Black Tea On An Empty Stomach: അതിരാവിലെ വെറുംവയറ്റിൽ കട്ടൻ ചായ കുടിക്കുന്നവരാണോ നിങ്ങൾ? ഇക്കാര്യങ്ങൾ അറിയണം
Black Tea in the morning: വെറുംവയറ്റിൽ കട്ടൻ ചായ കുടിക്കുന്നത് പലപ്പോഴും ശരീരത്തിന് ദോഷം ചെയ്യുന്നുവെന്ന് ആരോഗ്യ വിദഗ്ധർ വ്യക്തമാക്കുന്നു.
രാവിലെ ഒരു കപ്പ് ചൂടുള്ള കട്ടൻ ചായയോടെ ദിവസം ആരംഭിക്കാൻ ആഗ്രഹിക്കുന്നവരാണോ നിങ്ങൾ? രാവിലെ കട്ടൻ ചായ കുടിക്കുമ്പോൾ ശരീരത്തിന് ഊർജ്ജവും ഉന്മേഷവും തോന്നുന്നതാണ് പലരും രാവിലെ തന്നെ കട്ടൻ ചായ കുടിക്കാൻ താൽപര്യപ്പെടുന്നതിന്റെ ഒരു കാരണം. എന്നാൽ, വെറുംവയറ്റിൽ കട്ടൻ ചായ കുടിക്കുന്നത് പലപ്പോഴും ശരീരത്തിന് ദോഷം ചെയ്യുന്നുവെന്ന് ആരോഗ്യ വിദഗ്ധർ വ്യക്തമാക്കുന്നു.
ദിവസം മുഴുവൻ ആരോഗ്യകരമായി ആസ്വദിക്കാൻ ആഗ്രഹിക്കുന്നവർക്ക് രാവിലെ ആദ്യം കട്ടൻ ചായ കുടിക്കുന്നത് വളരെ താത്പര്യമുള്ള ഒരു കാര്യമാണ്. പക്ഷേ, എന്തുകൊണ്ടാണ് ഈ ശീലം ആരോഗ്യത്തിന് വളരെ ദോഷകരമാണെന്ന് പറയുന്നത്? വെറും വയറ്റിൽ കട്ടൻ ചായ കുടിക്കുമ്പോൾ എന്തെല്ലാം ആരോഗ്യപ്രശ്നങ്ങളാണ് ഉണ്ടാകുന്നതെന്ന് നോക്കാം.
എന്തുകൊണ്ടാണ് നിങ്ങൾ വെറും വയറ്റിൽ കട്ടൻ ചായ കുടിക്കുന്നത് നിർത്തേണ്ടത്?
അസിഡിറ്റി അല്ലെങ്കിൽ ദഹനക്കേട് ഉണ്ടാക്കുന്നു: ബ്ലാക്ക് ടീ അല്ലെങ്കിൽ കാപ്പി അങ്ങേയറ്റം അസിഡിറ്റി ഉള്ളതാണ്. ഇത് വെറും വയറ്റിൽ കുടിക്കുന്നത് ആസിഡ്-ബേസിക് ബാലൻസ് തടസ്സപ്പെടുത്തും. ഇത് അസിഡിറ്റി അല്ലെങ്കിൽ ദഹനക്കേടിലേക്ക് നയിച്ചേക്കാം.
നിർജ്ജലീകരണത്തിലേക്ക് നയിക്കുന്നു: കട്ടൻ ചായയിൽ തിയോഫിലിൻ എന്ന സംയുക്തം അടങ്ങിയിട്ടുണ്ട്. ഈ സംയുക്തം നിർജ്ജലീകരണത്തിന് കാരണമാകുന്നു.
ALSO READ: Dry Shampoo: എന്താണ് ഡ്രൈ ഷാംപൂ? ഡ്രൈ ഷാംപൂ ഉപയോഗിക്കുന്നത് മുടിക്ക് ദോഷം ചെയ്യുമോ?
മലബന്ധം: തിയോഫിലിൻ എന്ന സംയുക്തം നിർജ്ജലീകരണത്തിന് കാരണമാകുന്നു, നിർജ്ജലീകരണം പിന്നീട് മലബന്ധത്തിലേക്ക് നയിക്കുന്നു.
പല്ലിന്റെ ഇനാമലിന്റെ ശോഷണത്തിന് കാരണമാകുന്നു: നിങ്ങൾ രാവിലെ ആദ്യം കട്ടൻ ചായയോ കാപ്പിയോ കുടിക്കുമ്പോൾ, ക്രമേണ വായിലെ ആസിഡിന്റെ അളവ് വർധിക്കുകയും പല്ലിന്റെ ഇനാമലിന്റെ ശോഷണത്തിലേക്ക് നയിക്കുകയും ചെയ്യുന്നു.
വയറുവീർക്കൽ: രാവിലെ ആദ്യം കട്ടൻ കാപ്പിയോ കട്ടൻ ചായയോ കുടിക്കുന്നതിന്റെ മറ്റൊരു പാർശ്വഫലം വയറുവീർക്കാൻ കാരണമാകുമെന്നതാണ്. കട്ടൻ ചായയിലും കട്ടൻ കാപ്പിയിലും അടങ്ങിയിരിക്കുന്ന സംയുക്തങ്ങൾ അസിഡിറ്റി ഉണ്ടാക്കുന്നതാണ് ഇതിന് കാരണം.
കട്ടൻ ചായ കുടിക്കാൻ പറ്റിയ സമയം ഏതാണ്?
ഒരു ചൂടുള്ള കട്ടൻ ചായ കുടിക്കാനുള്ള ശരിയായ സമയം സാധാരണയായി ഭക്ഷണം കഴിച്ച് 1-2 മണിക്കൂറിന് ശേഷമാണ്. കൂടാതെ, നിങ്ങൾക്ക് ആരോഗ്യകാര്യത്തിൽ ശ്രദ്ധയുണ്ടെങ്കിൽ, കട്ടൻ ചായയിൽ പഞ്ചസാര ചേർക്കാതിരിക്കാനും പാലില്ലാതെ കുടിക്കാനും ശ്രദ്ധിക്കുക. പാൽ ചായ നിങ്ങളുടെ വയറിന്റെ ആരോഗ്യത്തിന് അപകടകരമാണ്, പ്രത്യേകിച്ച് നിങ്ങൾ വെറും വയറ്റിൽ കുടിക്കുമ്പോൾ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...