Aravind Vettikkal | ആരോഗ്യ വകുപ്പിൽ നിയമന തട്ടിപ്പ്; യൂത്ത്‌ കോൺഗ്രസ്‌ സംസ്ഥാന സെക്രട്ടറി അറസ്റ്റിൽ
എം.പിയുടെ ക്വാട്ടയിൽ റിസപ്‌ഷനിസ്റ്റായി നിയമനം നൽകും എന്നായിരുന്നു കരുനാഗപ്പള്ളി സ്വദേശിക്ക് ഇയാൾ കൊടുത്ത വാഗ്ദാനം
തിരുവനന്തപുരം: സർക്കാർ ആശുപത്രിയിൽ ജോലി വാഗ്ദാനംചെയ്ത്‌ പണം തട്ടിയ യൂത്ത്‌ കോൺഗ്രസ്‌ സംസ്ഥാന സെക്രട്ടറി അറസ്റ്റിൽ. അരവിന്ദ്‌ വെട്ടിക്കലി (29) നെയാണ്‌ കന്റോൺമെന്റ്‌ പോലീസ്‌ അറസ്റ്റുചെയ്തത്‌.
50,000 രൂപയാണ് കോട്ടയം ഗവ. ജനറൽ ആശുപത്രിയിൽ ജോലി നൽകാമെന്ന് കാണിച്ച് ഇയാൾ തട്ടിയത്. പകരമായി വ്യാജ നിയമന ഉത്തരവും ഇയാൾ നൽകി.
എം.പിയുടെ ക്വാട്ടയിൽ റിസപ്‌ഷനിസ്റ്റായി നിയമനം നൽകും എന്നായിരുന്നു കരുനാഗപ്പള്ളി സ്വദേശിക്ക് ഇയാൾ കൊടുത്ത വാഗ്ദാനം. നിയമന ഉത്തരവുമായി ജനുവരി 17-ന്‌ ജോലിക്കെത്തിയപ്പോഴാണ് യുവതി തട്ടിപ്പ് മനസ്സിലാക്കുന്നത്. എന്നാൽ സംഭവത്തിൽ ഇവർ പരാതി നൽകിയിരുന്നില്ല.
എന്നാൽ യൂത്ത്‌ കോൺഗ്രസ്‌ നേതാവ്‌ കൈമാറിയ കത്തിന്റെ പകർപ്പ്‌ സാമൂഹിക മാധ്യമങ്ങളിൽ പ്രചരിച്ചിരുന്നു. ഇതോടെ ആരോഗ്യവകുപ്പ്‌ ഡയറക്ടർ പോലീസിൽ
പരാതി നൽകി. ഇതിന് പിന്നാലെയാണ് ഇയാളെ അറസ്റ്റ് ചെയ്തത്. ഇതോടെ സംഭവം മാധ്യമങ്ങളിലേക്കും എത്തുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.