Crime News: പട്ടാപ്പകൽ വീട്ടമ്മയുടെ രണ്ടരപവന്റെ മാല ബൈക്കിലെത്തിയ സംഘം പൊട്ടിച്ചു കടന്നു; സംഭവം തിരുവന്തപുരത്ത്

തിരുവനന്തപുരം: പട്ടാപ്പകൽ വീട്ടമ്മയുടെ രണ്ടരപവന്റെ മാല ബൈക്കിലെത്തിയ സംഘം പൊട്ടിച്ചു കടന്.  സംഭവം നടന്നത് തിരുവനന്തപുരം ബാലരാമപുരം സിസിലിപുരത്താണ്. 

ബൈക്കിലെത്തിയ രണ്ടംഗ സംഘമാണ് വീട്ടമ്മയുടെ മാല കവര്‍ന്ന് കടന്നു കളഞ്ഞത്. ബാലരാമപുരം രാമപുരത്തു വച്ച്  കോഴോട് ശക്തി വിലാസം ബംഗ്ലാവിൽ സജിലകുമാരിയുടെ മാലയാണ് ബൈക്കിലെത്തിയവർ പൊട്ടിച്ചു കടന്നത്.  ‌ഇന്നലെ രാവിലെ 10 മണിയോടെയായിരുന്നു സംഭവം. സജിലകുമാരി സിസിലിപുരത്തെ ജോലിസ്ഥലത്തേക്ക് പോകുമ്പോഴാണ് സംഭവം. എതിര്‍ ദിശയില്‍ നിന്നും ബൈക്കിലെത്തിയ രണ്ടുപേര്‍ തടഞ്ഞ് നിര്‍ത്തി കഴുത്തില്‍ നിന്നും ബലമായി മാല പൊട്ടിച്ച് ഉച്ചക്കട ഭാഗത്തേക്ക് കടന്നു കളഞ്ഞുവെന്ന് പോലീസ് പറഞ്ഞു. 

വീട്ടമ്മയുടെ പരാതിയുടെ അടിസ്ഥാനത്തിൽ ബാലരാമപുരം പോലീസ് പ്രദേശത്തെ സിസിടിവി കേന്ദ്രീകരിച്ച് അന്വേഷണം ആരംഭിച്ചിട്ടുണ്ട്. സിസിടിവി ദൃശ്യങ്ങളിൽ ഹെൽമറ്റ് വെച്ച് പൾസർ ബൈക്കിൽ സഞ്ചരിക്കുന്ന മോഷ്ടാക്കളുടേതെന്ന് സംശയിക്കുന്ന ദൃശ്യങ്ങൾ പോലീസിന് ലഭിച്ചിട്ടുണ്ട്.