Health | ആരോഗ്യ ഗുണങ്ങൾ അറിഞ്ഞാവാം ഇനി ചായകുടി! വ്യത്യസ്ത തരം ചായകളെ കുറിച്ച്...
ലാവെൻഡർ ചായ കുടിക്കുന്നത് മനസ്സിനെ ശാന്തമാക്കാനും നല്ല ഉറക്കം നൽകാനും സഹായിക്കും
ചായ കുടിക്കാൻ ഇഷ്ടപ്പെടുന്നവരല്ലേ മിക്ക ആളുകളും. ചായ കുടിച്ചില്ലെങ്കിൽ അന്നത്തെ ദിവസം പോലും ശരിയാകാറില്ല എന്ന് പലരും പറഞ്ഞ് കേട്ടിട്ടുണ്ടാവും. ലോകത്ത് ചായകള്‍ പലവിധമാണ്. വിവിധ രീതികളില്‍ ചായ തയ്യാറാക്കുകയും ചെയ്യാം. ചായക്ക് നിരവധി ആരോഗ്യ ഗുണങ്ങൾ ഉണ്ടെന്നുള്ളത് എത്ര പേർക്കറിയാം? ഉദാഹരണത്തിന്, ലാവെൻഡർ ചായ കുടിക്കുന്നത് മനസ്സിനെ ശാന്തമാക്കാനും നല്ല ഉറക്കം നൽകാനും സഹായിക്കുമെന്ന് നമുക്കെല്ലാവർക്കും അറിയാം. മറ്റ് പല തരത്തിലുള്ള ചായകളും ശരീരത്തിനും മനസ്സിനും പ്രത്യേക ഗുണങ്ങൾ നൽകുന്നു.
വ്യത്യസ്ത തരം ചായകളെ കുറിച്ച് അറിയാം -
വൈറ്റ് ടീ
തേയിലയുടെ മുള മാത്രം എടുത്താണ് വൈറ്റ് ടീ ഉണ്ടാക്കുക. ഇത് ശരീരത്തിൽ ജലാംശം നൽകുന്നതിനും അസ്ഥികളുടെ സാന്ദ്രത കുറയുന്നത് തടയുന്നതിനും ആരോഗ്യകരമായ ചർമ്മത്തെ നൽകുന്നതിനും സഹായിക്കുന്നു. വൈറ്റ് ടീ കുടിക്കുന്നത് ചർമ്മത്തിലെ കേടുപാടുകൾ പരിഹരിക്കാനും കൊളസ്ട്രോൾ കുറയ്ക്കാനും സഹായിക്കുന്ന ആന്റിഓക്‌സിഡന്റുകൾക്ക് ഉത്തേജനം നൽകും. ഇത് പതിവായി കഴിക്കുന്നത് പ്രതിരോധശേഷി വർധിപ്പിക്കുന്നതിനാൽ ചിലതരം ക്യാൻസറുകളുടെ സാധ്യത കുറയ്ക്കുമെന്നും വിശ്വസിക്കപ്പെടുന്നു. സുഗമമായ ദഹന പ്രക്രിയയെ സഹായിക്കുന്നതിനൊപ്പം, വൈറ്റ് ടീ കഴിക്കുന്നത് സമ്മർദ്ദം കുറയ്ക്കാനും മനസിനെ ശാന്തമാക്കാനും സഹായിക്കും. ഗുണമേന്മ മാത്രമല്ല വിലയും കൂടുതലാണ്.
Also Read: Tea For Weight Loss: വ്യായാമം വേണ്ട, ഈ ചായ കുടിച്ചാല്‍ മാത്രം മതി, ശരീരഭാരം താനേ കുറയും...!!
ഊലോങ് ചായ
തലച്ചോറിന്റെ പ്രവർത്തനം മെച്ചപ്പെടുത്തുകയും ദന്തക്ഷയം തടയുകയും ചെയ്യുന്നു. കാർഡിയോ-വാസ്കുലർ അല്ലെങ്കിൽ ആർത്രൈറ്റിസ് സംബന്ധമായ അസുഖങ്ങളെക്കുറിച്ച് പരാതിപ്പെടുന്ന ആളുകൾക്ക് ഊലോങ് ടീ ഉത്തമമാണ്. ഇത് പ്രതിരോധശേഷി വർധിപ്പിക്കുകയും രക്തത്തിലെ ഗ്ലൂക്കോസിന്റെ അളവ് നിയന്ത്രിക്കുകയും അതുവഴി പ്രമേഹം തടയുകയും ചെയ്യുന്നു. ഒരു കപ്പ് ഊലോങ് ചായ കുടിക്കുന്നത് അർബുദത്തെ തടയുമെന്ന് വിശ്വസിക്കപ്പെടുന്നു. നിങ്ങളുടെ മെറ്റബോളിസം മെച്ചപ്പെടുത്തി ശരീരഭാരം നിയന്ത്രിക്കാൻ ഇത് തീർച്ചയായും സഹായിക്കും.
