Coriander Tea: മല്ലിയില ചായയുടെ ഗുണങ്ങൾ അറിഞ്ഞാൽ ഇപ്പോൾ തന്നെ തയ്യാറാക്കും

ഇന്ത്യൻ വിഭവങ്ങളിൽ സാധാരണയായി ഉപയോ​ഗിക്കുന്ന ഒന്നാണ് മല്ലി. ഇത് വിഭവങ്ങൾക്ക് രുചി വർധിപ്പിക്കുക മാത്രമല്ല, നിരവധി ആരോ​ഗ്യ ​ഗുണങ്ങളും നൽകുന്നു. മല്ലിയിലയും നിരവധി ഔഷധ ​ഗുണങ്ങൾ നിറഞ്ഞതാണ്. വിറ്റാമിൻ എ, സി, കെ എന്നിവയുടെ സമ്പന്നമായ ഉറവിടമാണ് മല്ലി. ഇതിൽ അവശ്യപോഷകങ്ങൾ അടങ്ങിയിരിക്കുന്നു.

മല്ലി ചായ കുടിക്കുന്നത് പ്രമേഹം, ഉയർന്ന കൊളസ്ട്രോൾ എന്നിവ നിയന്ത്രിക്കുന്നതിന് സഹായിക്കും. അതിനാൽ, ഈ വേനൽക്കാലത്ത് മല്ലി ചായ കുടിക്കുന്നത് നിരവധി ആരോ​ഗ്യ ​ഗുണങ്ങൾ നൽകും. മല്ലി ചായ കുടിക്കുന്നത് വഴി നിങ്ങൾക്ക് ലഭിക്കുന്ന ആരോ​ഗ്യ ​ഗുണങ്ങൾ എന്തെല്ലാമാണെന്ന് അറിയാം.

ദഹനത്തിന് മികച്ചത്: മല്ലിയില ചായയ്ക്ക് ഡൈയൂററ്റിക്, ഉത്തേജക, വിരുദ്ധ ബാഹ്യാവിഷ്ക്കാര ഗുണങ്ങളുണ്ട്. ആമാശയത്തിലെയും കുടലിലെയും പ്രശ്നങ്ങൾ പരിഹരിക്കാനും ദഹനം മെച്ചപ്പെടുത്താനും ഇത് സഹായിക്കുന്നു. വയറുവേദനയോ ദഹനസംബന്ധമായ അസ്വസ്ഥതകളോ അനുഭവപ്പെടുകയാണെങ്കിൽ, ഒരു കപ്പ് മല്ലിയില ചായ കഴിക്കുന്നത് ആശ്വാസം നൽകിയേക്കാം.

മൈഗ്രെയ്ൻ: മല്ലിയില ചായ മൈഗ്രേൻ തലവേദനയുടെ ലക്ഷണങ്ങൾ കുറയ്ക്കാൻ സഹായിക്കും. മൈഗ്രെയ്ൻ ഉള്ളവർ ദൈനംദിന ഭക്ഷണക്രമത്തിൽ മല്ലിയില ചായ ചേർക്കുന്നത് ​ഗുണം ചെയ്യും.

ശരീരത്തിൽ വിഷാംശം ഇല്ലാതാക്കുന്നു: ശരീരത്തിലെ വിഷാംശം ഇല്ലാതാക്കാൻ മല്ലിയില ചായ സഹായിക്കും. ശരീരത്തിലെ ഡിറ്റോക്സ് പ്രക്രിയകളെ പിന്തുണയ്ക്കുന്നതിനുള്ള ഒരു പ്രകൃതിദത്ത പാനീയമാണ് മല്ലിയില ചായ. 

ആന്റി-ഇൻഫ്ലമേറ്ററി ​ഗുണങ്ങൾ: മല്ലിയില ചായയുടെ ആന്റി-ഇൻഫ്ലമേറ്ററി ഗുണങ്ങൾ സന്ധി വേദന, വാതം തുടങ്ങിയ അവസ്ഥകൾ ലഘൂകരിക്കാൻ സഹായിക്കും. മല്ലിയില ചായ പതിവായി കഴിക്കുന്നത് മൊത്തത്തിലുള്ള ആരോ​ഗ്യത്തിന് ​ഗുണം ചെയ്യും.

ഉന്മേഷദായകമായ രുചി: ആരോഗ്യ ഗുണങ്ങൾക്കപ്പുറം, മല്ലി ചായയ്ക്ക് മികച്ച രുചിയുണ്ട്. ഉന്മേഷദായകമായ ഔഷധ പാനീയമാണിത്. മല്ലിയില ചായ ഭക്ഷണക്രമത്തിൽ ഉൾപ്പെടുത്തുന്നത് നിരവധി ആരോ​ഗ്യ ​ഗുണങ്ങൾ നൽകും.

മല്ലി ചായ എങ്ങനെ തയ്യാറാക്കാം?

ഒരു ലിറ്റർ വെള്ളത്തിന് രണ്ട് ടേബിൾസ്പൂൺ മല്ലി വിത്തുകൾ എന്ന അനുപാതത്തിൽ വേണം മല്ലിയില ചായ തയ്യാറാക്കാൻ.
വെള്ളം തിളപ്പിച്ച് വിത്തുകൾ ചേർത്ത് രണ്ട് മിനിറ്റ് തിളപ്പിക്കുക.
തീ ഓഫ് ചെയ്ത് ഈ മിശ്രിതം ഏകദേശം പത്ത് മിനിറ്റ് വയ്ക്കുക.
ചായ അരിച്ചെടുത്ത് ദിവസത്തിൽ പലപ്പോഴായി കുടിക്കാവുന്നതാണ്.