Crime: നാല് മാസമായി കൂലിയില്ല, കുടിശിക ചോദിച്ചതിന് മർദ്ദനം; ലേബർ ക്യാമ്പിലെ ദൃശ്യങ്ങൾ പുറത്ത്
Worker beaten up for asking dues: പയ്യന്നൂർ മാത്തിലിലെ ലേബർ ക്യാമ്പിൽ നിന്നുള്ള ദൃശ്യങ്ങളാണ് പുറത്തുവന്നിരിക്കുന്നത്.
കണ്ണൂർ: ദേശീയപാതാ നിർമാണം നടത്തുന്ന കരാർ കമ്പനിയായ മേഘ കൺസ്ട്രക്ഷൻസിൻ്റെ ലേബർ ക്യാമ്പിൽ തൊളിലാളിയെ മർദ്ദിക്കുന്ന ദൃശ്യം സീ മലയാളത്തിന്. പയ്യന്നൂർ മാത്തിലിലെ ലേബർ ക്യാമ്പിൽ നിന്നുമുള്ളതാണ് ദൃശ്യം. കൂലി കുടിശിക ചോദിച്ചതിനാണ് തൊഴിലാളിയെ മർദ്ദിക്കുന്നത് എന്നാണ് പേര് വെളിപ്പെടുത്താത്ത തൊഴിലാളികളിൽ ചിലർ പറയുന്നത്.
മേഘ കൺസ്ട്രക്ഷൻസിൻ്റെ പയ്യന്നൂർ മാത്തിലിലെ ലേബർ ക്യാമ്പിൽ നിന്നും കഴിഞ്ഞ ദിവസം തൊഴിലാളികളിൽ ചിലർ തന്നെ പകർത്തിയതാണ് ഈ മർദ്ദന ദൃശ്യം. എച്ച് ആർ മാനേജരും ഹൈദരാബാദ് സ്വദേശിയുമായ സാംബശിവ റാവു ഡ്രൈവറായ തൊഴിലാളിയെ ക്രൂരമായ മർദ്ദിക്കുന്നതാണ് ദൃശ്യത്തിലുള്ളത്.
ALSO READ: ഡോ. വന്ദന ദാസ് വധക്കേസ്; ‘പ്രോട്ടോക്കോൾ ഉടൻ നടപ്പാക്കണം’ കർശനമാക്കി കോടതി
നാല് മാസമായി കൂലി ലഭിക്കാത്തതിനാൽ തൊഴിലാളി ഹൈദരാബാദിലെ ഹെഡ് ഓഫീസിൽ വിളിച്ച് പരാതി പറഞ്ഞതായി പറയപ്പെടുന്നു. ഇതിൻ്റെ പ്രതികാരമായാണ് മർദ്ദനമെന്ന് ക്യാമറയ്ക്കു മുന്നിൽ വരാനോ പേര് വെളിപ്പെത്താനോ തയ്യാറാകാത്ത തൊഴിലാളികളിൽ ചിലർ പറഞ്ഞു. ദേശീയ പാതാ നിർമാണ കമ്പനികളിലെ കടുത്ത മനുഷ്യാവകാശ ലംഘനങ്ങളിലേക്കും തൊഴിൽ ചൂഷണങ്ങളിലേക്കും വിരൽ ചൂണ്ടുന്നതാണ് ദൃശ്യങ്ങൾ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...