ഗ്രീൻ ടീ
ജനങ്ങൾക്കിടയിൽ ഏറ്റവും പ്രചാരമുള്ളത് ഗ്രീൻ ടീയാണ്. ശരീര ഭാരം അല്പം കുറയ്ക്കാൻ ലക്ഷ്യമിടുന്ന എല്ലാവരും ഗ്രീൻ ടീ ഉപയോഗിക്കുന്നു. ശരീരഭാരം നിയന്ത്രിക്കാനും അരക്കെട്ട് ട്രിം ചെയ്യാനും ഇത് സഹായിക്കുമെന്ന് ഇതിനകം സ്ഥിരീകരിച്ചിട്ടുണ്ടെങ്കിലും, ഗ്രീൻ ടീയിൽ മറഞ്ഞിരിക്കുന്ന വേറെയും ഗുണങ്ങളുണ്ട്. അത് പലപ്പോഴും ശ്രദ്ധിക്കപ്പെടാതെ പോകുന്നു. ദിവസവും കുറച്ച് കപ്പ് ഗ്രീൻ ടീ കുടിക്കുന്നത് നാഡീവ്യവസ്ഥയെ ഉത്തേജിപ്പിക്കാനും ഹൃദയ സംബന്ധമായ അസുഖങ്ങൾ കുറയ്ക്കാനും സഹായിക്കുന്നു.
പ്രതിരോധശേഷി മെച്ചപ്പെടുത്താനും ചിലതരം ക്യാൻസറുകളെ തടയാനും സഹായിക്കുന്ന ആന്റിഓക്‌സിഡന്റുകൾ ഇതിൽ ധാരാളം അടങ്ങിയിട്ടുണ്ട്. ഗ്രീൻ ടീ പഞ്ചസാരയുടെ അളവ് കുറയ്ക്കുന്നു. ഗ്രീൻ ടീയുടെ നിയന്ത്രിത അളവിൽ പതിവ് ഉപഭോഗം പ്രായമാകൽ പ്രക്രിയയെ മന്ദഗതിയിലാക്കാൻ സഹായിക്കുകയും ചെയ്യുന്നു.
ബ്ലാക്ക് ടീ
കട്ടൻ ചായ കുടിക്കുന്നത് എൽഡിഎൽ (ചീത്ത കൊളസ്ട്രോൾ) കുറയ്ക്കുന്നതിനാൽ ഹൃദയാരോഗ്യം മെച്ചപ്പെടുത്താൻ സഹായിക്കുന്നു. കൂടാതെ, ഇത് പ്രമേഹ സാധ്യത കുറയ്ക്കുന്നു. രക്തസമ്മർദ്ദം (ബിപി) കുറയ്ക്കുന്നതിലൂടെ ഹൈപ്പർടെൻഷൻ ഉള്ളവരെ സഹായിക്കുകയും ചെയ്യുന്നു. ആന്റിഓക്‌സിഡന്റുകളാൽ സമ്പുഷ്ടമായ കട്ടൻ ചായ പ്രതിരോധശേഷി വർദ്ധിപ്പിക്കുകയും ക്യാൻസർ വരാനുള്ള സാധ്യത കുറയ്ക്കുകയും ചെയ്യുന്നു. കൂടാതെ, ക്ലിയർ ബ്ലാക്ക് ടീ കുടിക്കാൻ ഇഷ്ടപ്പെടുന്ന ആളുകൾ, അത് ഫോക്കസ് മെച്ചപ്പെടുത്താൻ സഹായിക്കുമെന്ന് സമ്മതിക്കുന്നു.
Also Read: Omicron updates | നിസ്സാരക്കാരനല്ല! ഒമിക്രോണിൽ നിന്ന് മുക്തരായവരിൽ വില്ലനായി നടുവേദന
വ്യത്യസ്ത തരം ചായകളെക്കുറിച്ചും അവയുടെ ഗുണങ്ങളെക്കുറിച്ചും ഇപ്പോൾ നിങ്ങൾക്ക് വ്യക്തമായ ധാരണ കിട്ടിയിട്ടുണ്ടാകുമല്ലോ? അപ്പോൾ ഇനി ഏത് ചായ കുടിക്കണം എന്ന് നിങ്ങൾ തീരുമാനിച്ചോളൂ...
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...