Breakfast Time: പ്രഭാതഭക്ഷണം കഴിയ്ക്കാനുള്ള ശരിയായ സമയം അറിയാമോ?
Best time for breakfast: ഉറക്കമേഴുന്നേറ്റ് രണ്ട് മണിക്കൂറിനുള്ളില്‍ തന്നെ പ്രഭാത ഭക്ഷണം കഴിച്ചിരിക്കണം. എഴുന്നേറ്റ് ഒരു മണിക്കൂറിനുള്ളില്‍ തന്നെ പ്രഭാത ഭക്ഷണം കഴിക്കുന്നതാണ് കൂടുതല്‍ ഉത്തമം. പ്രഭാത ഭക്ഷണം വൈകുന്നത് പലതരത്തിലുള്ള ആരോഗ്യപ്രശ്‌നങ്ങള്‍ക്ക് കാരണമാകും.
Best time for Breakfast: പ്രാതൽ രാജാവിനെ പോലെ, ഉച്ചഭക്ഷണം രാജകുമാരനെ പോലെ, അത്താഴം യാചകനെ പോലെ എന്നാണ് പഴമക്കാര്‍ പറയുന്നത്... അതില്‍ നമ്മുടെ ആരോഗ്യത്തെ സംബന്ധിക്കുന്ന ഒരു പ്രധാന കാര്യം ഒളിഞ്ഞിരിയ്ക്കുന്നു.
അതായത്, ഒരു ദിവസത്തെ ഏറ്റവും പ്രധാനപ്പെട്ട ഭക്ഷണമാണ് പ്രഭാതഭക്ഷണം. പ്രഭാതഭക്ഷണം അല്ലെങ്കില്‍ പ്രാതല്‍ (Breakfast)എന്നത് ദിവസത്തിലെ ഏറ്റവും അത്യാവശ്യമായതും കൃത്യമായി കഴിക്കേണ്ടതുമായ ഭക്ഷണമാണ്. പ്രഭാത ഭക്ഷണം ഒരിയ്ക്കലും മുടക്കരുത്.
ഒരു ദിവസത്തേക്ക് ആവശ്യമുള്ള ഊര്‍ജ്ജം മുഴുവന്‍ തന്നെ നല്‍കുന്നതാണ് പ്രഭാതഭക്ഷണം. അതായത്, പ്രഭാതഭക്ഷണം ശരീരത്തിന് ഏറ്റവും മികച്ച ഊർജ്ജ സ്രോതസ്സാണ്. പ്രാതല്‍ ഒഴിവാക്കിയാല്‍ പല തരത്തിലുള്ള ആരോഗ്യപ്രശ്‌നങ്ങള്‍ ഉണ്ടാകും. ഇത് ശാരീരിക ആരോഗ്യത്തെ മാത്രമല്ല മാനസികാരോഗ്യത്തെയും ബാധിക്കും എന്നാണ് പഠനങ്ങള്‍ പറയുന്നത്.
എന്നാല്‍, കൃത്യമായ സമയത്ത് പ്രാതലും ഊണും അത്താഴവും കഴിക്കുന്നത് വളരെ ചുരുക്കം ആളുകളാണ്. സമയത്ത് ഭക്ഷണം കഴിയ്ക്കുന്നത് വഴി നമ്മൾ നമ്മുടെ ശരീരത്തിന് ഒരു വലിയ സഹായമാണ് ചെയ്യുന്നത്.
