Cranberry benefits: യൂറിനറി ഇൻഫക്ഷൻ തടയും ക്രാൻബെറി; അറിയാം ഈ ഫ്രൂട്ടിന്റെ ആരോഗ്യ ഗുണങ്ങൾ
ക്രാൻബെറി ദിവസവും കഴിക്കുന്നത് ചീത്ത കൊളസ്ട്രോൾ കുറയ്ക്കാൻ സഹായിക്കും. ഇതിൽ വിറ്റാമിനുകളും ധാതുക്കളും അടങ്ങിയിട്ടുണ്ട്
നിരവധി ആരോഗ്യ ഗുണങ്ങളുള്ള ഒരു ഫ്രൂട്ട് ആണ് ക്രാൻബെറി. എന്നാൽ പലർക്കും ഇതിന്റെ ഗുണങ്ങളെ കുറിച്ച് അധികം അറിവില്ല. ദിവസവും ഭക്ഷണത്തിൽ ഉൾപ്പെടുത്താൻ സാധിക്കുന്നതാണ് ക്രാൻബെറി. ചെറിയ പുളിയാണ് ക്രാൻബെറിയുടെ രുചി. എന്നാൽ ക്രാൻബെറി മിക്കവർക്കും ഇഷ്ടമാകും. ചിലർ ഇത് തൈരിൽ കലർത്തിയോ അല്ലെങ്കിൽ ഉണക്കിയോ കഴിക്കാറുണ്ട്. യൂറിനറി ഇൻഫക്ഷൻ തടയാൻ ക്രാൻബെറി സഹായിക്കും എന്ന കാര്യം നിങ്ങൾക്കറിയാമോ?
സ്ത്രീകളിലാണ് യുടിഐ രോഗം സാധാരണയായി കാണാറുള്ളത്. മാരക രോഗമല്ലെങ്കിലും കൃത്യസമയത്ത് ചികിത്സ നേടിയില്ലെങ്കില്‍ ആരോഗ്യസ്ഥിതി മോശമാവുകയും നില ഗുരുതരമാവുകയും ചെയ്യും. ക്രാൻബെറി യൂറിനറി ഇൻഫക്ഷൻ സാധ്യത കുറയ്ക്കുന്നതിനും തടയുന്നതിനും സഹായിക്കുമെന്ന് പറയപ്പെടുന്നു. എന്നാൽ യഥാർത്ഥത്തിൽ അങ്ങനെയാണോ? നമുക്ക് നോക്കാം...
ക്രാൻബെറി ജ്യൂസ് അല്ലെങ്കിൽ അതിന്റെ സത്ത് പോലും യൂറിനറി ഇൻഫക്ഷൻ തടയാൻ സഹായിക്കുമെന്ന് സൂചിപ്പിക്കുന്ന ചില പഠനങ്ങളും ഗവേഷണങ്ങളും ഉണ്ട്. എന്നിരുന്നാലും, ഇതിൽ ഇനിയും കൂടുതൽ ഗവേഷണം ആവശ്യമാണ്.
Also Read: Women Health Problems: 40 കഴിഞ്ഞ സ്ത്രീകള്‍ ഈ 5 ആരോഗ്യ പ്രശ്നങ്ങൾ ഒരിയ്ക്കലും അവഗണിക്കരുത്
അപ്പോൾ, UTI തടയാൻ ക്രാൻബെറി എങ്ങനെ സഹായിക്കും? ക്രാൻബെറികളിൽ പ്രോന്തോസയാനിഡിൻസ് എന്ന സംയുക്തങ്ങൾ അടങ്ങിയിട്ടുണ്ട്. അതിൽ ആൻറി ബാക്ടീരിയൽ ഗുണങ്ങൾ അടങ്ങിയിരിക്കുന്നു, കൂടാതെ മൂത്രാശയത്തിന്റെ ഉപരിതലത്തിൽ എസ്ഷെറിച്ചിയ കോളി (ബാക്ടീരിയ) വികസിക്കുന്നത് തടയുന്നു.
