Ghee Eating Benefits | ദിവസവും ഒരു സ്പൂൺ നെയ്യ് കഴിച്ചാൽ അമിത വണ്ണം ഉണ്ടാകുമോ?

ദിവസവും ഒരു സ്പൂൺ നെയ്യ് കഴിച്ചാൽ അമിത വണ്ണം ഉണ്ടാകുമോ എന്ന് ചോദ്യങ്ങൾ ഉയരുന്നുണ്ട്. എന്നാൽ ദിവസവും ഒരു സ്പൂൺ നെയ്യ് കഴിയ്ക്കാമെന്നാണ് ആരോഗ്യ വിദഗ്ധരുടെ അഭിപ്രായം. ഇത് നിങ്ങൾക്ക് ആരോഗ്യ സംബന്ധമായ പ്രശ്‌നങ്ങളൊന്നും ഉണ്ടാക്കില്ലെങ്കിലും നിങ്ങളുടെ ശരീരത്തിന് തീർച്ചയായും ധാരാളം ഗുണങ്ങൾ ലഭിക്കും.

ആയുർവേദം അനുസരിച്ച്, നെയ്യും വെണ്ണയും കഴിക്കുന്നത് ശരീരത്തിലെ രക്തചംക്രമണം മെച്ചപ്പെടുത്തുകയും വയറിന് വളരെ ഗുണം ചെയ്യുകയും ചെയ്യുന്നു. നെയ്യ് കഴിക്കുന്നത് വഴി എല്ലുകൾക്ക് ബലം ലഭിക്കുകയും കുടലിന്റെ ആരോഗ്യം മെച്ചപ്പെടുകയും ചെയ്യും. എങ്കിലും വലിയ അളവിൽ നെയ്യ് കഴിക്കുന്നത് ശരീരത്തിന് ഗുരുതരമായ ബുദ്ധിമുട്ടുണ്ടാക്കും. 

പോഷകാഹാരം

നെയ്യിൽ ആരോഗ്യകരമായ കൊഴുപ്പുകളുണ്ട്, മാത്രമല്ല ഇത് ഫാറ്റി ആസിഡുകളുടെ നല്ലൊരു ഉറവിടവുമാണ്. ഈ കൊഴുപ്പ് വിറ്റാമിൻ എ, ഇ, ഡി എന്നിവയാൽ സമ്പുഷ്ടമാണ്. മൊത്തത്തിലുള്ള ആരോഗ്യം നിലനിർത്തുന്നതിൽ ഇത് ഒരു പ്രധാന പങ്ക് വഹിക്കുന്നു. കൂടാതെ, നെയ്യിൽ ബ്യൂട്ടിറിക് ആസിഡ് അടങ്ങിയിട്ടുണ്ട്. ശരീരത്തിലെ വിറ്റാമിൻ എയുടെ കുറവ് നെയ്യ് കഴിക്കുന്നതിലൂടെ നികത്താമെന്ന് യശോദ ആശുപത്രിയിലെ സീനിയർ ഡോക്ടർ ഡോ.ദിലീപ് ഗുഡെ പറഞ്ഞു.

കൂടാതെ ചർമ്മത്തിന് തിളക്കവും ആരോഗ്യവും നൽകാം. ദിവസവും ഒരു സ്പൂണ് നെയ്യെങ്കിലും കഴിച്ചാൽ സന്ധി വേദന മാറുകയും എല്ലുകളെ ബലപ്പെടുത്തുകയും ചെയ്യും. കൂടാതെ, പല ആരോഗ്യ പ്രശ്നങ്ങളിൽ നിന്നും നിങ്ങൾക്ക് ആശ്വാസം ലഭിക്കും.

കുട്ടികളുടെ ഓർമ്മശക്തി മെച്ചപ്പെടുത്തുന്നു

നെയ്യ് കഴിക്കുന്നത് കുട്ടികളുടെ ഓർമ്മശക്തി വർദ്ധിപ്പിക്കും. കൂടാതെ, കാഴ്ചശക്തിയും പ്രതിരോധശേഷിയും വർദ്ധിക്കുന്നു.

ഒരാൾ എത്ര നെയ്യ് കഴിക്കണം

നെയ്യ് പരിമിതമായ അളവിൽ മാത്രമേ കഴിക്കാവൂ, ശരീരത്തിന് ഗുണകരമാണെങ്കിൽ, ഇതിന് ദോഷങ്ങളുമുണ്ട്. പ്രത്യേകിച്ച് 40 വയസ്സിനു മുകളിലുള്ളവർ പരിമിതമായ അളവിൽ മാത്രമേ നെയ്യ് കഴിക്കാവൂ.