ആരോഗ്യ വിദഗ്ധര്‍ പറയുന്നത് അനുസരിച്ച് ഉറക്കമേഴുന്നേറ്റ് രണ്ട് മണിക്കൂറിനുള്ളില്‍ തന്നെ പ്രഭാത ഭക്ഷണം കഴിച്ചിരിക്കണം. എഴുന്നേറ്റ് ഒരു മണിക്കൂറിനുള്ളില്‍ തന്നെ പ്രഭാത ഭക്ഷണം കഴിക്കുന്നതാണ് കൂടുതല്‍ ഉത്തമം. പ്രഭാത ഭക്ഷണം വൈകുന്നത് പലതരത്തിലുള്ള ആരോഗ്യപ്രശ്‌നങ്ങള്‍ക്ക് കാരണമാകും. കൃത്യസമയത്ത് പ്രഭാതഭക്ഷണം കഴിക്കാത്തത് നിങ്ങളുടെ വിശപ്പ് വർദ്ധിപ്പിക്കും, അതിനാൽ നിങ്ങൾ കൂടുതൽ ഭക്ഷണം കഴിക്കാൻ തുടങ്ങും, ഇത് നിങ്ങളുടെ ശരീരഭാരം വർദ്ധിപ്പിക്കാനുള്ള സാധ്യത വർദ്ധിപ്പിക്കുന്നു.
പ്രഭാതഭക്ഷണം കഴിക്കാൻ പറ്റിയ സമയം ഏതാണ്? (Best time to have Breakfast)
രാവിലെ 6 മണിക്ക് ഉണരുന്ന ഒരു വ്യക്തിയെ സംബന്ധിച്ചിടത്തോളം പ്രഭാതഭക്ഷണത്തിന് ഏറ്റവും അനുയോജ്യമായ സമയം രാവിലെ 7 മുതൽ 8 വരെ ആണ്. എന്നിരുന്നാലും, ഒരു കാരണവശാലും രാവിലെ 10 മണി വരെ പ്രഭാതഭക്ഷണം വൈകിപ്പിക്കരുത്. നേരെമറിച്ച്, നിങ്ങൾ വൈകി ഉണരുകയാണെങ്കിൽ, പ്രഭാതഭക്ഷണം കഴിക്കാൻ ഏറ്റവും അനുയോജ്യമായ സമയം ഉറക്കമുണർന്ന് ഒരു മണിക്കൂറിനുള്ളിൽ ആയിരിക്കും. കാരണം, ഒരു രാത്രി ഉപവാസത്തിനു ശേഷം നമ്മുടെ ശരീരത്തിന് ഇന്ധനം ആവശ്യമാണ്, ഗ്ലൂക്കോസിന്‍റെ അളവ് സാധാരണയായി രാവിലെ വളരെ കുറവാണ്. പ്രഭാതഭക്ഷണം കഴിക്കുന്നത് നമ്മുടെ മെറ്റബോളിസം ശക്തമാക്കാന്‍ സഹായിക്കുകയും ദിവസം ആരംഭിക്കാനുള്ള ഊർജ്ജം നൽകുകയും ചെയ്യുന്നു.
ആരോഗ്യകരമായ പ്രഭാതഭക്ഷണം (Healthy Breakfast)
പ്രഭാതഭക്ഷണത്തിൽ പഴങ്ങളും പച്ചക്കറികളും ധാന്യങ്ങളും കഴിക്കുന്നതിലൂടെ ശരീരത്തിന് ധാരാളം നാരുകൾ ലഭിക്കുന്നു, ഇത് ദഹനത്തിന് ഏറെ നല്ലതാണ്. നിങ്ങൾക്ക് വേണമെങ്കിൽ, പ്രഭാതഭക്ഷണത്തിൽ ഓട്സ്, പഴങ്ങളുടെയും പച്ചക്കറികളുടെയും സ്മൂത്തി, മുട്ട, ടോസ്റ്റ് മുതലായവ ഉൾപ്പെടുത്താം. പ്രഭാതഭക്ഷണം നന്നായി കഴിക്കുന്നത് വിശപ്പ് കുറയ്ക്കുന്നു. ഇത് അമിതമായി ഭക്ഷണം കഴിക്കുന്നത് തടയുകയും ശരീരഭാരം നിയന്ത്രിക്കാൻ സഹായിക്കുകയും ചെയ്യുന്നു. അതിനാൽ, പ്രഭാതഭക്ഷണം കഴിക്കുന്നത് വളരെ പ്രധാനമാണ്.
(നിരാകരണം: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം സ്വീകരിക്കണം. ZEE NEWS അത് സ്ഥിരീകരിക്കുന്നില്ല.)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...