യുടിഐയുടെ അപകടസാധ്യത തടയുന്നതിനും കുറയ്ക്കുന്നതിനുമുള്ള ഒരു സാധാരണ സപ്ലിമെന്റായി ക്രാൻബെറി ജ്യൂസ് പലപ്പോഴും ശുപാർശ ചെയ്യപ്പെടുന്നു. ക്രാൻബെറികളിൽ ഫ്ലേവനോയ്ഡുകൾ, ഫിനോളിക് ആസിഡ് തുടങ്ങിയ മറ്റ് സംയുക്തങ്ങളും അടങ്ങിയിട്ടുണ്ട്. അവ അണുബാധയെ തടയാൻ സഹായിക്കും. ഈ സംയുക്തങ്ങൾ വീക്കം കുറയ്ക്കാൻ സഹായിക്കും, കൂടാതെ യൂറിനറി ട്രാക്ടിൽ ബാക്ടീരിയകൾ പറ്റിനിൽക്കാനുള്ള സാധ്യത കുറയ്ക്കും.
ക്രാൻബെറി ജ്യൂസിനെക്കാൾ അതിന്റെ സത്ത് ഇൻഫക്ഷൻ തടയാൻ സഹായിക്കുമെന്നാണ് കരുതപ്പെടുന്നത്.
ക്രാൻബെറിയുടെ ആരോഗ്യ ഗുണങ്ങൾ
ക്രാൻബെറികൾക്ക് മറ്റ് അത്ഭുതകരമായ ആരോഗ്യ ഗുണങ്ങളും ഉണ്ട്. നിങ്ങളുടെ ഭക്ഷണത്തിൽ ക്രാൻബെറി ചേർക്കുന്നത് കൊണ്ട് ലഭിക്കുന്ന ആരോഗ്യ ഗുണങ്ങളെ കുറിച്ചറിയാം.
ആന്റിഓക്‌സിഡന്റ് സമ്പുഷ്ടം: ഓക്‌സിഡേറ്റീവ് സ്ട്രെസ്, ആൻറി ഓക്‌സിഡന്റ് ഗുണങ്ങൾ എന്നിവയ്‌ക്കെതിരായ സംരക്ഷണത്തിന് ക്രാൻബെറി സഹായിക്കും. കൂടാതെ, ശരീരത്തിലെ കോശങ്ങളുടെ കേടുപാടുകൾ കുറയ്ക്കാൻ സഹായിക്കും.
ഹൃദയാരോഗ്യത്തിന് നല്ലത്: ചീത്ത കൊളസ്ട്രോൾ കുറയ്ക്കാൻ ക്രാൻബെറി സഹായിക്കും. കൂടാതെ അതിന്റെ ആന്റിഓക്‌സിഡന്റ് ഗുണങ്ങൾ ഹൃദയത്തിന് ഗുണം ചെയ്യും.
വിറ്റാമിനുകളുടെയും ധാതുക്കളുടെയും ഒരു പവർഹൗസ്: വിറ്റാമിൻ സിയുടെ മികച്ച ഉറവിടമാണ് ക്രാൻബെറി. ക്രാൻബെറികളിൽ ധാരാളം വിറ്റാമിനുകളും ധാതുക്കളും അടങ്ങിയിട്ടുണ്ട് - വിറ്റാമിൻ സി, ഇ, മാംഗനീസ്, കോപ്പർ തുടങ്ങിയവയാണത്.
വയറ്റിലെ അൾസർ തടയാം: ചില പഠനങ്ങൾ അനുസരിച്ച്, സസ്യ സംയുക്തമായ എ-ടൈപ്പ് പ്രോന്തോസയാനിഡിൻസ് വയറ്റിലെ അൾസർ ഉണ്ടാകാനുള്ള സാധ്യത കുറയ്ക്കാൻ സഹായിക്കും.
അണുബാധയുണ്ടായതിന് ശേഷം ക്രാന്‍ബെറി ഭക്ഷണത്തിൽ ഉൾപ്പെടുത്തുകയല്ല വേണ്ടത്. മറിച്ച് നമ്മുടെ ഭക്ഷണശീലത്തോടൊപ്പം ക്രാന്‍ബെറി പതിവാക്കിയാല്‍ അണുബാധയെ പ്രതിരോധിക്കാന്‍ കഴിയു൦.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...