Benefits of Cherries: മലബന്ധം മുതൽ ഉറക്കമില്ലായ്മ വരെ പോകും, ചെറിപ്പഴം കഴിക്കാം
ചെറിയിൽ അടങ്ങിയിരിക്കുന്ന ഔഷധ ഗുണങ്ങൾ പല രോഗങ്ങളിൽ നിന്നും നിങ്ങളെ സംരക്ഷിക്കുന്നു.
Benefits of Cherries: ആരോഗ്യത്തിന് ഏറ്റവും പ്രയോജനപ്രദമായ പഴങ്ങളിൽ ഒന്നായാണ് ചെറിയെ കണക്കാക്കപ്പെടുന്നത്. ആന്റി ഓക്‌സിഡന്റുകളാൽ സമ്പുഷ്ടമാണ് ചെറി. തയാമിൻ, റൈബോഫ്ലേവിൻ, വിറ്റാമിൻ ബി, വിറ്റാമിൻ എ, വിറ്റാമിൻ സി, വിറ്റാമിൻ കെ, നിയാസിൻ, ഫോളേറ്റ്, ഇരുമ്പ്, കാൽസ്യം തുടങ്ങിയ പ്രധാനപ്പെട്ട പോഷകങ്ങളും ഇതിൽ ധാരാളം അടങ്ങിയിട്ടുണ്ട്. ചെറിയിൽ അടങ്ങിയിരിക്കുന്ന ഔഷധ ഗുണങ്ങൾ പല രോഗങ്ങളിൽ നിന്നും നിങ്ങളെ സംരക്ഷിക്കുന്നു.
ഉറക്കമില്ലായ്മ മാറും
ചെറികളിൽ മെലറ്റോണിൻ എന്ന ഹോർമോൺ അടങ്ങിയിട്ടുണ്ട്. ഇത് ഉറക്കവുമായി ബന്ധപ്പെട്ട പ്രശ്‌നങ്ങളെ ഇല്ലാതാക്കുന്നു. ഉറക്കമില്ലായ്മ എന്ന പ്രശ്‌നത്തിൽ ഇതിന്റെ ഉപയോഗം ഗുണം ചെയ്യും.
ശരീരഭാരം കുറയ്ക്കാൻ സഹായകമാണ്
നിങ്ങൾ ശരീരഭാരം കുറയ്ക്കാൻ ശ്രമിക്കുകയാണെങ്കിൽ, ഭക്ഷണത്തിൽ ചെറി ഉൾപ്പെടുത്തുക. ഇതിൽ കുറഞ്ഞ കലോറി അടങ്ങിയിട്ടുണ്ട്, ഇത് ശരീരഭാരം കുറയ്ക്കാൻ സഹായിക്കും. ഒരു കപ്പ് ചെറിയിൽ 100 കലോറിയിൽ താഴെ മാത്രമേ ഉള്ളൂ.
ഉയർന്ന രക്തസമ്മർദ്ദ പ്രശ്നങ്ങൾക്കും ആശ്വാസം
ചെറികളിൽ നല്ല അളവിൽ പൊട്ടാസ്യം അടങ്ങിയിട്ടുണ്ട്. അതിനാൽ, ശരീരത്തിൽ നിന്ന് അമിതമായ സോഡിയം നീക്കം ചെയ്യാനും രക്തസമ്മർദ്ദത്തിന്റെ അളവ് സന്തുലിതമാക്കാനും ഇത് സഹായിക്കും.
ഹൃദ്രോഗ സാധ്യത കുറയും
ചെറിയിൽ അടങ്ങിയിരിക്കുന്ന ആന്റിഓക്‌സിഡന്റുകൾ ചീത്ത കൊളസ്‌ട്രോളിന്റെ അളവ് ശരീരത്തിൽ കുറയ്ക്കുകയും ബിപി നിയന്ത്രിക്കുകയും ചെയ്യുന്നു
മലബന്ധം മാറ്റും
മലബന്ധം അടക്കമുള്ള പ്രശ്നങ്ങൾക്കും ചെറി കഴിക്കുന്നത് ഗുണം ചെയ്യും. ചെറിയിലെ നാരുകൾ വയറുമായി ബന്ധപ്പെട്ട പ്രശ്നങ്ങൾ ഇല്ലാതാക്കും
ചർമ്മത്തിന്
ചെറി കഴിക്കുന്നതും ചർമ്മത്തിന് ഗുണം ചെയ്യും. ചെറികളിൽ പോളിഫെനോൾ അടങ്ങിയിട്ടുണ്ട്, ഇത് ചർമ്മത്തെ ഈർപ്പവും മൃദുവുവുള്ളതുമായി നിലനിർത്താൻ സഹായിക്കുന്നു.
മുടി വളർച്ചയ്ക്ക്
മുടികൊഴിച്ചിൽ പ്രശ്നം നിങ്ങളെ അലട്ടുന്നുണ്ടെങ്കിൽ ചെറി കഴിക്കുക. ഇതിന്റെ ഉപയോഗം മുടി വളർച്ചയ്ക്ക് നല്ലതാണ്. ചെറിയിൽ അടങ്ങിയിരിക്കുന്ന ഔഷധഗുണങ്ങൾ മുടിയെ ശക്തിപ്പെടുത്തുന്നു, ഇത് മുടികൊഴിച്ചിൽ പ്രശ്നം ഇല്ലാതാക്കുന്നു.
(Disclaimer: ഇവിടെ നൽകിയിരിക്കുന്ന വിവരങ്ങൾ അനുമാനങ്ങളും വിവരങ്ങളും മാത്രം അടിസ്ഥാനമാക്കിയുള്ളതാണ്)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...