസ് നൊറോണ വെടിവെച്ചു കൊന്നു.
മുംബൈ: ശിവസേന ഉദ്ധവ് താക്കറെ വിഭാഗം നേതാവിന്റെ മകനെ ഫെയ്‌സ്ബുക്ക് ലൈവിനിടെ വെടിവച്ചു കൊന്ന ശേഷം അക്രമി ജീവനൊടുക്കിയാതായി റിപ്പോർട്ട്. ഇതിന്റെ ദൃശ്യങ്ങള്‍ പുറത്തുവന്നിരിക്കുകയാണ്. ഉദ്ധവ് വിഭാഗം മുൻ കൗൺസിലറായിരുന്ന വിനോദ് ഗൊസാല്‍ക്കറുടെ മകന്‍ അഭിഷേകാണ് മരിച്ചത്.
അഭിഷേകിനൊപ്പം ഫെയ്‌സ്ബുക്ക് ലൈവ് ചെയ്തിരുന്നയാളാണ് വെടിയുതിർത്തത്. ശേഷം ഇയാൾ സ്വയം നിറയൊഴിച്ച് ജീവനൊടുക്കുകയായിരുന്നു. ശിവസേന ഉദ്ധവ് വിഭാഗം മുന്‍ കൗണ്‍സിലറാണ് വിനോദ് ഗോസാല്‍ക്കര്‍. മൗറിസ് ഭായ് എന്നറിയപ്പെടുന്ന മൗറിസ് നൊരോൻഹയുടെ ഓഫീസില്‍ വച്ചാണ് സംഭവം നടന്നത്. അഭിഷേകും ഇയാളും തമ്മിലുള്ള പ്രശ്‌നങ്ങള്‍ അടുത്തിടെ രമ്യതയിലാക്കിയിരുന്നു.
തുടര്‍ന്ന് ഒരു പരിപാടിക്കായി അഭിഷേകിനെ ഓഫീസിലേക്ക് വിളിച്ചുവരുത്തുകയായിരുന്നു. തുടർന്ന് പരിപാടിക്കിടെ മൗറിസ് ഭായി അഭിഷേകിനെ വെടിവച്ചു കൊള്ളുകയായിരുന്നു എന്നാണ് റിപ്പോര്‍ട്ട്. സംഭവം മുഴുവന്‍ ഫെയ്‌സ്ബുക്കില്‍ ലൈവായി പോയിരുന്നു എന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy