viral video: തൊണ്ണൂറ്റിമൂന്നാം പിറന്നാളിൽ തകർപ്പൻ ചുവടുമായി മുത്തശ്ശി..!

പലപ്പോഴും നമ്മൾ കേൾക്കാറുള്ള കാര്യമാണ് പ്രായം ഒന്നിനും ഒരു തടസ്സമല്ലെന്ന്.  പറയുന്നത് മാത്രമല്ല കാണുകയും കൂടി ചെയ്യുമ്പോഴോ.. !

അതെ തന്റെ 93-മത്തെ വയസിൽ പാട്ടിനൊപ്പം ചുവടുവയ്ക്കുന്ന ഒരു മുത്തശ്ശിയാണ് ഇവിടത്തെ താരം.    മുത്തശ്ശി ഡാൻസ് കളിക്കുന്ന വീഡിയോ ഇപ്പോൾ സോഷ്യൽ മീഡിയയിൽ വൈറലാകുകയാണ്.  മുത്തശ്ശി കൊൽക്കത്തക്കാരിയാണ്.  മുത്തശ്ശിയുടെ കൊച്ചുമകൻ  ഗൗരവാണ് വീഡിയോ എടുത്ത് സോഷ്യൽ മീഡിയയിൽ പങ്കുവെച്ചത്.  

'ആംഖ് മാരേ' എന്ന ഹിന്ദി ഗാനത്തിനാണ് മുത്തശ്ശി ചുവടു വച്ചത്.  പിറന്നാളിന് സുന്ദരിയായി മുത്തശ്ശി നിൽക്കുന്നത് നമുക്ക് വീഡിയോയിൽ കാണാം.  ഈ പ്രായത്തിലുളള മൂത്തശ്ശിയുടെ ചുറുചുറുക്ക് ഒന്നു കാണേണ്ടത് തന്നെയാണ്.  പിറന്നാൾ ആഘോഷവും  ആഘോഷത്തിൽ നിന്നുള്ള ചിത്രങ്ങളും ഗൗരവ് പങ്കുവെച്ചിട്ടുണ്ട്.